Viral Video: విశ్వాసానికి నిదర్శనం.. యజమాని కుటుంబాన్ని కాపాడేందుకు విషసర్పంతో పోరాడిన పెంపుడు కుక్క..! గంటకు పైగా..
కుక్కను మనుషులకు అత్యంత నమ్మకమైన మిత్రుడని ఊరికే అనరు. తమను పెంచి పోషించిన యజమాని కుటుంబం కోసం తన ప్రాణాలను సైతం పణంగా పెట్టడానికి అవి వెనుకాడవు. తాజాగా ఉత్తర ప్రదేశ్లో చోటుచేసుకున్న ఒక హృదయవిదారక సంఘటన ఈ విషయాన్ని మరొకసారి నిరూపించింది. ఇంట్లోకి ప్రవేశించిన విషసర్పం నుంచి కుటుంబ సభ్యులను కాపాడేందుకు ఒక పెంపుడు కుక్క గంటపాటు ఆ పాముతో వీరోచితంగా పోరాడి, చివరకు ప్రాణాలు కోల్పోయింది. అసలు ఏమి జరిగిందో పూర్తి వివరాల్లోకి వెళితే..
Updated on: Aug 05, 2026 | 12:50 PM
ఉత్తర ప్రదేశ్లో పెంపుడు కుక్క చూపించిన విశ్వాసం, త్యాగం నెటిజన్లను తీవ్రంగా చలింపజేసింది. ఒక ఇంట్లోకి ఆకస్మాత్తుగా తీవ్రమైన విషం కలిగిన ఒక పాము ప్రవేశించింది. ఆ సమయంలో ఇంట్లో ఉన్న కుటుంబ సభ్యులు ప్రమాదాన్ని గమనించేలోపే పాము వారివైపు వెళ్లడానికి ప్రయత్నించింది. విషసర్పం ఇంట్లోకి రావడం గమనించిన పెంపుడు కుక్క వెంటనే అప్రమత్తమైంది. కుటుంబ సభ్యులకు ప్రమాదం రాకుండా ఆ పాముకు అడ్డుగా నిలిచింది. పాము ముందుకు వెళ్లకుండా దాదాపు గంట పాటు దాంతో తీవ్రంగా పోరాడింది.
ఆ పోరాటంలో పెంపుడు కుక్క పామును తీవ్రంగా గాయపరిచి, ఇంట్లోని వారి వద్దకు వెళ్లకుండా నిరోధించగలిగింది. అయితే, ఈ క్రమంలో విషసర్పం సదరు కుక్కను పలుమార్లు కాటు వేసింది. గంటపాటు జరిగిన ఈ పోరాటంలో పాము చనిపోగా, తీవ్రమైన విషం శరీరంలోకి పాకడంతో ఆ పెంపుడు కుక్క కూడా అక్కడికక్కడే ప్రాణాలు విడిచింది.
వీడియో ఇక్కడ చూడండి..
आधी रात घर के बाहर एक खतरनाक कोबरा सांप आया। घर में पाले हुए लेब्राडॉग ने देखा और सांप का सामना करना लगे।
कुत्ते ने लगभग एक घंटे लड़ा और सांप को मार डाला, सांप ने भी लड़ाई के समय कुत्ते को डस लिया।
कोबरा के डसने की वजह से आधे घंटे बाद लेब्राडॉग की भी मौत हो गई।
बलिया, UP pic.twitter.com/Ty9fPOs427
— Omkara (@OmkaraRoots) August 4, 2026
తమ ప్రాణాలను కాపాడేందుకు తమ కళ్లముందే పెంపుడు కుక్క ప్రాణాలు వదలడం చూసి కుటుంబ సభ్యులు కన్నీరుమున్నీరయ్యారు. తాము పెంచుకున్న మూగజీవి చూపించిన ఈ అసమాన సాహసం, విశ్వాసం తమను జీవితాంతం రుణపడి ఉండేలా చేశాయని వారు ఆవేదన వ్యక్తం చేశారు. ఈ వార్త సోషల్ మీడియాలో వైరల్ కావడంతో వేలాది మంది నెటిజన్లు ఆ పెంపుడు కుక్క అద్భుతమైన విశ్వాసానికి, త్యాగానికి అంజలి ఘటిస్తున్నారు. జంతువులు మనుషులపై చూపించే నిస్వార్థమైన ప్రేమకు ఈ ఘటన మరొక నిదర్శనంగా నిలిచింది.
