Viral Video: రెడ్ హ్యాండెడ్‌గా దొరికిన దొంగకు వింత శిక్ష.. నవ్వు ఆపుకోలేరు

జేబు దొంగలు, చైన్‌ దొంగలు రెడ్‌ హ్యాండెండ్‌గా పట్టుబడుతుండడం సాధారణంగా జరిగే విషయమే. అయితే ఇలా దొరికినప్పుడు దొంగకు చుక్కలు చూపిస్తుంటారు. చెట్టుకు కట్టేసి కొట్టిన సందర్భాలు కూడా ఉంటాయి. కొన్నిసార్లు ఏకంగా హత్యలు జరిగిన ఉదంతాలు కూడా ఉన్నాయి. అయితే తాజాగా ఓ దొంగకు వింత శిక్ష వేశారు. ఇంతకీ ఆ దొంగ ఏం చేశాడు.? ఆ వెరైటీ శిక్ష ఏంటో తెలియాలంటే ఈ స్టోరీలోకి వెళ్లాల్సిందే.

ఎన్‌సీఆర్‌లో రీజియన్‌లో ఓ వ్యక్తి గోల్డ్‌ చైన్‌ను కొట్టేసే సమయంలో రెడ్‌ హ్యాండెడ్‌గా పట్టుబడ్డాడు. దీంతో మొదట అతన్ని బెదిరించిన ప్రజలు ఆ తర్వాత అతనికి ఓ వింత శిక్ష వేశారు. అటు దొంగను కొట్టకుండా, ఇటు పోలీసులకు పట్టించకుండా భోజ్‌పురి పాటకు బలవంతంగా డ్యాన్స్‌ చేయించారు. స్టెప్పులు వేయాలంటూ బలవంతం పెట్టారు. దీంతో దొరికిన ఆ వ్యక్తి చేసేది ఏం లేక వాళ్లు చెప్పినట్లు పాటకు కాలు కదిపాడు.

దీనంతటినీ అక్కడే ఉన్న వారంత ఫోన్‌లో రికార్డ్‌ చేసి సోషల్‌ మీడియాలో పోస్ట్ చేశారు. దీంతో ఈ వీడియో కాస్త నెట్టింట తెగ వైరల్‌ అవుతోంది. దొంగ దొరికితే శిక్షించే వారిని చూశాం కానీ ఇలా పాటలకు డ్యాన్స్‌ చేయించిన వారిని ఎక్కడా చూడలేదంటూ కొందరు కామెంట్స్‌ చేస్తున్నారు. ఇక ఈ వీడియోను ఇలా పోస్ట్ చేశారో లేదో అలా నెట్టింట వైరల్‌ అవుతోంది. ఇప్పటి వరకు ఈ వీడియోను 9 లక్షల మందికిపైగా వీక్షించడం విశేషం. దొరికిన దొంగకు సరైన బుద్ధి రావాలంటే ఫిజికల్ దాడుల కంటే ఇదే బెస్ట్‌ ఆప్షన్‌ అని మరికొందరు భావిస్తున్నారు. ఇలా చేస్తే మరోసారి దొంగతనం చేయడానికి జంకుతారంటూ కామెంట్స్‌ చేస్తున్నారు. ఏది ఏమైనా ప్రస్తుతం ఈ వీడియో సోషల్‌ మీడియాను షేక్‌ చేస్తోంది.

వైరల్ వీడియో..

Thief got beaten by crowd and forced to dance on Song, Somewhere in NCR region pic.twitter.com/OpLcEcmyh8

— Ghar Ke Kalesh (@gharkekalesh) August 23, 2024

మరిన్ని ట్రెండింగ్ వార్తల కోసం క్లిక్ చేయండి..