Viral Video: 90 నిమిషాల పోరాటం.. ముళ్ల పందిని వేటాడబోయిన చిరుత.. కట్ చేస్తే.!

Leopard Attack Video: చిరుత వేట భయానకంగా ఉంటుంది. సహజంగా చిరుతలు వేటాడే క్రమంలో వ్యూహాన్ని, వేగాన్ని ఖచ్చితంగా అమలు చేస్తాయి…

Leopard

Ravi Kiran | Edited By: Anil kumar poka|
Updated on: Sep 06, 2021 | 9:40 PM

అడవిలో నియమాలు, నిబంధనలు చాలా భిన్నంగా ఉంటాయి. ఇక్కడ ఏ జంతువు ఎప్పుడు.? ఎవరికి.? ఎరగా మారుతుందో..! అలాగే ఏ జంతువు ఎప్పుడు చిక్కుల్లో పడుతుందో ఎవ్వరూ చెప్పలేరు. ఎందుకంటే ప్రకృతి ప్రతీ జీవికి భిన్నమైన లక్షణాలు ఇచ్చింది. ఒక జంతువుకు వేటాడే శక్తిని ఇస్తే.. మరో జంతువుకు తనను తాను రక్షించుకునే లక్షణాలు ఇచ్చింది. బహుశా ఈ లక్షణాలు కారణంగానే కొన్నిసార్లు క్రూర మృగాలు సైతం ఓటమిని చవి చూడాల్సి వస్తుంది. అందుకు నిదర్శనంగా నిలిచే ఓ వీడియో ప్రస్తుతం సోషల్ మీడియాలో వైరల్ అవుతోంది.

చిరుత వేట భయానకంగా ఉంటుంది. సహజంగా చిరుతలు వేటాడే క్రమంలో వ్యూహాన్ని, వేగాన్ని ఖచ్చితంగా అమలు చేస్తాయి. అవి ఎంచుకున్న జంతువులు తమ కనుచూపు మేర నుంచి తప్పించుకోకుండా.. రెప్పపాటులో వాయువేగంతో వాటిని వెంటాడి వేటాడటాయి.

వైరల్ వీడియో ప్రకారం, రోడ్డుపై ఓ చిరుత ముళ్ల పందిని వేటాడేందుకు ప్రయత్నిస్తోంది. ముళ్ల పందిని తన ఎరగా చేసుకునేందుకు చిరుత యత్నిస్తోంది. కాని అస్సలు కుదరట్లేదు. ఇక చిరుతను చూసి భయపడని ముళ్ల పంది ధైర్యంగా దాన్ని ఎదుర్కుంటోంది. తన ముళ్లతో ఆ క్రూర మృగాన్ని భయపెడుతోంది. ఆ ముళ్లు పలుసార్లు చిరుత పంజాకు గుచ్చుకున్నాయి. దానితో అది విలవిలలాడిపోతుంది. సుమారు 90 నిమిషాల పాటు ఈ రెండు జంతువుల మధ్య పోరాటం జరగగా.. చివరికి చిరుత ఓటమిని అంగీకరించింది.

ఈ షాకింగ్ వీడియోను ఐపీఎస్ ఆఫీసర్ రూపిన్ శర్మ తన ట్విట్టర్ ఖాతాలో పోస్ట్ చేశారు. దీనిని ఇప్పటివరకు 26 వేలకు పైగా వీక్షకులు చూశారు. నుండి షేర్ చేసారు. ముళ్లపంది తన ముళ్లతో తనని తాను ఏ జంతువు నుంచైనా రక్షించుకోగలదని.. చిరుత ఎరను తప్పుగా ఎంచుకుందని నెటిజన్లు కామెంట్స్ చేస్తున్నారు. లేట్ ఎందుకు మీరు కూడా ఓసారి వీడియోపై లుక్కేయండి.!

#Leopard v #Porcupine

अब तक सिर्फ सुना था,

आज देख भी लिया

How #Porcupine protects itself@ParveenKaswan @susantananda3 @SudhaRamenIFS @arunbothra @ipskabra @NaveedIRS pic.twitter.com/K6FOfMsb4i

— Rupin Sharma IPS (@rupin1992) September 3, 2021