Anand Mahindra: ఆనంద్ మహీంద్రా మెచ్చిన వీడియో.. పక్షుల్లా, జంతువుల్లా మారే ఈ కళాకారుల ప్రతిభకు సలామ్ అనాల్సిందే ఎవరైనా..
ఈ వీడియోను నెట్టింట పోస్ట్‌ చేసిన ఆనంద్ మహీంద్రా ‘‘అద్భుతం.. శుక్రవారం అడవిలో ఉన్నట్టుంది. చివరి దాని విన్యాసం వచ్చే వరకూ వేచి చూడండి’’అంటూ క్యాప్షన్లో రాసుకొచ్చారు.
Updated on: Dec 09, 2022 | 1:49 PM
ప్రపంచంలో ఎన్నో అద్భుతమైన కళలు దాగి ఉన్నాయనడానికి ఉదాహరణ ఈ వీడియో.. ఈ అద్భుతమైన వీడియో టెక్ దిగ్గజం ఆనంద్ మహీంద్రా కంట పడటంతో వెంటనే నెటిజన్లతో పంచుకున్నారు. ఈ వీడియోలో అందమైన, రకరకాల జంతువులు, పక్షులు కనిపించాయి. నిజానికి అవి జంతువులూ కాదు, పక్షులూ కాదు. వాళ్లంతా మనుషులే. అద్భుతమైన కళతో చూపరులను అంతగా భ్రమింపచేసారు. కళను ప్రదర్శించిన కళాకారుల నైపుణ్యాలకు ఎవరైనా ముచ్చట పడాల్సిందే.
ఈ వీడియోలో కొందరు కళాకారులు ఓ టాలెంట్‌ హంట్‌ షోలో భాగంగా అద్భుతమైన విన్యాసాలు చేశారు. శరీరంపై జంతు ఆకారాలను పెయింట్ గా వేసుకుని.. శరీర అవయవాలను పక్షులు, జంతువుల ఆకారంలోకి వంపు చేసి… అచ్చం పక్షి లేదా జంతువు అని భ్రమ పడేలాచేశారు. ఇది సాధారణమైనది కాదు. ఈ వీడియో చూసిన ఎవరైనా అద్భుతం అనకమానరు.
Fantastic. #Friday in the Forest. Wait for the last one… pic.twitter.com/puTdrKTlMW
— anand mahindra (@anandmahindra) December 9, 2022
ఈ వీడియోను నెట్టింట పోస్ట్‌ చేసిన ఆనంద్ మహీంద్రా ‘‘అద్భుతం.. శుక్రవారం అడవిలో ఉన్నట్టుంది. చివరి దాని విన్యాసం వచ్చే వరకూ వేచి చూడండి’’అంటూ క్యాప్షన్లో రాసుకొచ్చారు. వీడియో చివర్లో పెద్ద పులి దర్శనమిస్తుంది. అది కూడా ఓ కళాకారుడి కృషి అని తెలుస్తుంది. ఈ వీడియోను లక్షలాదిమంది వీక్షించారు. కళాకారుల ప్రతిభకు జేజేలు పలుకుతున్నారు. అద్భుతం అంటూ కామెంట్లు పెడుతున్నారు. జంతువుల్లా కనిపిస్తారు.. కానీ మనుషులే.. ఆనంద్ మహీంద్రా మెచ్చిన వీడియో చూడాల్సిందే
మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..
