Viral Video: వామ్మో.. మరీ ఇంత ధైర్యం వద్దు బ్రో.. కాస్త తేడా అయితే ప్రాణాలు గాల్లో కలిసిపోతాయ్..
సోషల్ మీడియా ప్రపంచంలో నిత్యం ఎన్నో రకాల వీడియోలు వైరల్ అవుతుంటాయి. వాటిలో కొన్ని ఫన్నీగా.. మరికొన్ని ఆశ్చర్యకరంగా, భయంకరంగా ఉంటాయి. తాజాగా, నెట్టింట ఓ భయంకరమైన వీడియో వైరల్ అవుతోంది.
Updated on: Jan 21, 2023 | 9:02 PM
సోషల్ మీడియా ప్రపంచంలో నిత్యం ఎన్నో రకాల వీడియోలు వైరల్ అవుతుంటాయి. వాటిలో కొన్ని ఫన్నీగా.. మరికొన్ని ఆశ్చర్యకరంగా, భయంకరంగా ఉంటాయి. తాజాగా, నెట్టింట ఓ భయంకరమైన వీడియో వైరల్ అవుతోంది. సాధారణంగా మొసలికి ఆహారాన్ని దూరం నుంచి అందిస్తారు. కానీ.. ఓ వ్యక్తి నీటిలో ఉన్న మొసలికి ఆహారాన్ని అందించిన తీరు అందర్ని భయాందోళనకు గురిచేస్తోంది. కుక్కపిల్లలు, పిల్లులు, పక్షులు వంటి చిన్న పెంపుడు జంతువులకు సంబంధించిన అనేక వీడియోలను మీరు చూసే ఉంటారు. ఇవన్నీ సాదుజంతువుల కిందకు వస్తాయి.. మనుషులతో కూడా కలిసిమెలసి ఉంటాయి. అయితే, మొసలి వంటి ప్రమాదకరమైన జంతువులకు దూరంగా ఉండటమే మంచిది. కానీ, ఫ్లోరిడాకు చెందిన ఓ వ్యక్తి మొసలికి మాంసం ముక్కను తినిపిస్తున్న దృశ్యం ప్రస్తుతం.. నెట్టింట వైరల్‌గా మారి నెటిజన్లను పిచ్చెక్కించింది.
ఈ వైరల్ వీడియోలో మీరు శ్రద్ధగా గమనిస్తే.. ఒక వ్యక్తి తన మోకాళ్ల మధ్య మొసలిని పట్టుకుని మాంసం ముక్కను తినిపిస్తున్న దృశ్యాన్ని మీరు చూడవచ్చు. ఆ మనిషిని చూసిన మొసలి.. తన దగ్గరికి వస్తుంది. ఆ తర్వాత మొసలిని రెండు కాళ్ల మధ్యలోకి తీసుకుని.. మాంసం ముక్కను అందిస్తాడు. ఆహారం ఇచ్చిన తర్వాత అతను మొసలిని నీటిలోకి ఈదడానికి వదిలేస్తాడు.
వీడియో చూడండి..
Only in Florida pic.twitter.com/3d1g7pf4e5
— Lance?? (@BornAKang) January 20, 2023
సోషల్ నెట్‌వర్కింగ్ సైట్ ట్విట్టర్‌లో Lance అనే యూజర్ పోస్ట్ చేసిన కొద్దిసేపటికే వీడియో 3.9 మిలియన్లకు పైగా వీక్షణలు, 54.3 వేలకు పైగా లైక్‌లు వచ్చాయి. తన జీవితంలో ఇలాంటి స్నేహపూర్వక మొసలిని చూడలేదంటూ నెటిజన్లు షాకవుతున్నారు. కొంచెం అటు ఇటైనా జీవితం ప్రమాదంలో పడుతుందని.. ఇలాంటి జంతువులకు దూరంగా ఉండాలంటూ సూచిస్తున్నారు.
మరిన్ని ట్రెండింగ్ వార్తల కోసం..
