ఎవర్రా మీరంతా.! పాపం.. పిల్లోడి మ్యారేజ్ డేను కూడా వదల్లేదు.. దెబ్బకు ఆన్‌లైన్‌లో తిష్టవేసిన బాస్!

ఈ రోజుల్లో కార్పొరేట్ ప్రపంచంలో ఉద్యోగం-జీవిత సమతుల్యత గురించి చాలా చర్చ జరుగుతోంది. వాస్తవం చాలా భిన్నంగా ఉంటుంది. దీనికి సంబంధించిన ఒక ఇటీవలి ఉదాహరణ సోషల్ మీడియాలో వెలుగులోకి వచ్చింది. ఇది ఇంటర్నెట్ సమాజాన్ని రెండు వర్గాలుగా విభజించింది. కంపెనీ వ్యవస్థాపకులు తమ ఉద్యోగుల అంకితభావాన్ని, అభిరుచిని విపరీతంగా ప్రశంసిస్తుండగా, నెటిజన్లు తీవ్ర ఆగ్రహంతో ఊగిపోతున్నారు.

ఒహియోకు చెందిన ట్రిపుల్ వేల్ సంస్థ సహ వ్యవస్థాపకుడైన ఏజే ఓర్బాచ్, తన టీమ్ సభ్యులలో ఒకరు తన పెళ్లి రోజున కూడా పని కోసం ఆన్‌లైన్‌లోకి వచ్చారని గర్వంగా తెలియజేస్తూ, మైక్రో-బ్లాగింగ్ సైట్ Xలో ఒక పోస్ట్‌ను పంచుకున్నారు. ఇదే ఇప్పడు ప్రపంచవ్యాప్తంగా సోషల్ మీడియాలో చర్చనీయాంశంగా మారింది. అతను తనకు, ఉద్యోగికి మధ్య జరిగిన సంభాషణకు సంబంధించి స్క్రీన్‌షాట్‌ను పంచుకున్నాడు. అది ఈ విధంగా ఉంది: ఒబార్చ్, “మీరు ఎలా ఉన్నారు?” అని అడిగాడు. దానికి ఉద్యోగి, “అంతా బాగానే ఉంది. ఈ ఉదయం నాకు పెళ్లి అయింది, ఆ తర్వాత రోజే మళ్లీ ఆన్‌లైన్‌లోకి వర్క్‌లోకి వచ్చాను” అని సమాధానమిచ్చాడు.

ఉద్యోగి కష్టాన్ని ప్రజలు ప్రశంసిస్తారని ఒబార్చ్ భావించారు, కానీ ఆ చర్య బెడిసికొట్టింది. సోషల్ మీడియాలో తీవ్ర వ్యతిరేకత వెల్లువెత్తడంతో, ఉద్యోగిపై ఎలాంటి ఒత్తిడి పెట్టలేదని ఆయన వివరణ ఇచ్చుకునే ప్రయత్నం చేశారు. “అతను సెలవును ఆమోదించాడు. ఇది ఒక ప్రత్యేకమైన యాజమాన్య భావన. అయితే, వెంటనే లాగ్ ఆఫ్ చేయమని కూడా నేను అతడిని కోరాను.” అని స్పష్టం చేశాడు.

అయితే సోషల్ మీడియా వినియోగదారులు దీనిని దిగ్భ్రాంతికరమైనదిగా, విషపూరితమైనదిగా అభివర్ణించారు. ఒకరు, “పెళ్లి రోజున ఒకరిని పనికి ఎలా పిలుస్తారు?” అని రాశారు. మరొకరు, “ఇప్పటివరకు చూసిన పోస్టులలో ఇదే అత్యంత చెత్తది. మీరు సిగ్గుపడాలి,” అని అన్నారు. ఇంకొక వినియోగదారు, “ఎవరైనా తమ పెళ్లి రోజున పని చేయడానికి సిద్ధంగా ఉంటే, అది గొప్పగా చెప్పుకోవాల్సిన విషయం కాదు,” అని రాశారు. మరో వినియోగదారు, “విషపూరిత సంస్కృతి అంటే ఇదే,” అని వ్యాఖ్యానించారు. ఇంకొక వినియోగదారు, “మానవత్వం చచ్చిపోయిందా?” అని రాశారు.

One of our team just got married today… and still popped online for a bit.

Not because anyone asked. Is on fully approved PTO. Just genuinely excited about what they’re building.

That kind of ownership is special. Also told them to log off 😁 pic.twitter.com/ZVP6vBR819

— AJ Orbach 🐳 (@AY_Orbach) April 7, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి..