Watch video: చూడగానే గిన్నెలు కిడిగే స్క్రబ్బర్ అనుకుంటారేమో ..! మరీ అసలు విషయం తెలిస్తే అవాక్ అవుతారు..
ప్రస్తుతం మార్కెట్‌లో రకరకాల కేక్‌లు అందుబాటులో ఉన్నాయి. మీ అవసరాలకు అనుగుణంగా వివిధ ఆకృతులలో కేక్‌లు లభిస్తుంటాయి.
ఫుడ్స్‌కి చాలా వెరైటీని తీసుకొచ్చే వీడియోలు సోషల్ మీడియాలో చాలానే చూస్తుంటాం. ఏదైనా చూడగానే తయారు చేసి తినాలనిపిస్తుంది. కానీ, కొందరు తయారు చేసే చిత్ర విచిత్రమైన వంటకాలు చూస్తే అసహ్యంగా అనిపిస్తుంది. ఉత్తర భారతీయులు తమ వంటకాలతో ప్రయోగాలు చేస్తూ వివిధ సామాజిక మాధ్యమాల్లో కనిపిస్తుంటారు. అలాంటిదే ఇక్కడ మరో వీడియో సోషల్ మీడియాలో హల్‌చల్‌ చేస్తోంది. వీడియో చూసిన నెటిజన్లు షాక్ అవుతున్నారు. ఓరీ దేవుడో ఇదేం వంటకం రా సామీ అంటూ ఫన్నీ కామెంట్స్‌ చేస్తున్నారు.
కేక్ అంటే అందరికీ ఇష్టమైన స్వీట్‌. బర్త్ డే అయినా, మరే ఇతర ఈవెంట్ అయినా అందరూ ఇంట్లో కేక్ కొంటారు లేదా తయారు చేస్తారు. ప్రస్తుతం మార్కెట్‌లో రకరకాల కేక్‌లు అందుబాటులో ఉన్నాయి. మీ అవసరాలకు అనుగుణంగా వివిధ ఆకృతులలో కేక్‌లను తయారు చేయవచ్చు. ఓ విభిన్నమైన కేక్ ఇప్పుడు వైరల్ అవుతోంది. ఈ కేక్ ఎలా వైరల్ అవుతుందో అని ఆలోచిస్తున్నారా? అయితే ఇది చూస్తే మీరు షాక్ అవుతారు. ఇది డిష్ వాష్ స్పాంజ్ ఆకారంలో ఉండే కేక్. కేక్ ఆకుపచ్చ మరియు పసుపు రంగు స్పాంజ్ రూపంలో తయారు చేయబడింది. స్పాంజ్ పైన కూడా సబ్బు నురగ లాగా తయారు చేశారు. ఒక వ్యక్తి దానిని కోసి తింటున్నట్లు వీడియోలో చూడవచ్చు. ఇది చూసి సోషల్ మీడియా మొత్తం షాక్ అయ్యింది. కొందరు ఆశ్చర్యం వ్యక్తం చేసినా.. ఎలా తింటారు అనే ప్రశ్నను చాలా మంది అడిగారు. ఈ వీడియోను ఇన్‌స్టాగ్రామ్ ఖాతా makanterusss షేర్ చేసింది. ఈ వీడియోను లక్ష మందికి పైగా లైక్ చేశారు.
View this post on Instagram
ఇదిలా ఉంటే, ఇటీవలే డార్క్ చాక్లెట్ విత్‌ మ్యాగీ తయారీ చూసిన నెటిజన్లు దాన్ని కూడా అసహించుకున్నారు. డార్క్ చాక్టెల్‌ విత్‌ మ్యాగీలో తయారీలో మ్యాగీని నీటిలో కాకుండా పాలలో ఉడకబెట్టారు. మ్యాగీ మెత్తబడిన తర్వాత అందులో డార్క్ చాక్లెట్‌ను కలిపేశారు. ఇది మ్యాగీ రంగును చాక్లెట్ రంగుగా మార్చడమే కాకుండా, దాని రుచిని కూడా మార్చేసింది. తయారీదారు ఈ వంటకాన్ని వండిన తర్వాత రుచికరంగా ఉందంటూ ఆస్వాధించిన తీరు నెటిజన్లకు ఆగ్రహం తెప్పించింది. మ్యాగీ వీడియోపై నెటిజన్లు ఫన్నీ రియాక్షన్స్‌తో మండిపడ్డారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
