Funny Video: ఓరి దీని ఏశాలో.. ఈ కుక్కకు నిజంగా ‘ఆస్కార్’ అవార్డ్ ఇవ్వాల్సిందే..!

Viral Video: ఇంట్లో పెద్దలు, పిల్లలు చాలా సరదాగా ఆడుకుంటుంటారు. ముఖ్యంగా దొంగా పోలీసు ఆట చాలా సందర్భాల్లో చూస్తుంటాం.

Dog Acting

Shiva Prajapati |
Updated on: Mar 27, 2022 | 6:00 AM

Viral Video: ఇంట్లో పెద్దలు, పిల్లలు చాలా సరదాగా ఆడుకుంటుంటారు. ముఖ్యంగా దొంగా పోలీసు ఆట చాలా సందర్భాల్లో చూస్తుంటాం. పిల్లలు బొమ్మ తుపాకీ పట్టుకుని తమ కుటుంబ సభ్యులను బెదిరిస్తుండటం చేస్తుంటారు. తుపాకీతో కాల్చడం.. చనిపోయినట్లు నటిస్తుంటారు. అయితే, ఇలా మనుషులకు మాత్రమే నటించడం వచ్చు అనుకుంటే పొరపాటే. అవును మీరు విన్నది నిజమే.. ఓ కుక్క చేసిన యాక్టింగ్‌ చూస్తే.. షాక్‌ అవుతారు. ఓ ఓనర్ చాలా రోజులుగా ఓ కుక్కను పెంచుకుంటున్నాడు. అయితే తన కుక్కను గన్‌తో కాల్చినట్లుగా రెండు చేతులను చూపిస్తూ, గన్‌ ఫైర్ సౌండ్‌ చేశాడు. కానీ అతని చేతుల్లో గన్ లేదన్న విషయం తెలిసి కూడా ఆ శునకం చనిపోయిన్నట్లుగా నటించింది. ఆ తర్వాత కాసేటికి మళ్లీ లేచి, తన యజమానిని చూస్తూ ఓ వింత ఎక్స్‌ప్రెషన్స్‌ కూడా ఇచ్చింది శునకం. ఇక ఇందుకు సంబంధించిన వీడియోను సోషల్ మీడియాలో షేర్ చేయగా.. అదికాస్తా వైరల్ అయ్యింది. ఈ వీడియోను చూసి నెటిజన్లు ఫిదా అయిపోతున్నారు. కుక్క తెలివికి, నటనకు హ్యాట్సాఫ్ చెబుతున్నారు. దీనికి ఖచ్చితంగా ఆస్కార్‌ అవార్డ్‌ ఇవ్వాలంటూ కామెంట్స్‌ చేస్తున్నారు. మరెందుకు ఆలస్యం.. ఈ ఫన్నీ వీడియోను మీరూ చూసేయండి.