Bull Attack in America : అమెరికాలో ఎద్దు దాడి.. మహిళను ఎత్తి పడేసింది.. షాకింగ్ వీడియో వైరల్
గుంపులో నిలబడిన మహిళను ఎద్దు కొమ్ములతో పైకెత్తి నేలకేసి కొట్టినట్టుగా వీడియోలో కనిపిస్తోంది. ఎద్దు సృష్టించిన బీభత్సానికి సంబంధించిన వీడియో వైరల్ అవుతోంది. ఆ ఎద్దు చాలా సేపు అక్కడ భీభత్సం సృష్టించింది. ఎద్దు దాడిలో ఇద్దరు వ్యక్తులు గాయపడ్డారు. గాయపడిన ఇద్దరినీ ఆసుపత్రిలో చేర్చి చికిత్స అందించారు. ఎట్టకేలకు ఆ ఎద్దును పట్టుకుని బంధించారు.
Updated on: Jun 11, 2024 | 3:48 PM
భారతదేశంలో ఎద్దుల దాడికి సంబంధించిన సంఘటనలు, వీడియోలు అనేకం చూస్తుంటాం. అయితే, ప్రస్తుతం అమెరికాలో ఎద్దును అదుపు చేయలేని వీడియో వైరల్ అవుతోంది. ఈ వీడియో చూసి జనాలు షాక్ అవుతున్నారు.. ఎద్దు జనం మధ్యకు పరిగెత్తుకు వచ్చి ఒక మహిళను ఎత్తిపడేసింది. జరిగిన ఘటనతో ఒక్కసారిగా అక్కడ తీవ్ర కలకలం రేపింది. వైరల్ అవుతున్న వీడియోలో ఎద్దు ఎన్‌క్లోజర్ నుండి దూకి పరుగెత్తడం కనిపించింది. సిస్టర్స్ రోడియో గ్రౌండ్స్ వెలుపల ఈ ఘటన జరిగింది. ఎద్దు కంచె దాటి అక్కడున్న వారిపై దాడి చేసిందని సిస్టర్స్ రోడియో అసోసియేషన్ తెలిపింది.
ఎద్దు పరిగెత్తుతుండగా, కొందరు దానిని పట్టుకోవడానికి పరుగులు తీయడం కనిపించింది. అయితే, ఎద్దును అదుపు చేసేందుకు వీలు లేకుండా అది వేగంగా వచ్చి మహిళను కుమ్మేసింది. గుంపులో నిలబడిన మహిళను ఎద్దు కొమ్ములతో పైకెత్తి నేలకేసి కొట్టినట్టుగా వీడియోలో కనిపిస్తోంది. ఎద్దు సృష్టించిన బీభత్సానికి సంబంధించిన వీడియో వైరల్ అవుతోంది. ఆ ఎద్దు చాలా సేపు అక్కడ భీభత్సం సృష్టించింది. ఎద్దు దాడిలో ఇద్దరు వ్యక్తులు గాయపడ్డారు. గాయపడిన ఇద్దరినీ ఆసుపత్రిలో చేర్చి చికిత్స అందించారు. ఎట్టకేలకు ఆ ఎద్దును పట్టుకుని బంధించారు.
Madness at the Sisters Rodeo last night as a bull jumped the fence & made it into the concession area. pic.twitter.com/1OVHiHrknj
— Rjrtyx (@weixj8862) June 9, 2024
సిస్టర్స్ రోడియో ప్రోగ్రామ్ అమెరికాలో బాగా ప్రాచుర్యం పొందింది. ఇందులో పాల్గొనేందుకు, ప్రొగ్రామ్‌ను చూసేందుకు పెద్ద సంఖ్యలో ప్రజలు తరలివస్తున్నారు. రోడియో చాలా వినోదాత్మక క్రీడగా పరిగణించబడుతున్నప్పటికీ, కొన్నిసార్లు ఇలాంటి ప్రమాదకరమైన పరిస్థితులు తలెత్తుతాయి. 84వ సిస్టర్స్ రోడియో చివరి రౌండ్‌లో ఈ సంఘటన రాత్రి 10 గంటల సమయంలో జరిగింది.
మరిన్ని ట్రెండింగ్ న్యూస్ కోసం క్లిక్ చేయండి..
