Video: హార్ట్ ఎటాక్ వచ్చే సమయంలో ఇంత నరకంగా ఉంటుందా.? షాక్కి గురిచేస్తున్న లైవ్ వీడియో..
గుండెపోటు బారిన పడుతోన్న వారి సంఖ్య రోజురోజుకీ పెరిగిపోతోంది. వయసుతో సంబంధం లేకుండా చిన్న వయస్కులు కూడా హార్ట్ ఎటాక్తో మరణిస్తున్నారు. అప్పటి వరకు ఉషారుగా ఉన్న వారు ఒక్కసారిగా కుప్పకూలిపోతున్నారు. సీసీ టీవీ కెమెరాల ఏర్పాటు పెరగడంతో గుండె పోటుతో..
Updated on: Jan 06, 2023 | 4:16 PM
గుండెపోటు బారిన పడుతోన్న వారి సంఖ్య రోజురోజుకీ పెరిగిపోతోంది. వయసుతో సంబంధం లేకుండా చిన్న వయస్కులు కూడా హార్ట్ ఎటాక్తో మరణిస్తున్నారు. అప్పటి వరకు ఉషారుగా ఉన్న వారు ఒక్కసారిగా కుప్పకూలిపోతున్నారు. సీసీ టీవీ కెమెరాల ఏర్పాటు పెరగడంతో గుండె పోటుతో మరణిస్తున్న వారి వీడియోలు ప్రపంచానికి తెలుస్తున్నాయి. ఇక సోషల్ మీడియాలో అందుబాటులోకి రావడంతో ఈ వీడియోలు క్షణాల్లో ప్రపంచాన్ని చుట్టేస్తున్నాయి. జిమ్లో వర్కవుట్స్ చేస్తున్న సమయంలో కొందరు, స్టేజ్పై డ్యాన్స్ చేస్తున్న సమయంలో మరికొందరు ఇలా.. గుండె పోటుతో లైవ్లో ప్రాణాలు వదిలిన సంఘటనల తాలుకూ వీడియోలు నెట్టింట తెగ వైరల్ అవుతున్నాయి.
ఈ క్రమంలోనే తాజాగా ఇలాంటి ఓ వీడియోనే నెట్టింట ట్రెండింగ్ అవుతోంది. వీడియో చూసిన నెటిజన్లు షాక్కి గురవుతున్నారు. వివరాల్లోకి వెళితే.. సంజయ్ అనే యువకుడికి చాతిలో ఏదో ఇబ్బందిగా అనిపించింది. దీంతో ఫరీదాబాద్లోని ఓ మెడికల్ దుకాణానికి చేరుకున్నాడు. అప్పటికే సదరు వ్యక్తి పూర్తిగా నిరసంగా ఉన్నాడు. చాతిలో విపరీతమైన నొప్పి కారణంగా చేతితో చాతిని రుద్దుకున్నాడు. ఎంతకీ నొప్పి తగ్గకపోవడంతో అక్కడే టేబుల్పై చేతులు వాల్చి ఏదో ఇవ్వని షాప్ కీపర్ని అడిగాడు.
मौत की लाईव वीडियो सीसीटीवी में कैद फरीदाबाद में मेडिकल स्टोर पर ORS लेने गए युवक ने तोड़ा दम @police_haryana @FBDPolice pic.twitter.com/0YSlLXm4fX
— Tricity Today (@tricitytoday) January 5, 2023
దీంతో సదరు షాప్ కీపర్ అతను అడిగిన విధంగానే ఓఆర్ఎస్లాంటి డ్రింక్ను ఇచ్చాడు. అయితే అప్పటికే విపరీతమైన నొప్పితో బాధపడుతున్న సదరు వ్యక్తి ఒక్కసారిగా కింద కుప్పకూలిపోయాడు. తీరా అతన్ని ఆసుపత్రికి తరలించగా గుండె పోటుతో మరణించినట్లు వైద్యులు నిర్ధారించారు. ఇదంతా అక్కడే ఉన్న సీసీ కెమెరాల్లో రికార్డ్ అయ్యింది. దీంతో ప్రస్తుతం ఈ వీడియో నెట్టింట తెగ వైరల్ అవుతోంది. ఈ వీడియో చూసిన నెటిజన్లు షాక్ అవుతున్నారు. గుండె పోటు వచ్చే ముందు ఇంతక నరకంగా ఉంటుందా.? అని కామెంట్స్ చేస్తున్నారు.
మరిన్ని ట్రెండింగ్ ఆర్టికల్స్ కోసం క్లిక్ చేయండి..
