తొలిసారి విమానం ఎక్కిన యువకుడు.. సంతోషంతో ఏం చేశాడో తెలుసా..? ఫిదా అవ్వాల్సిందే..
నేను మొదటిసారి విమానంలో ప్రయాణిస్తున్నాను. నా వయస్సు 27 సంవత్సరాలు. ఇది నా జీవితంలో చాలా సంతోషకరమైన అనుభూతి అంటూ తన ఆనందాన్ని పంచుకున్నాడు.
Updated on: Feb 02, 2023 | 12:52 PM
చాలా మంది దూర ప్రయాణాలకు రైలు లేదా విమాన ప్రయాణాలను ఎంచుకుంటారు. సామాన్య ప్రజలు సాధారణంగా రవాణా కోసం రైల్వేలను ఎక్కువగా ఉపయోగిస్తారు. అంతేకాదు ఒక రాష్ట్రం నుంచి మరో రాష్ట్రానికి, ఒక దేశం నుంచి మరో దేశానికి వెళ్లాల్సిన వారు విమానయాన సంస్థలను ఎంచుకుంటారు. కానీ విమాన ప్రయాణం అందరికీ అందుబాటులో ఉండదు. సామాన్యులకు విమాన ప్రయాణం ఒక కల. కొందరు చిన్నతనంలో విమాన ప్రయాణం చేస్తారు. మరికొంత మంది ఉద్యోగం వచ్చిన తర్వాత తమ జీతంతో విమాన ప్రయాణం చేస్తుంటారు. విమాన ఛార్జీలు అంత చౌకగా ఉండవు కాబట్టి ఫ్లైట్ ఎక్కడం ఒక కల అని చాలా మంది అనుకుంటారు. అలాంటి ఘటనకు సంబంధించినదే ఈ వీడియో కూడా..
ఒక వ్యక్తి తన 27వ ఏట మొదటిసారిగా ఫ్లైట్ ఎక్కాడు. తొలి విమాన ప్రయాణ ఆనందాన్ని ట్విట్టర్లో పంచుకున్నాడు. ట్విటర్ యూజర్ హేమంత్ విమానంలో కూర్చొని బోర్డింగ్ పాస్ పట్టుకుని ఉన్న చిత్రాన్ని ట్విట్టర్లో షేర్ చేశాడు. ‘నేను మొదటిసారి విమానంలో ప్రయాణిస్తున్నాను. నా వయస్సు 27 సంవత్సరాలు. ఇది నా జీవితంలో చాలా సంతోషకరమైన అనుభూతి అంటూ తన ఆనందాన్ని పంచుకున్నాడు.
మూడు రోజుల క్రితం ఒక ట్వీట్లో షేర్ చేయబడిన ఈ ఈ పోస్ట్కి ఇప్పటివరకు 1.9 మిలియన్లకు పైగా వ్యూస్ వచ్చాయి. 46,000 మంది దీన్ని లైక్ చేసారు. దాదాపు 2,000 మంది దీనిని రీట్వీట్ చేశారు. వందల మంది స్పందించారు. దీనిపై నెటిజన్లు రకరకాలుగా కామెంట్లు చేస్తున్నారు. హార్ట్ సింబల్ ఎమోజితో ఆనందాన్ని వ్యక్తం చేస్తున్నారు.
‘తొలి ప్రయాణం ఎప్పుడూ ఆనందదాయకంగా ఉంటుంది. ఈ ప్రయాణం మీకు విజయాన్ని, ఆనందాన్ని అందించాలి. గుడ్ లక్’ అని ట్విట్టర్ యూజర్ పోస్ట్ చేశారు. మరొకరు ఇలా వ్యాఖ్యానించారు: ‘నాకు మీరు తెలియదు, కానీ మీరు సంతోషంగా ఉండటం చాలా బాగుంది. “ఎంజాయ్ యువర్ మూమెంట్స్ బ్రో” అంటూ మరో నెటిజన్ ఉత్సాహంగా కామెంట్ చేశారు.
This is the first time I’m travelling in flight and I’m 27yrs old. Small W in my life, feeling so happy!?❤️ pic.twitter.com/89uOswEcBM
— Hemanth (@hemanth1117) January 28, 2023
‘నాకు 25 ఏళ్లు, మా కుటుంబంలో విమానంలో ప్రయాణించిన మొదటి వ్యక్తి నేనేనని అనుకున్నాను. నా కుటుంబం అంతా గర్వంగా మాట్లాడుకోవడం నాకు గుర్తుంది. పెద్ద విజయానికి చిన్న అడుగులు’ అని మరొకరు వ్యాఖ్యానించారు. మరొకరు ‘మీకు కావలసినది మీకు లభించినప్పుడు, అది పెద్దదైనా, చిన్నదైనా అది అద్భుతమైన అనుభూతి. మీ జీవితాంతం ఆదరించే క్షణం. మీరు దాని కోసం నిజాయితీగా పనిచేసినప్పుడే అది మరింత రెట్టింపు అవుతుంది అన్నారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి..
