మిషన్ అడ్మిషన్

చిన్న తనంలో మనమందరం.. పెద్దయ్యాక మనకు ఇష్టమైన వృత్తిలో సెటిల్‌ అవ్వాలని కలలు కంటుంటాం. అయితే సరైన మార్గదర్శకత్వం లేకపోవడం వల్ల ‘అభిరుచి’ని ‘వృత్తి’గా మార్చుకోవడంలో అనేక మంది విఫలమవుతుంటారు. కెరీర్‌ ఎంపికలో మనకు తెలియని మార్గాలు చాలానే ఉంటాయి. అయితే అవి ఏంటో, ఏయే కోర్సులు అందుబాటులో ఉన్నాయో, ఎక్కడెక్కడ ప్రవేశాలు కల్పిస్తారో.. వంటి వివరాలు చాలా మందికి తెలియకపోవడం అతిపెద్ద సమస్యగా మారుతుంది. అంతేకాకుండా పెద్దయ్యాక పెద్దపెద్ద కొలువులు దక్కించుకోవాలని కలలు కనేవారికి భవిష్యత్తులో ఏమి చదువుకోవాలో, తమ కలలను ఎలా నిజం చేసుకోవాలో విద్యార్థులకు మార్గనిర్దేశం చేసేవారు దాదాపు దొరకడం లేదు. దీంతో అనేక మంది విద్యార్ధులు దొరికిన దాంతో తృప్తిపడిపోదామని కాంప్రమైజ్‌ అయిపోతుంటారు. ఇకపై ఆ బెంగ మీకుండదు. దేశ భవిష్యత్తు తరాలకు సరైన దిశను చూపించడానికి, వారి కలలను సరైన దిశలో నడిపించడానికి TV9 తెలుగు డిజిటల్ మీకు అభయ హస్తం అందిస్తోంది. టీవీ9 నెట్‌వర్క్ ప్రయత్నం ‘మిషన్ అడ్మిషన్’ ఉద్దేశ్యం కూడా అదే.

ఎప్పుడు, ఎక్కడ, ఏ కొత్త కోర్సులు ప్రారంభిస్తున్నారు? ప్రవేశం ఎలా పొందాలి? టాపర్ల రహస్య మంత్రం ఏమిటి? ‘అభిరుచి’ని ‘వృత్తి’గా ఎలా ఎంచుకోవాలి?.. వంటి వివరాలు ‘మిషన్ అడ్మిషన్’ మీకు చక్కని మార్గనిర్దేశం చేస్తుంది. మీ ఉన్నత భవిష్యత్తు కోసం TV9 తెలుగు డిజిటల్‌పై దృష్టి సారించండి.