Telangana: హైవేపై మరో బస్సు ప్రమాదం.. ఇద్దరు డ్రైవర్ల నిర్లక్ష్యంతో ప్రయాణికుల ప్రాణాలు బలి

వరంగల్-హైదరాబాద్ మధ్య జాతీయ రహదారి NH 163 పై ఘోర రోడ్డు ప్రమాదం జరిగింది. రహదారిపై ఆగిఉన్న ఇసుక లారీని ఆర్టీసీ సూపర్ లగ్జరీ బస్సు వెనుక నుండి ఢీ కొట్టింది. ఈ ప్రమాదంలో ఇద్దరు ప్రయాణికులు అక్కడికక్కడే ప్రాణాలు కోల్పోగా మరో ఆరుగురు తీవ్ర గాయాలతో ఆసుపత్రి పాలయ్యారు.. ఇద్దరు డ్రైవర్ల నిర్లక్ష్యం ఈ ప్రమాదానికి కారణంగా గుర్తించిన పోలీసులు లారీ డ్రైవర్ తో పాటు బస్సు డ్రైవర్ ను అదుపులోకి తీసుకొని విచారిస్తున్నారు.

జాతీయ రహదారిపై అజాగ్రత్తగా లారీ డ్రైవర్ ఇసుక లారీ పార్కింగ్ చేశాడు. ఆర్టీసీ డ్రైవర్ ఆ లారీని గమనించకుండా వెనుక నుంచి ఢీకొట్టాడు. ఈ ప్రమాదంలో ఇద్దరు ప్రయాణికులు నిండు ప్రాణాలు కోల్పోగా ఆరుగురు తీవ్ర గాయాలతో ఆసుపత్రి పాలయ్యారు. వరంగల్ – హైదరాబాద్ జాతీయ రహదారిపై జనగామ జిల్లా రఘునాథపల్లి మండలం నిడికొండ వద్ద ఈ ప్రమాదం జరిగింది. ఈ ప్రమాదంలో ఇద్దరు ప్రయాణికులు అక్కడికక్కడే ప్రాణాలు కోల్పోయారు.. మరో ఆరుగురు తీవ్ర గాయాలతో ఆసుపత్రిలో చికిత్స పొందుతున్నారు.

ఈ ప్రమాదం ఆదివారం తెల్లవారుజామున జరిగింది.. TG07UK5469 నెంబర్ గల ఇసుక లారీని డ్రైవర్ నిర్లక్ష్యంగా జాతీయ రహదారిపై నిలిపాడు. ఈ మార్గంలో హనుమకొండ నుండి హైద్రాబాద్ వెళ్తున్న TG03Z0046 నెంబర్ గల సూపర్ లెగ్జరీ రాజధాని బస్సు వెనుకనుండి డీ కొట్టింది. ఈ క్రమంలో బస్సు ఎడమ వైపు భాగం నుజ్జునుజ్జయింది.. బస్సులో ఎడమ వైపు కూర్చున్న ఇద్దరు ప్రయాణికులు అక్కడికక్కడే మృతి చెందారు.. మరో ఆరుగురికి తీవ్ర గాయాలయ్యాయి..

మృతులు దిండిగల్ కు చేసిన పులమాటి ఓం ప్రకాష్( 75 ) గా గుర్తించారు.. మరొకరు హనుమకొండలోని బాలసముద్రం ప్రాంతానికి చెందిన నవదీప్ సింగ్ గా గుర్తించారు.. ఆరుగురు క్షతగాత్రులను ఎంజీఎం హాస్పిటల్ కు తరలించి చికిత్స అందిస్తున్నట్లు పోలీసులు తెలిపారు.

బస్సు నిర్లక్ష్యం.. లారీ డ్రైవర్ అజాగ్రత్త ఈ ప్రమాదానికి కారణమని.. ప్రాథమికంగా నిర్ధారించిన పోలీసులు.. ఇరు డ్రైవర్లను అదుపులోకి తీసుకుని విచారిస్తున్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి..