కొత్తిమీర 10 రోజుల పాటు పచ్చగా ఉండాలంటే ఇలా చేస్తే చాలు..
Krishna S
02 may 2026
మార్కెట్ నుండి తెచ్చిన కొత్తిమీరను నేరుగా ప్లాస్టిక్ కవర్లలో ఉంచి ఫ్రిజ్లో పెట్టడం ఆపేయండి. దీనివల్ల గాలి ప్రసరణ లేక తేమ పెరిగి ఆకులు త్వరగా కుళ్లిపోతాయి.
పాలిథీన్ కవర్లకు స్వస్తి
కొత్తిమీర కాడలను కొద్దిగా కత్తిరించి, ఒక గాజు సీసాలో కొద్దిగా నీరు పోసి అందులో నిటారుగా ఉంచండి. పైభాగంలో ప్లాస్టిక్ ర్యాప్ను వదులుగా కప్పి ఫ్రిజ్లో పెడితే 10 రోజుల వరకు తాజాగా ఉంటుంది.
ఫ్లవర్ వేజ్ పద్ధతి
కొత్తిమీరను కడిగిన తర్వాత నీరు లేకుండా ఆరబెట్టాలి. ఆపై కొద్దిగా తడిగా ఉన్న టిష్యూ పేపర్లో చుట్టి జిప్లాక్ బ్యాగ్ లేదా ఎయిర్ టైట్ బాక్స్లో భద్రపరిస్తే ఆకులు తాజాగా ఉంటాయి.
టిష్యూ పేపర్ చుట్టడం
ఒక ప్లాస్టిక్ డబ్బా అడుగున పొడి టిష్యూ పేపర్ పరచి, దానిపై కొత్తిమీర ఉంచి, మళ్లీ పైన టిష్యూ పేపర్తో కప్పండి. ఇది అదనపు నీటిని పీల్చుకుని ఆకులు పాడవకుండా చూస్తుంది.
లేయర్ పద్ధతి
ప్లాస్టిక్ కంటే స్టీల్ బాక్స్లలో ఆహారం తాజాగా ఉంటుంది. కొత్తిమీరను పొడి కాటన్ లేదా మస్లిన్ గుడ్డలో చుట్టి స్టీల్ డబ్బాలో ఉంచడం వల్ల దుర్వాసన రాకుండా ఎక్కువ కాలం నిల్వ ఉంటుంది.
స్టీల్ పాత్రల వినియోగం
కొత్తిమీర వేర్లను కత్తిరించకుండా, కేవలం వేర్లను మాత్రమే తడి గుడ్డలో చుట్టి, ఆకులు ఆరిన తర్వాత జిప్లాక్ బ్యాగ్లో ఉంచండి. దీనివల్ల వేర్ల ద్వారా ఆకులకు తేమ అంది పచ్చగా ఉంటాయి.
వేర్ల సంరక్షణ
చాలామంది కొత్తిమీరను తెచ్చిన వెంటనే కడిగి ఫ్రిజ్లో పెడతారు, దీనివల్ల అది త్వరగా పాడవుతుంది. వాడే ముందు మాత్రమే కడగడం ఉత్తమం. పసుపు, ఉప్పు నీటిలో కడిగి ఫ్యాన్ కింద పూర్తిగా ఆరబెట్టాలి.
ముందే కడగవద్దు
మీ వద్ద ఫ్రిజ్ లేకపోతే, కొత్తిమీరను వార్తాపత్రికలో లేదా పత్తి గుడ్డలో చుట్టి మట్టి పాత్రలో ఉంచండి. మట్టి పాత్రలోని చల్లదనం వల్ల నేరుగా గాలి తగలకుండా ఆకులు ఎక్కువ కాలం తాజాగా ఉంటాయి.