Watch: అర్థరాత్రి వైన్ షాపును టార్గెట్ చేసిన దొంగలు.. ఏం ఎత్తుకెళ్లారో తెలిస్తే షాక్..!
పెద్దపల్లి జిల్లా సుల్తానాబాద్ మండలంలో అర్ధరాత్రి వేళ ఓ వైన్ షాపులో దొంగలు హల్చల్ చేశారు. మండల పరిధిలోని కనుకుల గ్రామంలో ఉన్న ‘నాగ వైన్ షాప్’ లక్ష్యంగా చేసుకుని ఈ చోరీకి పాల్పడ్డారు. దీంతో సమాచారం అందుకున్న పోలీసులు కేసు నమోదు చేసుకుని దర్యాప్తు చేపట్టారు. సీసీ టీవీ ఫుటేజీ ఆధారంగా నిందితులను గుర్తించే పనిలో పడ్డారు..
పెద్దపల్లి జిల్లా సుల్తానాబాద్ మండలంలో అర్ధరాత్రి వేళ ఓ వైన్ షాపులో దొంగలు హల్చల్ చేశారు. మండల పరిధిలోని కనుకుల గ్రామంలో ఉన్న ‘నాగ వైన్ షాప్’ లక్ష్యంగా చేసుకుని ఈ చోరీకి పాల్పడ్డారు. దీంతో సమాచారం అందుకున్న పోలీసులు కేసు నమోదు చేసుకుని దర్యాప్తు చేపట్టారు.
పోలీసులు, స్థానికులు తెలిపిన వివరాల ప్రకారం.. అర్ధరాత్రి ఒంటిగంట ప్రాంతంలో దొంగలు వైన్ షాప్ వద్దకు చేరుకున్నారు. ఎవరూ లేని సమయం చూసి షాప్ షట్టర్ తాళాలను పగలగొట్టారు. లోపలికి ప్రవేశించిన దుండగులు కౌంటర్లో ఉన్న రూ. 20,000 నగదును చేజిక్కించుకున్నారు. కేవలం డబ్బుతోనే సరిపెట్టుకోకుండా.. షాపులో ఉన్న 12 బీర్ బాటిళ్లు, రెండు ఫుల్ లిక్కర్ బాటిళ్లను కూడా ఎత్తుకెళ్లారు.
అయితే, షాపులో దొంగతనం చేస్తున్న సమయంలో అక్కడ సీసీటీవీ కెమెరాలు ఉన్నాయనే విషయాన్ని దొంగలు గమనించారు. తమ ముఖాలు రికార్డు కాకుండా ఉండేందుకు, ఒక దొంగ తన ముఖం ఎవరికీ కనబడకుండా క్లాత్తో పూర్తిగా ప్యాక్ చేసుకున్నాడు. ఈ తెలివైన వేషధారణతోనే లోపల చోరీకి పాల్పడ్డాడు. ఉదయం షాప్ తాళాలు పగిలి ఉండటం చూసిన యజమాని దిగ్భ్రాంతికి గురయ్యాడు. లోపల పరిశీలించగా నగదు, మద్యం మాయమైనట్లు గుర్తించి వెంటనే సుల్తానాబాద్ పోలీసులకు ఫిర్యాదు చేశారు. బాధితుడి ఫిర్యాదు మేరకు పోలీసులు కేసు నమోదు చేసుకుని, సీసీటీవీ ఫుటేజీ ఆధారంగా దొంగల కోసం దర్యాప్తు ముమ్మరం చేశారు.
వీడియో ఇక్కడ చూడండి..
మరిన్ని క్రైమ్ వార్తల కోసం ఇక్కడ క్లిక్ చేయండి..