Dogs Attack: ఇంటి ముందు ఆడుకుంటున్న బాలుడిపై వీధి కుక్కల దాడి.. ఒకేసారి..

Crime News

తెలుగు రాష్ట్రాల్లో మరోసారి వీధి కుక్కలు వణికిస్తున్నాయి. చిన్నారులపై దాడులు చేస్తూ తీవ్రంగా గాయపరుస్తున్నాయి.. దొరికినవాళ్లను దొరికినట్టు కరుస్తూ ఆస్పత్రిపాలు చేస్తున్నాయి. వీధుల్లో స్వైర విహారం చేస్తున్న కుక్కలతో జనం.. ఇంటి నుంచి అడుగు బయట పెట్టాలంటే భయపడిపోతున్నారు. ముఖ్యంగా వీధికుక్కలు చిన్నపిల్లలు ప్రాణాలు తీస్తుండటం ఆందోళన కలిగిస్తోంది.. వీధుల్లో పిల్లలు కనబడితే చాలు, రౌండప్‌ చేసి, రక్కేస్తున్నాయి. తాజాగా… సంగారెడ్డి జిల్లా శ్రీనగర్‌ కాలనీలో కుక్కలు భీభత్సం సృష్టించాయి. జిల్లాలోని పఠాన్ చెరు మండలంలో శునకాల దాడిలో ఓ బాలుడు మరణించిన సంఘటన మరువక ముందే సంగారెడ్డి జిల్లా కేంద్రంలో మరో ఘటన చోటుచేసుకోవడం కలకలం రేపింది..

సంగారెడ్డి పట్టణంలోని 12వ వార్డు శ్రీనగర్‌ కాలనీలో ఇంటి ముందు ఆడుకుంటున్న బాలుడిపై ఒక్కసారిగా ఆరు వీధి కుక్కలు ఎటాక్ చేశాయి. బాలుడి కేకలు విన్న స్థానికులు తరిమేందుకు ప్రయత్నించారు. రాళ్లతో కుక్కలను కొట్టి అక్కడి నుండి తరిమేశారు. వీధి కుక్కల దాడిలో బాలుడికి తీవ్ర గాయాలయ్యాయి. వీధి కుక్కలు బాలుడిని చుట్టుముట్టి దాడి చేశాయి. అదే సమయంలో చుట్టుపక్కల ఉన్న వారు అక్కడికి చేరుకుని కుక్కలను తరిమివేశారు.

వీడియో చూడండి..

ఈ దృశ్యాలు సీసీ కెమెరాల్లో రికార్డు అయ్యాయి. గాయాలపాలైన బాలుడిని చికిత్స కోసం ఆస్పత్రికి తరలించారు. వీధి కుక్కల దాడులతో చిన్నపిల్లలు, ప్రజలు భయభ్రాంతులకు గురవుతున్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి..