Telangana: అలర్ట్.. గ్యాస్ సబ్సిడీ రావాలంటే ఈ పని తప్పక చేయాల్సిందే..

కేంద్ర ప్రభుత్వం నుంచి గ్యాస్ సబ్సిడీ పొందుతున్న వినియోగదారులకు ఆయిల్ కంపెనీలు కీలక ప్రకటన చేశాయి. సబ్సిడీని కొనసాగించుకోవాలంటే ప్రతి ఏటా ఈ-కేవైసీ చేయించుకోవడం తప్పనిసరి అని స్పష్టం చేశాయి. సబ్సిడీ కోసం ఆధార్ బయోమెట్రిక్ వెరిఫికేషన్‌ను పూర్తి చేయాలని వినియోగదారులను కోరుతున్నాయి.

E-KYC ఎందుకు చేయాలి..?

గ్యాస్ వినియోగదారులు ప్రతి ఆర్థిక సంవత్సరంలో ఒకసారి బయోమెట్రిక్ ఆధార్ వెరిఫికేషన్ చేయించుకోవడం తప్పనిసరి. కేంద్రం ఏడాదికి గరిష్టంగా 9 సిలిండర్లకు సబ్సిడీ ఇస్తోంది. అయితే కస్టమర్లు బయోమెట్రిక్ ధ్రువీకరణ పూర్తి చేయనంత వరకు, 8వ, 9వ రీఫిల్‌లకు సంబంధించిన సబ్సిడీని ప్రభుత్వం నిలిపివేస్తుంది. మార్చి 31వ తేదీలోపు E-KYC ప్రక్రియను పూర్తి చేస్తే.. నిలిపివేసిన సబ్సిడీ డబ్బును తిరిగి వినియోగదారులకు చెల్లిస్తారు. లేదంటే ఆ రాయితీ శాశ్వతంగా రద్దవుతుంది. బయోమెట్రిక్ ధ్రువీకరణ చేయకపోయినా గ్యాస్ సరఫరా మాత్రం నిలిచిపోదు. కానీ సబ్సిడీ రాదు.

E-KYC పూర్తిచేసే విధానాలు

ఈ సేవలు వినియోగదారులకు ఉచితంగా అందుబాటులో ఉన్నాయి. వినియోగదారులు తమకు అనుకూలమైన పద్ధతిని ఎంచుకుని E-KYC పూర్తి చేయవచ్చు.

ఆన్‌లైన్ ద్వారా: ఇండియన్ ఆయిల్, హెచ్‌పీ లేదా భారత్ పెట్రోలియం వంటి సంబంధిత ఆయిల్ కంపెనీల మొబైల్ యాప్ ద్వారా వినియోగదారులు బయోమెట్రిక్ ఆధార్ వెరిఫికేషన్ చేసుకోవచ్చు.

ఆఫ్‌లైన్ ద్వారా: మీ గ్యాస్ డిస్ట్రిబ్యూటర్ ఆఫీస్‌కు నేరుగా వెళ్లి.. గ్యాస్ సిలిండర్‌ను డెలివరీ చేసే బాయ్ వద్ద ఉండే యాప్ ద్వారా కూడా ఈ ప్రక్రియను పూర్తి చేయవచ్చు.

ఈ మూడు పద్ధతుల్లో ఏదో ఒకదాన్ని ఎంచుకుని వెంటనే E-KYC పూర్తి చేయాలని వినియోగదారులకు సూచించారు.

పూర్తి వివరాల కోసం అధికారిక వెబ్‌సైట్ అయిన http://www.pmuy.gov.in/e-kyc.html ను సంప్రదించవచ్చు.

మరిన్ని తెలంగాణ వార్తల కోసం ఇక్కడ క్లిక్ చేయండి