Hyderabad: వాహనదారులూ బీ అలెర్ట్! పెండింగ్ చలాన్లు కట్టలేదా.? ఇకపై అంతే సంగతులు!!
హైదరాబాద్ వాహనదారులూ బీ అలెర్ట్. పదేపదే ట్రాఫిక్ ఉల్లంఘనలకు పాల్పడుతూ, పెండింగ్ చలాన్లు సకాలంలో కట్టని వాహనదారులపై..
హైదరాబాద్ వాహనదారులూ బీ అలెర్ట్. పదేపదే ట్రాఫిక్ ఉల్లంఘనలకు పాల్పడుతూ, పెండింగ్ చలాన్లు సకాలంలో కట్టని వాహనదారులపై ట్రాఫిక్ పోలీసులు దృష్టి పెట్టారు. రెండింతల ఫైన్లు వసూల్ చేసేందుకు సన్నద్ధం అవుతున్నారు. మూడు నెలల వ్యవధిలో జరిమానాలు సరిగ్గా చెల్లించకుండా, పదేపదే ట్రాఫిక్ ఉల్లంఘనలకు పాల్పడుతున్న వారిపై మోటారు వాహనాల చట్టంలోని పలు కీలక సెక్షన్లను వినియోగించనున్నారు. ఈ మేరకు వారు చేసిన ట్రాఫిక్ వైలేషన్స్కు డబుల్ జరిమానాలు విధించనున్నారు. హెల్మెట్ లేకుండా ప్రయాణం, రాంగ్ సైడ్ డ్రైవింగ్, అక్రమ పార్కింగ్, సిగ్నల్ జంపింగ్, సెల్ ఫోన్ డ్రైవింగ్, ఓవర్ లోడింగ్ తదితర ఉల్లంఘనలకు ఈ విధానం వర్తించనుండగా.. దీనికి సంబంధించి నగర ట్రాఫిక్ విభాగంగా ఇప్పటికే ప్రాధమికంగా కసరత్తు ప్రారంభించింది.
- హెల్మెట్ లేకుండా ప్రయాణిస్తే.. రూ. 100 జరిమానా, ఇలా జారీ అయిన ఈ-చలాన్ చెల్లించకుండా మూడు నెలల వ్యవధిలో మళ్లీ ఉల్లంఘిస్తే.. రెండోసారి రూ. 200, మూడోసారి రూ. 600 విధిస్తారు.
- రాంగ్ సైడ్ డ్రైవింగ్కు పాల్పడితే ఆటోలకు.. రూ. 200, రెండోసారి రూ. 600, మూడోసారి రూ. 800 ఫైన్.. తేలికపాటి వాహనాలు, భారీ వెహికిల్స్కు ఫస్ట్ టైం రూ. 1000, నెక్స్ట్ రూ.1500, ఆ తర్వాత రూ. 2000 జరిమానా విధిస్తారు.
- అక్రమ పార్కింగ్ చేస్తే.. టూ వీలర్స్, ఆటోలకు రూ.200( స్టేషన్కు తరలిస్తే రూ. 350), రూ. 700, రూ. 1000 .. తేలికపాటి, భారీ వాహనాలకు రూ. 1000, రూ. 1200, రూ. 1700 చొప్పున జరిమానా విధిస్తారు.
కాగా, ఈ-విధానంపై ట్రాఫిక్ పోలీసులు లోతైన అధ్యాయాన్ని నిర్వహించారు. ఇప్పటిదాకా మోటారు వాహనాల చట్టంలో వినియోగించని పలు కీలక సెక్షన్లను అమలులోకి తీసుకురానున్నారు. వాహనదారుల్లో క్రమశిక్షణ పెంచడం, రోడ్డు ప్రమాదాలు నివారించడంలో భాగంగా ఇకపై ఈ విధానాన్ని వాడుకలో తీసుకురావాలని నిర్ణయించారు.