WhatsApp: వాట్సాప్లో మరో ఇంట్రెస్టింగ్ ఫీచర్.. ఈవెంట్లను ప్లాన్ చేసుకునేందుకు
ముఖ్యంగా గ్రూప్ మెసేజ్లను టార్గెట్ చేసుకొని ఈ కొత్త ఫీచర్ను తీసుకొచ్చింది. గ్రూప్ మెసేజ్లలో ఈవెంట్లను ప్లాన్ చేయడానికి ఈ కొత్త ఫీచర్ ఉపయోగపడుతుంది. ఈ ఫీచర్ సహాయంతో గ్రూప్లో ఉన్న సభ్యులకు వ్యక్తిగత సమావేశాలను సెటప్ చేయడానికి ఉపయోగపడుతుంది. ప్రస్తుతం ఇమెయిల్ ద్వారా ఆహ్వానాలను పంపే వివిధ ‘ఇ-వైట్’ సేవలు అందుబాటులో...
Updated on: May 02, 2024 | 2:09 PM
ప్రముఖ మెసేజింగ్ యాప్ వాట్సాప్ ఎప్పటికప్పుడు కొంగొత్త ఫీచర్లను పరిచయం చేస్తూ యూజర్లను పెంచుకుంటూ పోతోంది రోజురోజుకీ లేటెస్ట్ ఫీచర్లను అప్గ్రేడ్ చేస్తోంది. మరీ ముఖ్యంగా ఇటీవలి కాలంలో యూజర్ ఇంటర్ ఫేజ్తో పాటు పలు ఆసక్తికర ఫీచర్లను పరిచయం చేసింది వాట్సాప్. ఈ క్రమంలోనే మరో ఇంట్రెస్టింగ్ ఫీచర్ను తీసుకొచ్చింది.
ముఖ్యంగా గ్రూప్ మెసేజ్లను టార్గెట్ చేసుకొని ఈ కొత్త ఫీచర్ను తీసుకొచ్చింది. గ్రూప్ మెసేజ్లలో ఈవెంట్లను ప్లాన్ చేయడానికి ఈ కొత్త ఫీచర్ ఉపయోగపడుతుంది. ఈ ఫీచర్ సహాయంతో గ్రూప్లో ఉన్న సభ్యులకు వ్యక్తిగత సమావేశాలను సెటప్ చేయడానికి ఉపయోగపడుతుంది. ప్రస్తుతం ఇమెయిల్ ద్వారా ఆహ్వానాలను పంపే వివిధ ‘ఇ-వైట్’ సేవలు అందుబాటులో ఉన్న విషయం తెలిసిందే.
వాట్సాప్ తీసుకొచ్చిన ఈ కొత్త ఫీచర్ అచ్చంగా ఇవైట్లాగే పనిచేస్తుంది. వాట్సాప్ గ్రూప్లో ఉండే సభ్యుల పుట్టిన రోజు పార్టీలు, లేదా ఏదైనా మీటింగ్లను సెటప్ చేసుకోవచ్చు. ఈవెంట్ క్రియేట్ చేయగానే గ్రూప్ ఇన్ఫర్మేషన్ పేజీకి పిన్ అయి ఉంటుంది. అలాగే గ్రూప్ చాట్ థ్రెడ్ క్రియేట్ అవుతుంది. దీంతో ఎవరెవరికీ మెసేజ్ చేరిందో తెలుసుకోవచ్చు. అంతేకాకుండా ఈవెంట్కు వచ్చేవారు రిప్లయ్ ఇచ్చి కన్ఫర్మ్ చేయొచ్చు.
అలాగే గ్రూప్లో ఉన్న సభ్యులకు మీటింగ్ సమయానికి నోటిఫికేషన్ కూడా వెళ్తుంది. ప్రస్తుతం ఈ కొత్త ఫీచర్ను వాట్సప్ కమ్యూనిటీలలోని గ్రూప్లకు తీసుకొస్తున్నారు. అనంతరం అన్ని గ్రూప్లకు ఈ కొత్త ఫీచర్ను యాడ్ చేయనున్నారు. వీటితో పాటు మరికొన్ని ఇంట్రెస్టింగ్ ఫీచర్లను సైతం వాట్సాప్ అందుబాటులోకి తీసుకొచ్చింది. వీటిలో చాట్ ఫిల్టర్, థీమ్ కలర్ చేంజ్ వంటి ఫీచర్లు ఉన్నాయి.
మరిన్ని టెక్నాలజీ వార్తల కోసం క్లిక్ చేయండి..
