ట్విట్టర్ పబ్లిక్ పాలసీ డైరెక్టర్ బాధ్యతల నుంచి తప్పుకున్న మహిమా కౌల్.. అందుకేనేమో..!

Twitter’s Mahima Kaul resigns : ట్విట్టర్ ఇండియా పబ్లిక్ పాలసీ డైరెక్టర్ మహిమా కౌల్ తన బాధ్యతల నుంచి తప్పుకున్నారు. వ్యక్తిగత కారణాలతో తాను తప్పుకుంటున్నట్లుగా మహిమా వైదొలిగుతున్నట్లుగా ప్రకటించారు. ఈ విషయాన్ని ట్విటర్ ధ్రవీకరించింది. అయితే .. బాధ్యతలు అప్పగింత సాఫీగా సాగేందుకు మార్చి చివరి వరకు మహిమ కౌల్ కొనసాగుతారని పేర్కొంది. 2015లో మహిమా ట్విట్టర్‌లో చేరారు. ఐదేళ్ల పాటు సేవలందించారు.

రైతు ఉద్యమం నేపథ్యంలో ట్విట్టర్ తీసుకున్న నిర్ణయాల రైతు ఉద్యమం నేపథ్యంలో ట్విట్టర్‌.. ప్రభుత్వ ఆగ్రహానికి గురైన వేళ ఆమె బాధ్యతల నుంచి తప్పుకోవడం ప్రాధాన్యం సంతరించకుంది. రైతుల ఆందోళనపై తప్పుడు సమాచారం చేరవేసిన ఖాతాలను పునరుద్ధరించిన నేపథ్యంలో కేంద్రం ట్విట్టర్‌ను ఇటీవల హెచ్చరించింది. భారత చట్టాల ఉల్లంఘనకు పాల్పడితే చర్యలు తప్పవంటూ హెచ్చరికలు జారీ చేసింది. అయితే, ఇటీవలి పరిణామాలు ఆమె రాజీనామాకు కారణం కాదని ట్విట్టర్‌ వర్గాలు చెబుతున్నాయి.