AC Electricity Bill: వేసవిలో ఏసీ బిల్లు తగ్గించుకోవాలా? ఈ ట్రిక్స్‌ ఉపయోగించండి!

వేసవి ప్రారంభం అవుతోంది. కొంతమంది వేడి నుండి రక్షించుకునేందుకు కూలర్లను ఉపయోగిస్తారు. మరికొందరు ACని ఉపయోగిస్తారు. కొందరు కొత్త ఏసీలు కొనడం ప్రారంభించగా, మరికొందరు పాత ఏసీలను సర్వీసింగ్ చేయడం, రిపేర్ చేయడం ప్రారంభిస్తుంటారు. ఈ విద్యుత్ ఉపకరణాలు ముఖ్యంగా ఎయిర్ కండిషనర్ (AC), మీ విద్యుత్ బిల్లును పెంచుతాయి. ఈ రోజుల్లో ఆధునిక ACలు పాత తరాలతో పోలిస్తే తక్కువ కరెంట్‌ను ఉపయోగించేలా రూపొందించాయి కంపెనీలు. అయితే పగలు, రాత్రి ఏసీ ఆన్ చేయడం వల్ల విద్యుత్ బిల్లులు ఎక్కువగా వస్తాయి. వేసవిలో ఏసీ వాడటం వల్ల మీ విద్యుత్ బిల్లు పెరగకుండా ఉండటానికి ఇక్కడ ఒక సాధారణ చిట్కా ఉంది.

వేసవిలో మీరు ఎయిర్ కండిషనింగ్ ఉపయోగిస్తే నెలాఖరులో అధిక AC బిల్లు చెల్లించాల్సి వస్తుందని మీరు ఆందోళన చెందుతున్నారా? ఎయిర్ కండిషనర్ ఉపయోగిస్తున్నప్పుడు మీ విద్యుత్ బిల్లును తగ్గించుకోవడానికి మీరు ఈ చిట్కాలను ప్రయత్నించవచ్చు.

సరైన ఉష్ణోగ్రతను ఎంచుకోండి: ఏసీని ఉపయోగిస్తున్నప్పుడు, సాధారణంగా ప్రజలు ఏసీ ఉష్ణోగ్రతను 16 డిగ్రీల సెల్సియస్‌కు సెట్ చేస్తారు. ఇది మంచి చల్లదనాన్ని అందిస్తుందని వారు భావిస్తారు. కానీ, అది అలా కాదు. మీరు ఎప్పుడూ AC ని కనిష్ట ఉష్ణోగ్రతకు సెట్ చేయకూడదు. బ్యూరో ఆఫ్ ఎనర్జీ ఎఫిషియెన్సీ (BEE) ప్రకారం, మానవ శరీరానికి అనువైన ఉష్ణోగ్రత 24. ఈ ఉష్ణోగ్రతకు ACని సర్దుబాటు చేయడం వల్ల తక్కువ కరెంట్ వస్తుంది.

పవర్ బటన్‌ను ఆఫ్ చేయండి: ఏసీతో సహా ఏదైనా డివైజ్‌ను ఉపయోగంలో లేనప్పుడు పవర్ స్విచ్‌ను ఎల్లప్పుడూ ఆఫ్ చేయాలి. చాలా మంది రిమోట్‌గా మాత్రమే ఏసీని స్విచ్ ఆఫ్ చేస్తారు. కానీ ఈ సందర్భంలో కంప్రెసర్ ‘ఐడిల్ లోడ్’కి సెట్ చేయబడినప్పుడు చాలా విద్యుత్ వృధా అవుతుంది.

ఏసీని ఎక్కువగా వాడకుండా ఉండటానికి టైమర్ ఉపయోగించండి: మీ విద్యుత్ బిల్లును తగ్గించుకోవడానికి ఒక తెలివైన మార్గం మీ AC లో టైమర్ సెట్ చేయడం. రోజంతా వాడటానికి బదులుగా మీకు అవసరమైనప్పుడు వాడండి. టైమర్‌ను 2-3 గంటలకు సెట్ చేయడం ఎల్లప్పుడూ మంచిది. ఇది ఎయిర్ కండిషనింగ్ మితిమీరిన వాడకాన్ని తగ్గిస్తుంది. విద్యుత్ బిల్లులను తగ్గిస్తుంది.

మీ ఏసీని క్రమం తప్పకుండా సర్వీసింగ్ చేయించుకోండి: మీ AC ని సర్వీసింగ్ చేయించుకోవడం ఎల్లప్పుడూ మంచి ఆలోచన. ఎందుకంటే దీన్ని నెలల తరబడి ఉపయోగించకపోతే దుమ్ము లేదా ఇతర కణాలు ఏసీని దెబ్బతీసే అవకాశం ఉంది.

ప్రతి తలుపు, కిటికీని సరిగ్గా లాక్ చేయండి: AC ఉపయోగిస్తున్నప్పుడు కిటికీ లేదా తలుపు తెరిచి ఉండకుండా చూసుకోండి. మీరు ఎయిర్ కండిషనర్ ఆన్ చేసే ముందు గదిలోని ప్రతి కిటికీ, తలుపును మూసివేయడం మర్చిపోవద్దు. ఇది గదిని త్వరగా చల్లబరచడానికి సహాయపడుతుంది. నెలాఖరులో మీ విద్యుత్ బిల్లును కూడా ఆదా చేస్తుంది.

మరిన్ని బిజినెస్ వార్తల కోసం ఇక్కడ క్లిక్ చేయండి