యూత్‌ కోసం సరికొత్త హెల్మెట్‌తో మార్కెట్‌లోకి స్టడ్స్..! ధర, కలర్స్‌, స్పెషాలిటీస్‌ ఇవే

ప్రముఖ హెల్మెట్ తయారీ సంస్థ స్టడ్స్ భారత మార్కెట్లో కొత్త రైడర్ యూత్ ఫుల్ ఫేస్ హెల్మెట్‌ను విడుదల చేసింది. ముఖ్యంగా యువ రైడర్లు, టీనేజర్లు, అలాగే తల చిన్నగా ఉండే పెద్దలను దృష్టిలో పెట్టుకుని ఈ హెల్మెట్‌ను రూపొందించింది. సాధారణంగా మార్కెట్లో ఎక్కువగా ఓపెన్ ఫేస్ హెల్మెట్లు లభిస్తుండగా స్టడ్స్ మాత్రం పూర్తి రక్షణ కల్పించే ఫుల్ ఫేస్ డిజైన్‌తో ఈ మోడల్‌ను తీసుకువచ్చింది. సరసమైన ధరలో లభిస్తున్న ఈ ట్రెండింగ్ హెల్మెట్ పూర్తి వివరాలను తెలుసుకుందాం

మెరుగైన భద్రత..

ప్రస్తుతం మార్కెట్లో ఎక్కువగా ఓపెన్ ఫేస్ యూత్ హెల్మెట్లు అందుబాటులో ఉండగా, స్టడ్స్ మాత్రం పూర్తి రక్షణ కల్పించే ఫుల్ ఫేస్ డిజైన్‌తో ఈ కొత్త మోడల్‌ను తీసుకువచ్చింది. ఈ హెల్మెట్ గడ్డం భాగాన్ని కూడా పూర్తిగా కవర్ చేసేలా రూపొందించారు. సాధారణ ఓపెన్ ఫేస్ హెల్మెట్లతో పోలిస్తే ప్రమాద సమయంలో మెరుగైన రక్షణ లభించే అవకాశం ఉంటుంది. రోజూ బైక్, స్కూటర్‌పై ప్రయాణించే యువతకు ఇది మంచి ఆప్షన్‌గా కంపెనీ చెబుతోంది.

స్టడ్స్ రైడర్ యూత్ రెండు సైజుల్లో అందుబాటులోకి వచ్చింది. ఎక్స్ ఎక్స్ ఎస్ మరియు ఎక్స్ ఎస్ సైజ్‌లలో లభిస్తుంది. చిన్న సైజ్ తల ఉన్న పిల్లలు, టీనేజర్లతో పాటు కొంతమంది పెద్దలకు కూడా ఇది సౌకర్యంగా ఉంటుంది. సరైన ఫిట్ ఉండటం వల్ల ప్రయాణ సమయంలో హెల్మెట్ అద్దినట్లుగా ఉండటంతో పాటు భద్రత కూడా మెరుగుపడుతుంది.

భద్రత విషయానికి వస్తే ఈ హెల్మెట్‌లో ఏబీఎస్ ఔటర్ షెల్ ఉపయోగించారు. ప్రమాద సమయంలో మంచి రక్షణ అందించేందుకు లోపల ఈపీఎస్ లైనర్ కూడా అమర్చారు. అంతేకాదు ఈ హెల్మెట్‌కు ఐఎస్‌ఐ సర్టిఫికేషన్ ఉండటంతో భారత భద్రతా ప్రమాణాలకు అనుగుణంగా తయారైన ఉత్పత్తిగా చెప్పవచ్చు.

ఎక్కువసేపు హెల్మెట్ ధరించినా అసౌకర్యం కలగకుండా ఉండేందుకు వెంటిలేషన్ వ్యవస్థను కూడా అందించారు. పైభాగంలో ఎయిర్ వెంట్స్, వెనుకవైపు ఎగ్జాస్ట్ వెంట్స్ ఉండటంతో గాలి ఈజీగా ప్రసరిస్తుంది. తలలో వేడి, చెమట కొంతవరకు తగ్గే అవకాశం ఉంటుంది. లోపలి భాగంలో మైక్రోఫైబర్ ఫ్యాబ్రిక్ లైనింగ్ ఉండటంతో ధరించినప్పుడు మరింత సౌకర్యంగా అనిపిస్తుంది.

పన్నెండు రంగుల్లో..

రంగుల విషయంలో కూడా స్టడ్స్ మంచి ఆప్షన్స్ అందిస్తోంది. ఈ హెల్మెట్ మొత్తం 12 మోనోటోన్ కలర్స్‌లో లభిస్తోంది. వైట్, బ్లాక్, చెర్రీ రెడ్, ఫ్లేమ్ బ్లూ, లావెండర్ పింక్, పాస్టెల్ గ్రీన్, పెట్రోల్ బ్లూ, డార్క్ పింక్, కెమిలియన్ పింక్, కెమిలియన్ బ్లూ, మ్యాట్ బ్లాక్, మిలిటరీ గ్రీన్ లాంటి రంగుల్లో కొనుగోలు చేయవచ్చు. భవిష్యత్తులో గ్రాఫిక్ డిజైన్లతో కూడిన కొత్త వేరియంట్లను కూడా కంపెనీ మార్కెట్లోకి తీసుకురానుంది. స్టడ్స్ రైడర్ యూత్ ఫుల్ ఫేస్ హెల్మెట్ ప్రారంభ ధర రూ. 1,175గా నిర్ణయించారు. ఈ హెల్మెట్‌ను దేశ వ్యాప్తంగా ఉన్న ఆథరైజ్డ్ స్టడ్స్ డీలర్‌షిప్‌లు, కంపెనీ ఎక్స్‌క్లూజివ్ స్టోర్లు, అధికారిక ఆన్‌లైన్ స్టోర్ ద్వారా కొనుగోలు చేసే అవకాశం ఉంది.

భద్రతా ప్రమాణాలు

యువ రైడర్లు ప్రయాణించేటప్పుడు భద్రతను విస్మరించకుండా ఉండేందుకు ఈ హెల్మెట్ ఎంతగానో ఉపయోగపడుతుంది. తక్కువ బరువుతో ఉండటం వల్ల మెడపై ఎలాంటి అదనపు భారం పడదు. చిన్న పిల్లలు మరియు టీనేజర్ల భద్రతను దృష్టిలో ఉంచుకుని ప్రత్యేకంగా తయారు చేసిన ఈ ఉత్పత్తి ఆటోమొబైల్ మార్కెట్లో మంచి ఆధరణ పొందనుంది. నాణ్యమైన మెటీరియల్‌తో తక్కువ ధరకే లభిస్తుండటం వల్ల తల్లిదండ్రులు కూడా దీనిని కొనుగోలు చేయడానికి ఆసక్తి చూపుతున్నారు. రోడ్డు భద్రతా నియమాలను పాటిస్తూ సురక్షితమైన ప్రయాణం చేయాలనుకునే వారికి ఈ కొత్త స్టడ్స్ హెల్మెట్ ఒక అద్భుతమైన ఎంపికగా నిలుస్తుంది.