Realme 10 Pro: త్వరలో రియల్ మీ 10 ప్రోలో కోక్ ఎడిషన్.. డిజైన్ అదిరిపోయిందిగా..!

10 ప్రో కోకో ఎడిషన్ వెనుక వైపు మ్యాట్ బ్యాక్ ఫినిషింగ్ తో కోకో కోలా లోగోతో ఆకట్టుకునే విధంగా ఉంది. అలాగే బ్యాక్ కెమెరా రిమ్స్ కోకో కోలా కలర్ అయిన రెడ్ కలర్ ఫినిషింగ్ తో వస్తుంది.

Realme 10 Pro

Nikhil |
Updated on: Feb 05, 2023 | 12:02 PM

ప్రముఖ స్మార్ట్ ఫోన్ తయారీ సంస్థ రియల్ మీ తన కొత్త ఫోన్ 10 ప్రో కోకో కోలా ఎడిషన్ ను రిలీజ్ చేయనుంది. ఈ కోకో ఎడిషన్ ఫిబ్రవరి 10న విడుదల చేస్తామని అధికారింగా తెలిపింది. ఈ మేరకు ఆ సంస్థ సోషల్ మీడియాలో ఓ పోస్టర్ ను రిలీజ్ చేసింది. 10 ప్రో కోకో ఎడిషన్ వెనుక వైపు మ్యాట్ బ్యాక్ ఫినిషింగ్ తో కోకో కోలా లోగోతో ఆకట్టుకునే విధంగా ఉంది. అలాగే బ్యాక్ కెమెరా రిమ్స్ కోకో కోలా కలర్ అయిన రెడ్ కలర్ ఫినిషింగ్ తో వస్తుంది. అలాగే ఫోన్ దిగువున రియల్ మీ బ్రాండ్ నేమ్ సిల్వర్ కలర్ తో ఆకట్టుకుంటుంది. అయితే మిగిలిన మార్పులేమి లేకుండా ప్యాకింగ్ మాత్రం సరికొత్తగా కోకో కోలా లోగో కంపెనీ రవాణా చేస్తుందని మార్కెట్ వర్గాలు అంచనా వేస్తున్నాయి. రియల్ మీ కోకో కోలా కంపెనీతో ప్రత్యేక ఎడిషన్ లాంచ్ చేయడం ఇదే మొదటిసారి. గతంలో ఈ కంపెనీ థోర్, లవ్ అండ్ థండర్ మూవీ కోసం ప్రత్యేక ఎడిషన్ ను లాంచ్ చేసింది. అయితే సపరేట్ గా ఓ కంపెనీ లోగోతో మొబైల్ లాంచ్ చేయడం ఇదే ప్రథమం.

రియల్ మీ కోకో కోలా ఎడిషన్ సరికొత్త ప్యాకేజింగ్ తో కస్టమర్లకు అందించే అవకాశం ఉంది. అలాగే ఇది స్పెష్ల్ ఎడిషన్ కాబట్టి కచ్చితంగా మొబైల్స్ పరిమిత సంఖ్యలోనే లాంచ్ చేస్తుందని మార్కెట్ వర్గాలు చెబుతున్నాయి. ఇప్పటికే రియల్ మీ వెబ్ సైట్ లో ఈ ప్రత్యేక సిరీస్ ఫోన్స్ ను బుక్ చేసుకోడానికి కస్టమర్లను అనుమతిస్తుంది. ఆసక్తి ఉన్న కస్టమర్లు కంపెనీ వెబ్ సైట్ లో మొబైల్ నెంబర్ ను ఇవ్వడం ద్వారా లాంచ్ ఈవెంట్ ను వీక్షించి ఫోన్ బుక్ చేసుకునే అవకాశం ఉంది. అయితే ఈ స్పెషల్ ఎడిషన్ ధర మాత్రం రూ.20,000 లోపే ఉండవచ్చని మార్కెట్ వర్గాలు అంచనా వేస్తున్నాయి.

ఇవి కూడా చదవండి