180 కిలోమీటర్ల రేంజ్, స్పీడ్‌ ఛార్జింగ్.. సేల్స్‌లోనూ దూసుకుపోతున్న Oben Rorr EVO
భారత్‌లో ఎలక్ట్రిక్ ద్విచక్ర వాహనాలకు పెరుగుతున్న ఆదరణతో Oben Electric అమ్మకాల్లో కొత్త రికార్డు నమోదు చేసింది. Vahan Dashboard గణాంకాల ప్రకారం 2026 సెప్టెంబర్‌లో కంపెనీ 1,417 ఎలక్ట్రిక్ మోటార్‌సైకిళ్లను రిజిస్టర్ చేసింది. ఇప్పటివరకు కంపెనీ సాధించిన అత్యధిక నెలవారీ అమ్మకాలుగా ఇది నిలిచింది. ఈ వృద్ధిలో Oben Rorr EVO కీలక పాత్ర పోషించింది.
Updated on: Oct 08, 2026 | 7:48 AM
రోజువారీ ప్రయాణాలతో పాటు కొంత దూరం వెళ్లేవారిని దృష్టిలో పెట్టుకుని Rorr EVOలో పెద్ద బ్యాటరీ ప్యాక్ ఇచ్చారు. ఒక్కసారి పూర్తిగా ఛార్జ్ చేస్తే 180 కిలోమీటర్ల IDC రేంజ్ వస్తుందని కంపెనీ చెబుతోంది. అవసరానికి తగ్గట్టు వేగం, రేంజ్ మార్చుకునేందుకు రైడింగ్ మోడ్‌లు ఉన్నాయి. స్పోర్టీ డిజైన్‌తో Electric Red, Volt Yellow, Fern Green, Magneto Black రంగుల్లో లభిస్తుంది.
90 నిమిషాల్లో 80% ఛార్జింగ్
Oben Rorr EVOలో LFP బ్యాటరీ టెక్నాలజీని ఉపయోగించారు. భద్రత, ఉష్ణ స్థిరత్వానికి ఈ బ్యాటరీ రకం అనుకూలంగా ఉంటుందని కంపెనీ పేర్కొంటోంది. ఫాస్ట్ ఛార్జింగ్ ద్వారా 0 నుంచి 80 శాతం వరకు కేవలం 90 నిమిషాల్లో బ్యాటరీని నింపుకోవచ్చు. అంతేకాకుండా బ్యాటరీపై 8 సంవత్సరాలు లేదా 60,000 కిలోమీటర్ల వరకు వారంటీ అందిస్తున్నారు.
GPS, జియో-ఫెన్సింగ్..
డిజిటల్ డిస్‌ప్లేలో వేగం, బ్యాటరీ స్థాయి, రేంజ్, రైడింగ్ మోడ్ వివరాలు కనిపిస్తాయి. GPS ట్రాకింగ్, జియో-ఫెన్సింగ్, డ్రైవర్ అలర్ట్ సిస్టమ్ వంటి సదుపాయాలు ఉన్నాయి. మొబైల్ యాప్ ద్వారా బైక్ లొకేషన్, ఛార్జింగ్ స్థితిని తెలుసుకోవచ్చు. CBS బ్రేకింగ్ సిస్టమ్, IP67 బ్యాటరీ రక్షణ కూడా ఉన్నాయి. Oben Rorr సిరీస్ ఎక్స్-షోరూమ్ ధర సుమారు రూ.1.10 లక్షల నుంచి రూ.1.49 లక్షల వరకు ఉంటుంది.
