ఈవీ స్కూటర్‌లో కొమాకి సంచలనం.. ఈసారి ఊహించని రేంజ్‌తో వచ్చేసిందిగా

Komaki MG-Pro+ సిరీస్‌లో MG-Pro+, MG-Pro V, MG-Pro Li, MG-Pro GL అనే నాలుగు వేరియంట్లు ఉన్నాయి. LiFePO4 (LFP) లిథియం-అయాన్ బ్యాటరీని ఇందులో ఉపయోగించినట్లు కంపెనీ తెలిపింది. సాధారణ ఇంటి విద్యుత్ సాకెట్‌తో ఛార్జ్ చేసుకోవచ్చు. బ్యాటరీ పూర్తిగా నిండేందుకు సుమారు 4 నుంచి 5 గంటలు పడుతుంది. వేరియంట్‌ను బట్టి 100 కి.మీ నుంచి 150 కి.మీ కంటే ఎక్కువ రేంజ్ లభిస్తుంది.

BLDC మోటార్..

Komaki MG-Pro+లో BLDC హబ్ మోటార్ ఉంది. Eco, Sports, Turbo రైడింగ్ మోడ్‌లను అవసరానికి అనుగుణంగా ఎంచుకోవచ్చు. Reverse Assist సాయంతో పార్కింగ్‌ను సులభంగా చేసుకోవచ్చు. డిజిటల్ ఇన్‌స్ట్రుమెంట్ క్లస్టర్‌లో స్పీడ్, బ్యాటరీ, ట్రిప్ వివరాలు చూడవచ్చు. USB మొబైల్ ఛార్జింగ్, యాంటీ-థెఫ్ట్ అలారం, కీ-లెస్ ఎంట్రీ, LED హెడ్‌లైట్, రీజెనరేటివ్ బ్రేకింగ్ వంటి ఫీచర్లు ఉన్నాయి.

రూ.85,999 నుంచి ధర

భద్రత కోసం ముందు, వెనుక బ్రేకింగ్ సిస్టమ్, వెడల్పాటి టైర్లు, బలమైన చాసిస్ ఇచ్చారు. బ్యాటరీ, మోటార్‌పై 3 సంవత్సరాల వరకు వారంటీ లభిస్తుంది. Komaki MG-Pro+ ప్రారంభ ధర రూ.85,999. రూ.90 వేల లోపు బడ్జెట్‌లో రోజువారీ ప్రయాణాల కోసం EV కొనాలనుకునేవారికి ఈ స్కూటర్ రేంజ్, ఫీచర్ల పరంగా ఆకర్షణీయమైన ఎంపికగా కనిపిస్తోంది.