Aadhaar: ఆధార్ నంబర్‌తో బ్యాంకు ఖాతాను హ్యాక్ చేయగలరా? యూఐడీఏఐ ఏం చెబుతోంది?
బ్యాంక్ ఖాతాతో ఆధార్ లింక్ కావడం వల్ల ఆధార్ నంబర్ ద్వారా బ్యాంక్ ఖాతాను హ్యాక్ చేస్తారా? అని చాలా మందికి డౌట్ ఉండొచ్చు. ఈ అంశంపై యూఐడీఏఐ స్పస్టత ఇచ్చింది. ఆధార్ నంబర్ ద్వారా బ్యాంక్ ఖాతా హ్యాక్ చేయడం వీలుకాదని తెలిపింది. అది ఎలాగో చూద్దాం రండి..
పెరుగుతున్న ఆధునిక సాంకేతికత మనిషిని భయం గుప్పిట బతికేలా చేస్తోంది. ఎన్ని జాగ్రత్తలు తీసుకుంటున్నా.. ఎంతలా సెక్యూరిటీ టెక్నిక్‌ లు వినియోగిస్తున్నా సైబర్‌ నేరాలు రోజురోజుకీ పెరిగిపోతూనే ఉన్నాయి. ముఖ్యంగా బ్యాంకు సంబంధమైన డేటా విషయంలో జాగ్రత్త చాలా అవసరం. అయితే ప్రస్తుతం ప్రతి బ్యాంకు ఖాతాకు ఆధార్ నంబర్ లింక్ అవుతోంది. ఆధార్ నంబర్‌తోనే మనం చాలా లావాదేవీలను ప్రస్తుతం పూర్తి చేసే డిజిటల్‌ పేమెంట్‌ యాప్స్‌ చాలానే ఉన్నాయి. మరి అలాంటప్పుడు మీకు ఓ సందేహం కలుగవచ్చు. మన ఆధార్ నంబర్ ఒకటి తెలిస్తే మన బ్యాంకు లావాదేవీలు పూర్తి చేయొచ్చా? ఆధార్ నంబర్ ద్వారా బ్యాంకు అకౌంట్‌ ను హాక్‌ చేయొచ్చా? ఈ ప్రశ్నలు సాధారణంగానే చాలా మందికి వస్తాయి. అందుకే వీటికి యునిక్‌ ఐడెంటిఫికేషన్‌ అథారిటీ ఆఫ్‌ ఇండియా(యూఐడీఏఐ) స్పష్టమైన సమాధానం ఇచ్చింది. అవేందో చూద్దాం..
అన్నింటికీ ఆధారే ఆధారం..
మన దేశంలో అన్నింటికీ ఆధార్ నంబరే ఆధారం. 12 సంఖ్యలతో ఉండే ఈ నంబర్ ప్రతి పౌరుడు కలిగి ఉండాల్సిందే. లేకుంటే మనదేశ పౌరుడిగా గుర్తింపు ఉండదు. కేంద్ర, రాష్ట్ర ప్రభుత్వాలు అందించే ఏ పథకం కావాలన్నా ఈ నంబరే ఆధారం. ఇప్పుడు దీనిని పాన్‌ కార్డు, బ్యాంకు అకౌంట్లు, ఓటర్ ఐడీలకు కూడా అనుసంధానం చేశారు. ఒక్క ఆధార్ నంబర్ ఎంటర్‌ చేస్తే వ్యక్తి పూర్తి బయోడేటా వచ్చేస్తోంది. పేరు, అడ్రస్‌, డేట్‌ ఆఫ్‌ బర్త్‌, వంటి వివరాలు తెలిసిపోతాయి.
ఆధార్‌తో అకౌంట్‌ హ్యాక్ చేయొచ్చా..
బ్యాంక్ ఖాతాతో ఆధార్ లింక్ కావడం వల్ల ఆధార్ నంబర్ ద్వారా బ్యాంక్ ఖాతాను హ్యాక్ చేస్తారా? అని చాలా మందికి డౌట్ ఉండొచ్చు. ఈ అంశంపై యూఐడీఏఐ స్పస్టత ఇచ్చింది. ఆధార్ నంబర్ ద్వారా బ్యాంక్ ఖాతా హ్యాక్ చేయడం వీలుకాదని తెలిపింది. కేవలం ఒక్క ఆధార్ నంబర్ ద్వారా బ్యాంక్ ఖాతాను హ్యాక్ చేయలేరని స్పష్టం చేసింది. అయితే ఓటీపీ, పిన్ నంబర్, పాస్‌వర్డ్ వంటివి చెబితే మాత్రం ఖాతా లూటీ కావడం ఖాయమని హెచ్చరించింది. అందుకే ఎవ్వరికీ ఓటీపీ, పిన్ నంబర్, అకౌంట్‌ పాస్‌ వర్డ్‌ వంటివి తెలియకుండా చూసుకోవాలని యూఐడీఏఐ సూచించింది. లేదంటే ఇబ్బంది పడాల్సి వస్తుందని పేర్కొంది.
వ్యక్తిగత డేటా భద్రమేనా?
మన డేటా మొత్తం ఆధార్ పేరిట యూఐడీఏఐ వద్ద నిక్షిప్తమై ఉంటుంది. మరి వాటిని ఆ సంస్థ వేరే వాటికి వినియోగిస్తే.. వేరే వారికి ఇచ్చేస్తే అనే అనుమానం కలుగవచ్చు. కానీ అది కూడా సాధ్యం కాదని యూఐడీఏఐ స్పష్టం చేసింది. ఆధార్ చట్టం 2016 సెక‌్షన్‌ 32(3) ప్రకారం పూర్తి భద్రత కల్పిస్తుందని చెప్పింది.
మరిన్ని టెక్నాలజీ వార్తల కోసం ఇక్కడ క్లిక్ చేయండి..