Infinix Smartphone: మార్కెట్‌లోకి సరికొత్త ఇన్‌ఫినిక్స్ స్మార్ట్ ఫోన్.. సూపర్ డిజైన్‌తో అదిరిపోయే ఫీచర్స్..

భారత్‌లో వేగంగా వృద్ధి చెందుతున్న స్మార్ట్ ఫోన్ బిజినెస్‌ను అందిపుచ్చుకోడానికి వివిధ కంపెనీలు తమ కొత్త మోడల్ ఫోన్లను మార్కెట్‌లోకి లాంచ్ చేస్తున్నాయి. ఈ నేపథ్యంలో ప్రముఖ స్మార్ట్ ఫోన్ తయారీ కంపెనీ ఇన్‌ఫినిక్స్ తమ స్మార్ట్ ఫోన్స్‌లో మరో కొత్త మోడల్‌ రిలీజ్ చేసింది. ప్రస్తుత అవసరాలకు తగినట్లుగా కొత్త మోడల్ డిజైన్ చేసినట్లు కంపెనీ వర్గాలు పేర్కొంటున్నాయి. ముఖ్యంగా మధ్యతరగతి ప్రజల అవసరాలకు తగినట్లుగా కొత్త ఫోన్‌ను అందుబాటులోకి తీసుకువస్తున్నట్లు వివరిస్తున్నాయి. ఇన్‌ఫినిక్స్ స్మార్ట్ 7 పేరుతో రిలీజ్ చేసిన ఈ ఫోన్‌లో అన్ని అధునాతన ఫీచర్లు ఉన్నాయి. కేవలం రూ.7299కే ఇది వినయోగదారులకు అందనుంది. అలాగే ఈ ఫోన్ ఫిబ్రవరి 27 నుంచి ఫ్లిప్‌కార్ట్‌లో అందుబాటులో ఉంటుంది. భారీ బ్యాటరీతో వస్తున్న ఈ ఫోన్ కచ్చితంగా వినియోగదారులను ఆకట్టుకుంటుందని కంపెనీ వర్గాలు ధీమా వ్యక్తం చేస్తున్నాయి.

ఇన్‌ఫినిక్స్ స్మార్ట్ 7 స్పెసిఫికేషన్లు ఇవే

• 6.6 అంగుళాల ఫుల్ హెచ్‌డీ ప్లస్ డిస్‌ప్లే, 500 నిట్స్‌తో 1500:1 కాంట్రాస్ట్ రేషియో
• ఆక్టాకోర్ యూనిసోనిక్ ప్రాసెసర్
• 4 జీబీ+64 జీబీ వేరియంట్‌లో లభ్యం. అలాగే 2 టీబీ వరకూ మెమరీ విస్తరణ సామర్థ్యం.
• ఎక్స్ఓఎస్ 12 ఆండ్రాయిడ్ 12 సపోర్ట్
• డ్యుయల్ సిమ్‌తో పాటు మైక్రో ఎస్‌డీ స్లాట్
• 13 ఎంపీ కెమెరాతో పాటు ఏఐ లెన్స్, డ్యుయల్ ఎల్ఈడీ ఫ్లాష్
• ఎల్ఈడీ ఫ్లాష్‌తో 5 ఎంపీ సెల్ఫీ కెమెరా
• 10 వాట్స్ ఫాస్ట్ చార్జింగ్ సపోర్ట్‌తో 6000 ఎంఏహెచ్ బ్యాటరీ

మరిన్ని టెక్నాలజీ వార్తల కోసం ఇక్కడ క్లిక్ చేయండి..