India vs Pakistan Match: ఇండియా vs పాకిస్తాన్ మ్యాచ్.. రికార్డ్‌ సృష్టించిన ముఖేష్ అంబానీ

India vs Pakistan Match: భారత్ - పాకిస్తాన్ మధ్య జరిగే క్రికెట్ మ్యాచ్‌లో ఎవరు టైటిల్ గెలిచినా, ఫలితం వెలువడకముందే ముఖేష్ అంబానీకి చెందిన జియో హాట్‌స్టార్ రికార్డు సృష్టించింది. ఇండియా vs పాకిస్తాన్ మ్యాచ్‌ను జియో హాట్‌స్టార్‌లో ప్రత్యక్ష ప్రసారం చేస్తున్నారు. 12 కోట్లకు పైగా ప్రజలు ఈ మ్యాచ్‌ను ప్రత్యక్ష ప్రసారంలో వీక్షిస్తున్నారు.

Subhash Goud |
Updated on: Feb 23, 2025 | 4:49 PM

భారతదేశంలో క్రికెట్ పట్ల ప్రజలకు ఉన్న క్రేజ్ అంతా ఇంతా కాదు. క్రికెట్‌ గురించి ఎంత చెప్పినా తక్కువే. భారతదేశం vs పాకిస్తాన్ మధ్య మ్యాచ్ విషయానికి వస్తే, ఈ మ్యాచ్‌ మరింత హీటెక్కిస్తోంది. భారతదేశం – పాకిస్తాన్ మధ్య మ్యాచ్ కొనసాగుతోంది. రెండు జట్లలో ఏదైనా ఈ మ్యాచ్ గెలవవచ్చు కానీ ఈ మ్యాచ్ ఫలితం రాకముందే ముఖేష్ అంబానీ రికార్డు సృష్టించాడు.

ఇండియా, పాకిస్తాన్ క్రికెట్ మ్యాచ్‌ను ప్రసారం చేసే హక్కులు జియోహాట్‌స్టార్‌కు ఉన్నాయి. జియో హాట్‌స్టార్‌లో ఇండియా vs పాకిస్తాన్ మ్యాచ్‌ను కోట్లాది మంది వీక్షకులు వీక్షిస్తున్నారు. దీంతో హాట్‌స్టార్‌లో విలీనం చేయాలనే జియో నిర్ణయం సరైనదని భావిస్తున్నారు.

భారత్‌ – పాకిస్తాన్ మధ్య జరిగే ఈ క్రికెట్ మ్యాచ్ ప్రత్యక్ష ప్రసారం JioHotstarలో లైవ్‌ అవుతోంది. జియో హాట్‌స్టార్‌లో మ్యాచ్ జరుగుతున్న సమయంలో 12 కోట్ల 30 లక్షల మందికి పైగా లైవ్ క్రికెట్ మ్యాచ్‌ను ఆస్వాదిస్తుండటంతో క్రికెట్ అభిమానుల క్రేజ్ తారాస్థాయికి చేరుకుందనే చెప్పాలి. ముఖేష్ అంబానీ జియో హాట్‌స్టార్‌లో ఇండియా- పాకిస్తాన్ మధ్య జరిగే ఈ క్రికెట్ మ్యాచ్‌ను కోట్లాది మంది వినియోగదారులు ప్రత్యక్షంగా చూస్తున్నారు. ఇది ఒక రికార్డు.

జియో హాట్‌స్టార్‌తో పాటు స్పోర్ట్స్ 18 ఇండియా-పాకిస్తాన్ మ్యాచ్‌ను టీవీలో ప్రసారం చేసే హక్కులను కూడా కలిగి ఉంది. ఈ సదుపాయం మీ DTH ప్లాన్‌లో లేకపోతే రిలయన్స్ జియో, హాట్‌స్టార్ ప్లాన్‌తో రీఛార్జ్ చేయడం ద్వారా మీరు జియో హాట్‌స్టార్‌ను ఉచితంగా పొందవచ్చు.

జియో-ఎయిర్‌టెల్ ప్లాన్‌లు: ఈ ప్లాన్‌లలో జియో హాట్‌స్టార్ ఉచితం:

జియో హాట్‌స్టార్‌కు ఉచిత యాక్సెస్‌ను అందించే రెండు ప్లాన్‌లను జియో కలిగి ఉంది. చౌకైన ప్లాన్ ధర రూ. 195. రిలయన్స్ జియో కూడా జియో హాట్‌స్టార్‌కు యాక్సెస్‌ను అందించే రూ.949 ప్లాన్‌ను కలిగి ఉంది. మరోవైపు, ఎయిర్‌టెల్ కూడా ఒకటి లేదా రెండు కాదు, ప్రీపెయిడ్ వినియోగదారుల కోసం అనేక ప్లాన్‌లను అందిస్తోంది. ఇవి జియో హాట్‌స్టార్‌కు ఉచిత యాక్సెస్‌ను అందిస్తున్నాయి. ఈ ప్లాన్‌ల ధర రూ. 160, రూ. 3999, రూ. 549, రూ. 1029.

Jiohotstar