NASA: అంతరిక్ష ప్రియులకు గుడ్ న్యూస్.. హబుల్ టెలిస్కోప్‌ను సరి చేసిన నాసా.

నాసా గుడ్ న్యూస్ చెప్పింది. సాంకేతిక సమస్యతో నిలిచి పోయిన హబుల్ అంతరిక్ష టెలిస్కోప్లో నెల రోజుల తర్వాత పరిష్కారమైంది. 2009లో వ్యోమగాములు అమర్చిన మరో కమాండ్ యూనిట్ను...

Hubble Space Telescope

Sanjay Kasula |
Updated on: Jul 18, 2021 | 10:24 PM

నాసా గుడ్ న్యూస్ చెప్పింది. సాంకేతిక సమస్యతో నిలిచి పోయిన హబుల్ అంతరిక్ష టెలిస్కోప్లో నెల రోజుల తర్వాత పరిష్కారమైంది. 2009లో వ్యోమగాములు అమర్చిన మరో కమాండ్ యూనిట్ను అందుబాటులోకి తెచ్చేందుకు ప్రయత్నించినట్లు నాసా తెలిపింది. విజయవంతంగా బ్యాకప్ పరికరాలను ఇంజినీర్లు వినియోగంలోకి తీసుకొచ్చారని నాసా తెలిపింది. అంతా సవ్యంగా జరిగితే హబుల్ టెలిస్కోప్ కార్యకలాపాలు వెంటనే పునఃప్రారంభం అవుతాయని పేర్కొంది

జూన్ మధ్యలో ఈ అబ్జర్వేటరీ కార్యకలాపాలు నిలిచిపోయాయి. 1980ల కాలం నాటి కంప్యూటర్లో సమస్య వల్ల టెలిస్కోప్ నిలిచిపోయిందని నాసా తొలుత భావించింది. అయితే, బ్యాకప్ పేలోడ్ కంప్యూటర్ సైతం విఫలమైందని తర్వాత గుర్తించింది.ఐదు రిపేర్లు1990లో నాసా ఈ హబుల్ టెలిస్కోప్ను ప్రయోగించింది. దీనికి ఇప్పటివరకు ఐదు సార్లు రిపేర్లు జరిగాయి. చివరిసారి 2009లో పలు మరమ్మతులను చేసింది నాసా. విశ్వం గురించి అధ్యయనం చేసేందుకు ఈ టెలిస్కోప్ పరిశోధకులకు విశేషంగా దోహదం చేసింది. 1.5 మిలియన్ పరిశీలనల్లో ఇది భాగమైంది. హబుల్కు కొనసాగింపుగా ఈ ఏడాది చివర్లో ‘జేమ్స్ వెబ్ స్పేస్ టెలిస్కోప్’ను ప్రయోగించాలని నాసా ప్రణాళికలు రూపొందించింది.