WhatsApp: వాట్సాప్ ద్వారా HD ఫోటోలను పంపడం ఎలా? ఇలా చేయండి..!

వాట్సాప్‌.. ఇది ప్రతి ఒక్కరి ఫోన్‌లో ఉండాల్సిందే. చిన్నారుల నుంచి పెద్దల వరకు ప్రతి ఒక్కరు ఈ రోజుల్లో వాట్సాప్‌ను వినియోగిస్తున్నారు. వాట్సాప్‌ సంస్థ కూడా వినియోగదారుల కోసం ఎన్నో రకాల ఫీచర్స్‌ను అందుబాటులోకి తీసుకువస్తోంది. ప్రపంచంలో అత్యధికంగా ఉపయోగించే ఇన్‌స్టంట్ మెసేజింగ్ ప్లాట్‌ఫారమ్‌లలో WhatsApp ఒకటి. ఇది ఫోటోలు, వీడియోలు, ఫైల్‌లను ఒకదానికొకటి పంపుకోవడానికి మిమ్మల్ని అనుమతిస్తుంది. అయితే మనం వాట్సాప్ ద్వారా మన కుటుంబ సభ్యులకు లేదా స్నేహితులకు ఫోటోలను పంపినప్పుడు ఫోటోల నాణ్యత చాలా తక్కువగా ఉండటం గమనించి ఉంటారు. అందుకే వాట్సాప్‌కి HDలో ఫోటోలను పంపే సులభమైన మార్గాన్ని తెలుసుకుందాం.

వాట్సాప్‌లో డిఫాల్ట్ సెట్టింగ్‌లు ఉన్నాయి. స్టోరేజ్‌ని ఆదా చేయడంతోపాటు ఇంటర్నెట్ డేటా వినియోగాన్ని తగ్గించడానికి ఈ సెట్టింగ్ చేశారు. కానీ మనం మంచి క్వాలిటీ ఫోటోలను పంపినప్పుడు, ఈ సెట్టింగ్ ఫోటోల నాణ్యతను తగ్గిస్తుంది. మీరు HDలో ఫోటోలను పంపడానికి ఈ పద్ధతిని ఉపయోగించవచ్చు.

వాట్సాప్‌లో హెచ్‌డీ ఫోటోలను ఎలా పంపాలి?

• వాట్సాప్‌లో హెచ్‌డీలో ఫోటోలను పంపే విధానం చాలా సులభం. ఈ దశలను అనుసరించండి.
• మీరు HD ఫోటోను పంపాలనుకుంటున్న వ్యక్తి లేదా గ్రూప్‌ చాట్‌ను ఓపెన్‌ చేయండి.
• ఇప్పుడు అటాచ్‌మెంట్ ఐకాన్‌కి వెళ్లి, మీ ఫోన్ గ్యాలరీ నుండి ఫోటోను ఎంచుకోండి.
• మీరు ఫోటోను ఎంచుకున్నప్పుడు మీకు హెచ్‌డీ ఎంపిక కనిపిస్తుంది. దాన్ని ఎంచుకోండి.
• హెచ్‌డీ ఆప్షన్‌ను ఎంచుకున్న తర్వాత హై-డెఫినిషన్ (HD) ఫోటో షేరింగ్ కనిపిస్తుంది. అలాగే మెరుగైన నాణ్యత గల ఫోటోలను పంపవచ్చు.

మీరు HD ఫోటోను పంపినప్పుడు అది HD అని లేబుల్ చేయబడుతుంది. వాట్సాప్ ద్వారా ఫోటోలను షేర్ చేయడం ద్వారా మీకు హెచ్‌డీని ఎంచుకోవడానికి అవకాశం లభిస్తుంది. ఇది హై-డెఫినిషన్ ఫోటోలను షేర్ చేయడానికి మిమ్మల్ని అనుమతిస్తుంది. ఇంటర్నెట్ నెమ్మదిగా ఉంటే లేదా డేటాను సేవ్ చేయాలనుకుంటే, మీరు ఫోటో నాణ్యతను ఎంచుకోవచ్చు.

మరిన్ని టెక్ వార్తల కోసం  ఇక్కడ క్లిక్ చేయండి