People Card: గూగుల్లో మీకంటూ ఓ గుర్తింపు కావాలనుకుంటున్నారా.? ఈ సింపుల్ ట్రిక్ ఫాలో అయితే సరి.
ప్రస్తుతం ప్రతీ ఒక్కరూ గుర్తింపును కోరుకుంటున్నారు. మారుతోన్న డిజిటల్ ప్రపంచానికి అనుగుణంగా ఇంటర్నెట్లోనూ ఈ గుర్తింపును కోరుకుంటున్న వారి సంఖ్య పెరుగుతోంది. గూగుల్ సెర్చ్లో తమ పేరును సెర్చ్ చేస్తే వారి పేరుపై సమాచారం రావాలని కోరుకుంటున్నారు. ఇలాంటి వారి కోసమే..
Updated on: Feb 22, 2023 | 7:00 AM
ప్రస్తుతం ప్రతీ ఒక్కరూ గుర్తింపును కోరుకుంటున్నారు. మారుతోన్న డిజిటల్ ప్రపంచానికి అనుగుణంగా ఇంటర్నెట్లోనూ ఈ గుర్తింపును కోరుకుంటున్న వారి సంఖ్య పెరుగుతోంది. గూగుల్ సెర్చ్లో తమ పేరును సెర్చ్ చేస్తే వారి పేరుపై సమాచారం రావాలని కోరుకుంటున్నారు. ఇలాంటి వారి కోసమే గూగుల్ ఓ ప్రత్యేక ఫీచర్ను తీసుకొచ్చింది. ‘పీపుల్ కార్డు’ పేరుతో తీసుకొచ్చిన ఈ ఫీచర్.. గూగుల్లో సెర్చ్ చేసినప్పుడు సరైన వ్యక్తిని గుర్తించటానికిది ఉపయోగపడుతుంది.
గూగుల్ సెర్చ్ రిజల్ట్స్లో గూగుల్ మనకు సంబంధించిన సమాచారాన్ని ప్రముఖంగా చూపడానికి ఈ ఫీచర్ ఉపయోగపడుతుంది. ప్రస్తుతం ఈ ఫీచర్ భారత్తో పాటు కెన్యా, నైజీరియా, దక్షిణాఫ్రికా దేశాల్లోనే అందుబాటులో ఉంది. ఇంగ్లిష్ లేదా హిందీ భాషల్లో దీన్ని సెట్ చేసుకోవచ్చు. ఇంతకి ఈ పీపుల్ కార్డును ఎలా రూపొందించుకోవాలి.? ఇందు కోసం ఫాలో అవ్వాల్సిన స్టెప్స్ ఏంటి.? లాంటి వివరాలు మీకోసం..
* ముందుగా స్మార్ట్ఫోన్లో గూగుల్ యాప్ను ఓపెన్ చేయాలి. అనంతరం ‘యాడ్ మీ టు సెర్చ్’ అని టైప్ చేయాలి.
* వెంటనే ‘యాడ్ యువర్సెల్ఫ్ టు గూగుల్ సెర్చ్’ ఓపెన్ అవుతుంది. అందులోకి వెళ్లి ‘గెట్ స్టార్టెడ్’ ఆప్షన్ మీద క్లిక్ చేయాలి.
* అనంతరం మీ వ్యక్తిగత వివరాలైన.. పేరు, నివసించే ప్రాంతం, పని, చదువు, ఈమెయిల్, వెబ్సైట్లాంటి వివరాలను ఫిల్ చేయాలి.
* వీటితో పాటు అదనంగా మీ సోషల్ మీడియా అకౌంట్స్ను కూడా యాడ్ చేసుకోవచ్చు.
* కాంటాక్ట్ వివరాలు చూపించాలా.? వద్ద అన్న నిర్ణయాన్ని ఎంచుకోవచ్చు.
* పూర్తి సమాచారాన్ని ఎంటర్ చేసిన తర్వాత ప్రివ్యూను సెలక్ట్ చేసుకోని అన్ని వివరాలను చెక్ చేసుకోవచ్చు.
* చివరిగా కార్డును సేవ్ చేసుకోవాలి. దీంతో మన పేరుతో సెర్చ్ చేసినప్పుడు గూగుల్ పీపుల్ కార్డు ఆన్లైన్లో కనిపిస్తుంది.
మరిన్ని టెక్నాలజీ వార్తల కోసం క్లిక్ చేయండి..
