Iphone 12 mini: యాపిల్ లవర్స్కి బంపరాఫర్.. రూ. 20 వేలలోపే ఐఫోన్ కొనుగోలు చేసే అవకాశం.
ప్రపంచవ్యాప్తంగా ఐఫోన్కు ఉన్న క్రేజ్ ఎలాంటిదో ప్రత్యేకంగా చెప్పాల్సిన పనిలేదు. జీవితంలో ఒక్కసారైనా ఐఫోన్ను ఉపయోగించాలని ఆశపడే వారు ఉన్నారనడంలో అతిశయోక్తి లేదు. దీంతో చాలా మంది సెకండ్ హ్యాండ్ ఫోన్లను కొనుగోలు..
ప్రపంచవ్యాప్తంగా ఐఫోన్కు ఉన్న క్రేజ్ ఎలాంటిదో ప్రత్యేకంగా చెప్పాల్సిన పనిలేదు. జీవితంలో ఒక్కసారైనా ఐఫోన్ను ఉపయోగించాలని ఆశపడే వారు ఉన్నారనడంలో అతిశయోక్తి లేదు. దీంతో చాలా మంది సెకండ్ హ్యాండ్ ఫోన్లను కొనుగోలు చేస్తుంటారు. ధర ఎక్కువగా ఉండడమే దీనికి ప్రధాన కారణం. అయితే ఐఫోన్ను కోనుగోలు చేయానుకునే వారికి ఫ్లిప్కార్ట్ బంపరాఫర్ను ప్రకటించింది. ఐఫోన్ 12 మినీని రూ. 20 వేలలోపు కొనుగోలు చేసే ఛాన్స్ను అందిస్తోంది ఫ్లిప్ కార్ట్. ఐఫోన్ రూ. 20 వేలలోపు అందుబాటులో ఉండడం ఏంటని ఆశ్చర్యపోతున్నారా.? ఇంతకీ డీల్ను ఎలా పొందాలంటే.
ప్రస్తుతం ఐఫోన్ 12 మినీ ప్రారంభ ధర రూ. 59,900గా ఉంది. అయితే ఫ్లిప్ కార్ట్ ఆఫర్లో భాగంగా ఏకంగా 35 శాతం డిస్కౌంట్ను అందిస్తోంది. దీంతో ఈ ఫోన్ రూ. 38,499కి లభిస్తుంది. దీంతో పాటు పలు బ్యాంకుల కార్డులపై భారీగా ఆఫర్ లభిస్తోంది. కోటక్ బ్యాంక్ కార్డ్ ద్వారా కొనుగోలు చేస్తే అదనంగా రూ. 1000 డిస్కౌంట్ లభిస్తుంది. దీంతో ఈ ఫోన్ రూ. 37,499కి లభిస్తోంది. ఆఫర్ ఇంతటితో ఆగిపోలేదు. పాత ఫోన్ను ఎక్స్ఛేంజ్ చేసుకోవడం ద్వారా కూడా క్యాష్ బ్యాక్ లభిస్తోంది. కంపెనీ కండిషన్స్ను అనుగుణంగా ఉంటే పాత ఫోన్పై రూ. 17,500 తగ్గింపు లభిస్తుంది. దీంతో ఈ ఫోన్ను రూ. 19,999కి సొంతం చేసుకోవచ్చు.
ఐఫోన్ 12 మినీ ఫీచర్లు..
ఐఫోన్ 12 మినీ ఫీచర్ల విషయానికొస్తే ఇందులో 5.4 ఇంచెస్ డిస్ప్లే స్క్రీన్ను అందించారు. సూపర్ రెటినా ఎక్స్డీఆర్ ఓఎల్ఈడీ, హెచ్డీఆర్10, డాల్బీ విజన్ ఈ ఫోన్ సొంతం. ఆండ్రాయిడ్ 14.1 ఆపరేటింగ్ సిస్టమ్తో పనిచేసే ఈ ఫోన్ ఓఎస్ను ఐఓఎస్ 16.2కి అప్గ్రేడ్ చేసుకోవచ్చు. ఈ ఫోన్ను 64 జీబీ స్టోరేజ్+ 4జీబీ ర్యామ్, 128 జీబీ స్టోరేజ్ + 4జీబీ ర్యామ్తో తీసుకొచ్చారు. ఇక బ్యాటరీ విషయానికొస్తే ఇందులో ఎల్ఐ ఐయాన్ 2227 ఎమ్ఏహెచ్ నాన్ రీమువబుల్ బ్యాటరీని అందించారు.
మరిన్ని టెక్నాలజీ వార్త ల కోసం క్లిక్ చేయండి..