Chandrayaan-3: చంద్రయాన్-3 గురించి ఇస్త్రో కీలక అప్డేట్.. ల్యాండింగ్ తేదీ మారనుందా..?
ఇస్రో ప్రకారం.. చంద్రయాన్-3 ఆగస్టు 23, 2023న సాయంత్రం 6:04 గంటలకు చంద్రునిపై ల్యాండ్ అవుతుంది. అయితే ఇప్పుడు ఇస్రో నుంచి ఒక ముఖ్యమైన అప్డేట్ బయటకు వచ్చింది. ఈ తేదీ మారవచ్చు అని తెలుస్తోంది. ఈ మేరకు ఇస్రో సీనియర్ అధికారులు వెల్లడించారు. ఎందుకంటే చంద్రునిపై చంద్రయాన్ -3ని ల్యాండ్ చేయడానికి చదునైన ఉపరితలం కనుగొనడం చాలా కష్టంగా మారిందట..
Updated on: Aug 21, 2023 | 9:44 PM
చంద్రయాన్ 2 నుంచి చాలా పాఠాలు నేర్చుకుంటూ ఇస్రో చంద్రయాన్ 3 మిషన్ను చేపట్టింది. చంద్రుని ఉపరితలంపై చంద్రయాన్ 3 విజయవంతంగా ల్యాండ్ అవుతుందని ప్రతి భారతీయుడు ఆశిస్తున్నాడు. ఎందుకంటే చంద్రయాన్ 3 చంద్రుని కక్ష్యలోకి విజయవంతంగా చేరుకుంది. కానీ ఇప్పుడు ఉపరితలంపై మృదువైన ల్యాండింగ్ వేచి ఉంది ఇస్రో. ఇండియన్ స్పేస్ రీసెర్చ్ ఆర్గనైజేషన్ (ISRO) ఈ ల్యాండింగ్ తేదీని ప్రకటించింది. ఇస్రో ప్రకారం.. చంద్రయాన్-3 ఆగస్టు 23, 2023న సాయంత్రం 6:04 గంటలకు చంద్రునిపై ల్యాండ్ అవుతుంది. అయితే ఇప్పుడు ఇస్రో నుంచి ఒక ముఖ్యమైన అప్డేట్ బయటకు వచ్చింది. ఈ తేదీ మారవచ్చు అని తెలుస్తోంది. ఈ మేరకు ఇస్రో సీనియర్ అధికారులు వెల్లడించారు. ఎందుకంటే చంద్రునిపై చంద్రయాన్ -3ని ల్యాండ్ చేయడానికి చదునైన ఉపరితలం కనుగొనడం చాలా కష్టంగా మారిందట.
ల్యాండర్ మాడ్యూల్కు జోడించిన కెమెరా ద్వారా కొన్ని ఫోటోలు షేర్ చేయబడ్డాయి. ఈ కెమెరా ద్వారా బంధించిన ఫోటోల ద్వారా ఇస్రో అధికారులు చదునైన ఉపరితలం కోసం చూస్తున్నారు. కానీ అలాంటి భాగమేదీ ఇంతవరకు గుర్తించబడలేదు. అందుకే చంద్రయాన్ 3 చంద్రుడిపై దిగడానికి ఇంకా కొన్ని రోజులు పట్టవట్టవచ్చని చెబుతున్నారు.
#WATCH चंद्रयान के चांद पर उतरने से 2 घंटे पहले हम लैंडर और चांद की स्थिति का जायजा लेंगे और उसके बाद लैंडर के चांद पर लैंड कराने पर फैसला लेंगे। अगर हमें लगेगा की लैंडर या चांद की स्थिति उतरने के लिए ठीक नहीं है तो हम इसे 27 अगस्त तक के लिए आगे बढ़ा देंगे। हम 23 अगस्त को लैंडर… pic.twitter.com/iS2MKnUkVY
— ANI_HindiNews (@AHindinews) August 21, 2023
చంద్రయాన్-3 ల్యాండింగ్ తేదీ మారనుందా..?
గుజరాత్లోని అహ్మదాబాద్లోని ఇస్రో స్పేస్ అప్లికేషన్ సెంటర్ మేనేజర్ నీలేష్ మాట్లాడుతూ.. చంద్రయాన్-3 తేదీని మార్చుకోవచ్చని తెలిపారు. చంద్రయాన్ 3ని చంద్రుడిపై ల్యాండింగ్ చేయడానికి రెండు గంటల ముందు ల్యాండర్, చంద్రుని పరిస్థితిని సమీక్షిస్తామని ఆయన చెప్పారు. అక్కడి పరిస్థితులు అనుకూలిస్తే చంద్రుడిపై ల్యాండర్ను దింపేందుకు నిర్ణయం తీసుకోనున్నారు. అయితే పరిస్థితులు అనుకూలించకపోతే చంద్రునిపై ల్యాండర్ ల్యాండింగ్ తేదీని ఆగస్టు 27 వరకు పొడిగించవచ్చని ఆయన తెలిపిన వివరాలను బట్టి తెలుస్తోంది. అయితే ఆగస్టు 23న ల్యాండర్ను ల్యాండ్ చేయాలనేది ఇస్రో ఉద్దేశం. చివరి క్షణంలో పరిస్థితులను బట్టి తేదీ మార్పు జరిగే అవకాశం ఉంది.
Chandrayaan-3 Mission:
🇮🇳Chandrayaan-3 is set to land on the moon 🌖on August 23, 2023, around 18:04 Hrs. IST.
Thanks for the wishes and positivity!
Let’s continue experiencing the journey together as the action unfolds LIVE at: ISRO Website https://t.co/osrHMk7MZL YouTube… pic.twitter.com/zyu1sdVpoE
— ISRO (@isro) August 20, 2023
లైవ్లో ల్యాండింగ్ దృశ్యాలు..
అయితే చంద్రయాన్ -3 ల్యాండింగ్కు సంబంధించి అద్భుతమైన దృశ్యాలను లైవ్ ద్వారా వీక్షించే అవకాశం ఉంది. దీని కోసం ఇస్రో ఏర్పాట్లు చేసింది. చంద్రునిపై ల్యాండింగ్ దృశ్యాలను వీక్షించేలా లైవ్ స్ట్రీమింగ్ చేయనుంది. 23వ తేదీ సాయంత్రం 5.27 నుంచి లైవ్ స్ట్రీమింగ్ను ప్రారంభించనున్నారు. ఈ విషయాన్ని ఇస్రో అధికారికంగా ప్రకటించింది.
మరిన్ని టెక్నాలజీ వార్తల కోసం ఇక్కడ క్లిక్ చేయండి
