BSNL Wi-Fi: మీ ఇంటి వైఫైని దేశంలో ఎక్కడైనా ఉపయోగించుకోవచ్చు.. బీఎస్ఎన్ఎల్ సరికొత్త సర్వీస్!
BSNL Wi-Fi: ఇప్పటి వరకు BSNL FTTH వినియోగదారులు వారి రూటర్ పరిధిలో మాత్రమే ఇంటర్నెట్‌ను యాక్సెస్ చేయగలిగారు. కానీ ఇప్పుడు ఈ నేషనల్ వై-ఫై రోమింగ్ సర్వీస్ ద్వారా వినియోగదారులు తమ యాక్టివ్ సబ్‌స్క్రిప్షన్ ద్వారా BSNL నెట్‌వర్క్..
Updated on: Nov 13, 2024 | 1:52 PM
బీఎస్ఎన్ఎల్ తమ వినియోగదారుల కోసం కొత్త సర్వీసులను అందుబాటులోకి తీసుకువస్తోంది. ప్రైవేట్‌ టెలికాం సంస్థలు టారీఫ్‌లను పెంచినప్పటికీ బీఎస్ఎన్ఎల్ మాత్రం ఎలాంటి ధరలు పెంచలేదు. దీంతో లక్షలాది ప్రైవేట్‌ టెలికాం కంపెనీల వినియోగదారులు బీఎస్ఎన్ఎల్ వైపు మొగ్గు చూపుతున్నారు. ఈ క్రమంలో 4G, 5G నెట్‌వర్క్‌ను తీసుకువచ్చేందుకు మరిన్ని చర్యలు చేపట్టింది. ఈ క్రమంలో బీఎస్ఎన్ఎల్ కంపెనీ తన జాతీయ Wi-Fi రోమింగ్ సేవను కూడా ప్రారంభించింది. ఇది BSNL FTTH (ఫైబర్-టు-ది-హోమ్) వినియోగదారులను భారతదేశం అంతటా BSNL నెట్‌వర్క్‌కు కనెక్ట్ చేయడానికి అనుమతిస్తుంది. ప్రస్తుతం.. BSNL FTTH కస్టమర్లు నిర్ణీత ప్రదేశంలో మాత్రమే హై-స్పీడ్ ఇంటర్నెట్‌ని పొందనున్నారు. అయితే.. బీఎస్ఎన్ఎల్ కొత్త జాతీయ Wi-Fi రోమింగ్ సేవలను పరిచయం చేయడంతో.. ఈ కస్టమర్లు త్వరలో భారతదేశంలో ఎక్కడి నుండైనా హై-స్పీడ్ బ్రాడ్‌బ్యాండ్ ఇంటర్నెట్‌ను యాక్సెస్ చేయగల సామర్థ్యాన్ని పొందే అవకాశం ఉంటుంది. ఈ కొత్త సర్వీస్ ద్వారా బీఎస్ఎన్ఎల్ ఫైబర్ కనెక్షన్ వినియోగదారులు హై-స్పీడ్ FTTH నెట్‌వర్క్‌ను ఉపయోగించుకోవచ్చు. ఈ సదుపాయాన్ని పొందేందుకు వినియోగదారులు తప్పనిసరిగా బిఎస్ఎన్ఎల్ FTTH ప్లాన్‌ని కలిగి ఉండాలి.
ఇది కూడా చదవండి: MD Sajjanar: ఆర్టీసీ ఎండీ సజ్జనార్‌ హృదయాన్ని కదిలించిన అంధ యువకుని పాట.. కిరవాణి గారూ ఒక్క ఛాన్స్‌ ఇవ్వండి!
ఈ సేవలను ఉపయోగించుకోవడం ఎలా?
బీఎస్ఎన్ఎల్ వినియోగదారులు BSNL FTTH జాతీయ Wi-Fi రోమింగ్ సేవలను వినియోగించుకోవడానికి తప్పనిసరిగా బీఎస్ఎన్ఎల్ వెబ్‌సైట్‌లో https://portal.bsnl.in/ftth/wifiroaming లో నమోదు చేసుకోవాలి. రిజిస్ట్రేషన్ ప్రక్రియ సమయంలో.. వినియోగదారులు ప్రాసెస్‌ పూర్తి చేసుకోవడానికి FTTH కనెక్షన్ నంబర్, రిజిస్టర్డ్ మొబైల్ నంబర్‌ను ఎంటర్‌ చేయాలి. ఈ సేవలతో గ్రామీణ ప్రాంతాల్లో నివసించే ప్రజలు కూడా బీఎస్ఎన్ఎల్ వైఫై కనెక్షన్ అందుబాటులో ఉన్నంత వరకు హై-స్పీడ్ ఇంటర్నెట్‌ని ఆస్వాదించవచ్చు.
Wi-Fi రోమింగ్ సర్వీస్ ప్రయోజనాలు:
ఇప్పటి వరకు BSNL FTTH వినియోగదారులు వారి రూటర్ పరిధిలో మాత్రమే ఇంటర్నెట్‌ను యాక్సెస్ చేయగలిగారు. కానీ ఇప్పుడు ఈ నేషనల్ వై-ఫై రోమింగ్ సర్వీస్ ద్వారా వినియోగదారులు తమ యాక్టివ్ సబ్‌స్క్రిప్షన్ ద్వారా BSNL నెట్‌వర్క్ అందుబాటులో ఉన్న ప్రతిచోటా ఇంటర్నెట్‌ను యాక్సెస్ చేయవచ్చు. వినియోగదారు గ్రామీణ ప్రాంతంలో ఉన్నప్పటికీ, బీఎస్ఎన్ఎల్ Wi-Fi నెట్‌వర్క్ అక్కడ ఉన్నట్లయితే, వారు అక్కడ కూడా హై-స్పీడ్ ఇంటర్నెట్‌ను పొందవచ్చు. బీఎస్ఎన్ఎల్ దాని వినియోగదారులు ప్రతిచోటా ఇంటర్నెట్‌ని ఉపయోగించుకునేలా వారికి ఒక పరిష్కారాన్ని అందించడానికి ఇది ప్రయత్నం.
ఇది కూడా చదవండి: Tech Tips: ఇంట్లో Wi-Fi స్పీడ్ తగ్గిందా? ఈ ట్రిక్స్‌తో మరింత వేగం!
మరిన్ని టెక్ వార్తల కోసం ఇక్కడ క్లిక్ చేయండి
