Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Best Geyser: మీరు గీజర్‌ కొంటున్నారా? గ్యాస్ లేదా ఎలక్ట్రిక్‌.. ఏది బెస్ట్‌..!

Best Geyser: మీరు ఈ చలికాలానికి మంచి బ్రాండెడ్ గీజర్ కొనుక్కోవాలి అనే ఆలోచనలో ఉంటే మీ కుటుంబ సభ్యులను బట్టి మంచి గీజర్‌ను ఎన్నుకోవడం మంచిది.దీన్ని ఎంచుకోవచ్చు. దీనికి హై రేటింగ్ ఉంది. వీటిని కొనే ముందు పూర్తి వివరాలు తెలుసుకొని స్వంత నిర్ణయం తీసుకోండి..

Best Geyser: మీరు గీజర్‌ కొంటున్నారా? గ్యాస్ లేదా ఎలక్ట్రిక్‌.. ఏది బెస్ట్‌..!
ఇలాంటి సందర్భంలో గీజర్ పేలడం సంభవిస్తుంది. అందుకే మీరు గీజర్‌ని ఉపయోగించినప్పుడు, ఎక్కువసేపు ఆన్ చేయకుండా చూసుకోవాలి. నీరు వేడెక్కిన వెంటనే గీజర్‌ను ఆఫ్ చేయడం చాలా అవసరం. సాధారణంగా డబ్బు ఆదా చేసేందుకు తక్కువ ధరకే గీజర్లను కొంటుంటారు.
Follow us
Subhash Goud

|

Updated on: Nov 03, 2024 | 10:50 AM

చాలా మంది గీజర్‌లను కొనుగోలు చేస్తుంటారు. గీజర్‌ను కొనుగోలు చేసే ముందు, గ్యాస్ లేదా ఎలక్ట్రిక్ గీజర్ ఏది మీకు మంచిదో తెలుసుకోవడం చాలా ముఖ్యం. రెండింటికీ వాటి ప్రయోజనాలు, అప్రయోజనాలు ఉన్నాయి. దీనితో పాటు గ్యాస్ గీజర్, ఎలక్ట్రిక్ గీజర్ ధరలో కూడా వ్యత్యాసం ఉంటుంది. రెండింటిలో ఏది సరైనదో చూద్దాం.

విద్యుత్ గీజర్:

గ్యాస్ లీక్ అయ్యే ప్రమాదం లేనందున ఎలక్ట్రిక్ గీజర్లు గ్యాస్ గీజర్ల కంటే సురక్షితమైనవి. అవి పనిచేయడం సులభం, నీరు త్వరగా వేడెక్కుతుంది. చిన్న కుటుంబాలకు ఇది ఉపయోగకరంగా ఉంటుంది.

అనేక ఎలక్ట్రిక్ గీజర్లు ఆటోమేటిక్ థర్మోస్టాట్ నియంత్రణతో వస్తున్నాయి. ఇది ఉష్ణోగ్రతను నియంత్రణలో ఉంచుతుంది. ఎలక్ట్రిక్ గీజర్‌లు కొంచెం ఎక్కువ విద్యుత్‌ను వినియోగిస్తాయి. ఇవి గ్యాస్ గీజర్‌ల కంటే కొంచెం ఖరీదైనవి కావచ్చు. కానీ వాటిని వేర్వేరు వేరియంట్‌ల ప్రకారం ధరల ఉంటుంది.

గ్యాస్ గీజర్:

ఎలక్ట్రిక్ గీజర్ల కంటే గ్యాస్ గీజర్లు నీటిని వేగంగా వేడి చేస్తాయి. ఎక్కువ కాలం నీరు అవసరమైనప్పుడు ఇది ఉపయోగకరంగా ఉంటుంది. గ్యాస్ గీజర్లు విద్యుత్‌కు బదులుగా ఎల్‌పిజి లేదా పైప్డ్ గ్యాస్‌తో నడుస్తాయి కాబట్టి విద్యుత్ బిల్లుల గురించి ఆందోళన చెందాల్సిన అవసరం లేదు. ఇది నిరంతరం వేడి నీటిని అందిస్తుంది. అందుకే ఇది పెద్ద కుటుంబానికి మంచి ఆప్షన్‌ అనే చెప్పాలి. గ్యాస్ గీజర్లలో గ్యాస్ లీకేజీ ప్రమాదం ఉంది. అందుకే దీన్ని ఇన్‌స్టాల్ చేసే ముందు మంచి వెంటిలేషన్ ఉండేలా జాగ్రత్తలు తీసుకోవాలి. సాధారణంగా ఎలక్ట్రిక్ గీజర్ల కంటే గ్యాస్ గీజర్లు చౌకగా ఉంటాయి. నిర్వహణ ఖర్చులు కూడా తక్కువగా ఉంటాయి.

ఏది ఎంచుకోవాలి?

చిన్న కుటుంబాలు, పరిమిత వినియోగానికి ఎలక్ట్రిక్ గీజర్ ఉత్తమ ఎంపిక. ఇది సురక్షితమైనది. అలాగే ఉపయోగించడానికి సులభంగా ఉంటుంది. గ్యాస్ గీజర్ పెద్ద కుటుంబాలకు లేదా భారీ వినియోగానికి మంచి ఆప్షన్‌. ఎందుకంటే ఇది తక్కువ సమయంలో ఎక్కువ నీటిని వేడి చేయగలదు. విద్యుత్తును కూడా ఆదా చేస్తుంది. గీజర్‌ తీసుకునే ముందు 5 స్టార్‌ రేటింగ్‌ ఉన్నవి తీసుకోవడం మంచిదని టెక్‌ నిపుణులు సూచిస్తున్నారు.

మరిన్ని టెక్ వార్తల కోసం ఇక్కడ క్లిక్ చేయండి