“వార్నర్…టిక్టాక్ చేయమని నా వెంట పడుతున్నాడు”
కరోనా కట్టడి చర్యల్లో భాగంగా ప్రభుత్వాలు విధించిన లాక్డౌన్తో ఇంటికే పరిమితమైన ఆటగాళ్లందరూ ఫ్యామిలీతో విలువైన సమయాన్ని గడుపుతున్నారు. మరికొందరు ఊహించని విధంగా టైమ్ దొరకడంతో.. తమకిష్టమైన వ్యాపకాలతో బిజీ అయిపోయారు. సోషల్మీడియాలో యాక్టీవ్ గా ఉంటూ.. అభిమానులతో ముచ్చటిస్తున్నారు. తాజాగా ఇన్స్టా లైవ్లో పాల్గొన్న టీమ్ఇండియా కెప్టెన్ కోహ్లీ, బౌలర్ రవిచంద్రన్ అశ్విన్.. క్రికెట్ సహా పలు ఆసక్తికరమైన విషయాల గురించి ముచ్చటించారు. అయితే వీరి సంభాషణ ఆసక్తికరంగా సాగుతోన్న సమయంలో వార్నర్ కామెంట్ చేశాడు. […]
Updated on: May 31, 2020 | 5:02 PM
కరోనా కట్టడి చర్యల్లో భాగంగా ప్రభుత్వాలు విధించిన లాక్డౌన్తో ఇంటికే పరిమితమైన ఆటగాళ్లందరూ ఫ్యామిలీతో విలువైన సమయాన్ని గడుపుతున్నారు. మరికొందరు ఊహించని విధంగా టైమ్ దొరకడంతో.. తమకిష్టమైన వ్యాపకాలతో బిజీ అయిపోయారు. సోషల్మీడియాలో యాక్టీవ్ గా ఉంటూ.. అభిమానులతో ముచ్చటిస్తున్నారు. తాజాగా ఇన్స్టా లైవ్లో పాల్గొన్న టీమ్ఇండియా కెప్టెన్ కోహ్లీ, బౌలర్ రవిచంద్రన్ అశ్విన్.. క్రికెట్ సహా పలు ఆసక్తికరమైన విషయాల గురించి ముచ్చటించారు.
అయితే వీరి సంభాషణ ఆసక్తికరంగా సాగుతోన్న సమయంలో వార్నర్ కామెంట్ చేశాడు. దానికి కోహ్లీ వెంటనే రెస్పాండ్ అయ్యాడు. “ప్రజంట్ డేవిడ్ వార్నర్ టిక్టాక్ వీడియోలు చేస్తూ ఫుల్ బిజీగా ఉన్నాడు. అతడు నన్ను కూడా టిక్టాక్ వీడియోలు చేయమని వెంట పడుతున్నాడు. త్వరలోనే అతడికి ఆన్సరిస్తా” అని కోహ్లీ పేర్కొన్నాడు.
ఎక్కువగా సౌత్ ఇండియా సినిమా పాటలు, డైలాగులకు టిక్టాక్ చేస్తోన్న వార్నర్..సోషల్ మీడియాలో తెగ ట్రెండ్ అవుతున్నాడు. ఇటీవల అల్లు అర్జున్ ‘బుట్ట బొమ్మ’, మహేశ్ ‘మైండ్ బ్లాక్’ సాంగ్స్ కు స్టెప్పులేశాడు. తాజాగా బాలీవుడ్ కిలాడీ హీరో అక్షయ్ కుమార్కు సంబంధించిన ‘బాలా’ అనే పాటకు టిక్టాక్ చేశాడు వార్నర్. ఈ వీడియోకు డ్యూయెట్ చేయమని విరాట్ కు కామెంట్ పెట్టాడు.
