Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Yuvraj Singh: సిక్సర్ల కింగ్‌ యువరాజ్‌ సింగ్‌.. అతడి రికార్డులు ఎవరికి సాధ్యం కావు..!

Yuvraj Singh: యువరాజ్ సింగ్ అంటే భారత క్రికెట్‌లో ఒక సంచలనం. మ్యాచ్ విన్నర్‌లలో ఒకరు, సిక్సర్ల కింగ్, గొప్ప ఆల్ రౌండర్, ఒక యోధుడు,

Yuvraj Singh: సిక్సర్ల కింగ్‌ యువరాజ్‌ సింగ్‌.. అతడి రికార్డులు ఎవరికి సాధ్యం కావు..!
Yuvraj Singh
Follow us
uppula Raju

|

Updated on: Dec 12, 2021 | 12:54 PM

Yuvraj Singh: యువరాజ్ సింగ్ అంటే భారత క్రికెట్‌లో ఒక సంచలనం. మ్యాచ్ విన్నర్‌లలో ఒకరు, సిక్సర్ల కింగ్, గొప్ప ఆల్ రౌండర్, ఒక యోధుడు, ఫైటర్ ప్లేయర్, ఒకటి కాదు అనేక సందర్భాల్లో జట్టును కష్టాల నుంచి గట్టెక్కించాడు. 1981 డిసెంబర్ 12న జన్మించిన యువరాజ్ సింగ్ నేటితో 40 ఏళ్లు పూర్తి చేసుకున్నాడు. అంతర్జాతీయ క్రికెట్‌కి రిటైర్మెంట్ ప్రకటించాడు. అయితే అతడి స్థానాన్ని భర్తీ చేసే ఆటగాడు ఇప్పటి వరకు టీమిండియాలో లేడనే చెప్పాలి.

అంతర్జాతీయ టీ20లో 6 బంతుల్లో వరుసగా 6 సిక్సర్లు కొట్టడం లేదా 12 బంతుల్లో ఫాస్టెస్ట్ హాఫ్ సెంచరీ చేయడం మాత్రమే కాదు. ఇందులో ఇతని పేరుకు చుక్కెదురైంది. కానీ ఇది కాకుండా అతనికి సంబంధించిన కొన్ని క్రేజీ మూమెంట్స్ ఉన్నాయి. అందులో అతను నంబర్ వన్. ఇది అతనికి నిజమైన పోరాట యోధుడిగా బిరుదును ఇస్తుంది. మ్యాచ్‌ను ఎలా గెలవాలో అతనికి తెలిసినంతగా మరెవరికి తెలియదు. యువరాజ్ సింగ్ నుంచి చాలా నేర్చుకోవచ్చు.

ప్రపంచకప్‌లో 50కిపైగా పరుగులు చేసి 5 వికెట్లు తీసిన తొలి ఆటగాడు యువరాజ్ సింగ్. ప్రపంచకప్‌లో 5 వికెట్లు తీసిన ఏకైక భారత స్పిన్నర్‌. ఇది కాకుండా ప్రపంచ కప్‌లో ఏకైక భారత స్పిన్నర్‌గా రెండుసార్లు 4 వికెట్లు తీసి అద్భుతాలు సృష్టించాడు. ప్రపంచంలో 7 ఐసీసీ ఫైనల్స్ ఆడిన ఏకైక ఆటగాడు యువరాజ్ సింగ్. ICC టోర్నమెంట్లలో మ్యాన్ ఆఫ్ ది మ్యాచ్ అవార్డును గెలుచుకున్న అతి పిన్న వయస్కుడైన భారతీయుడిగా నిలిచాడు. కేవలం 18 ఏళ్ల వయసులో ఈ ఘనత సాధించాడు.

ICC 3 నాకౌట్ టోర్నమెంట్లలో మ్యాన్ ఆఫ్ ది మ్యాచ్ గెలిచిన ఏకైక ఆటగాడు. ప్రపంచ కప్ టోర్నమెంట్‌లో 4 మ్యాన్ ఆఫ్ ద మ్యాచ్ అవార్డులను గెలుచుకున్న ఏకైక భారతీయుడు. వరల్డ్ కప్ టోర్నమెంట్‌లో 350కి పైగా స్కోరు చేసి 15 వికెట్లు తీసిన ఏకైక ఆటగాడు యువరాజ్ సింగ్‌. టీ20 మ్యాచ్‌లో చివరి 4 ఓవర్లలో హాఫ్ సెంచరీ సాధించి అద్భుతాలు చేశాడు. యువరాజ్ వన్డే కెరీర్ గురించి మాట్లాడుతూ.. 5వ స్థానంలో ఆడుతూ అత్యధికంగా 7 సెంచరీలు చేసిన ఏకైక ఆటగాడు.

భారతదేశం తరపున 304 ODIలు ఆడాడు. 14 సెంచరీలు, 52 అర్ధ సెంచరీలతో 36.55 సగటుతో 8701 పరుగులు చేశాడు. అతను భారత్ తరఫున 40 టెస్టులు, 58 టీ20లు కూడా ఆడాడు. భారత్ తరఫున టెస్టుల్లో 1900 పరుగులు చేయగా, టీ20ల్లో 1177 పరుగులు చేశాడు. 2011 ప్రపంచకప్‌లో భారత్‌ విజయం సాధించడం వెనుక అతిపెద్ద హీరో యువరాజ్‌ సింగ్‌. కానీ ఆ టోర్నీ తర్వాత ఈ హీరో క్యాన్సర్‌తో పోరాడాల్సి వచ్చింది. అమెరికాలో చికిత్స పొందారు. క్యాన్సర్‌తో పోరాడిన తర్వాత అతను మళ్లీ క్రికెట్‌లోకి వచ్చాడు. కానీ అతని ఆటతీరు మునుపటిలా లేదు. 2017లో తన చివరి అంతర్జాతీయ మ్యాచ్ ఆడిన ఈ ఫైటర్ ప్లేయర్ రిటైర్మెంట్ ప్రకటించాడు.

Brad Hogg: వేర్వేరు కెప్టెన్లతో భారం తగ్గుతుంది.. కోహ్లీ తన ఆటను మెరుగుపరుచుకోవచ్చు..

Ishant Sharma: ఇషాంత్‌ శర్మ కెరీర్‌ ముగిసినట్లేనా..! దక్షిణాఫ్రికా పర్యటన చివరిదా..?

ఆదివారం సూర్య భగవానుడిని ఆరాదిస్తే ఆ దోషాలు తొలగుతాయి.. మరెన్నో ప్రయోజనాలు..