చోకర్స్ కాదు రా భయ్ ఛాంపియన్‌లం.. ఓటమి ఎరుగని ఆసీస్ త్రిమూర్తుల గర్వాన్ని దించిన బవుమా సేన

Bavuma Vs Pat Cummins

ఆస్ట్రేలియా తన అదృష్టాన్ని చూసి గర్వపడింది. ఫైనల్‌లో ఎప్పుడూ ఓడిపోని ఆటగాళ్లను చూసి ఒకింత రెచ్చిపోయింది. టోర్నమెంట్ ఫైనల్‌లో ఆసీస్ విజయ సగటు 100 శాతంగా ఉందనే గర్వంతో ఊగిపోయింది. టెంబా బావుమాతో తలపడిన వెంటనే, ఆ అదృష్టవంతులందరూ తలదించుకున్నారు. WTC 2025 ఫైనల్‌లో వీరందరూ కలిసి ఆస్ట్రేలియాను ఓటమి నుంచి కాపాడలేకపోయారు. ఫలితంగా ఆస్ట్రేలియాపై విజయంతో, దక్షిణాఫ్రికా ప్రపంచ ఛాంపియన్‌గా నిలిచిపోవడమే కాకుండా, కెప్టెన్ టెంబా బావుమా కూడా అజేయంగా నిలిచాడు. అతని ప్రస్థానం ఎప్పటిలాగే మరోసారి చెక్కుచెదరకుండా ఉంది.

ఫైనల్స్‌లో ఎప్పుడూ ఓడిపోని ఆస్ట్రేలియాకు షాక్..

మిచెల్ స్టార్క్, జోష్ హేజిల్‌వుడ్, కెప్టెన్ పాట్ కమ్మిన్స్ హయాంలో ఆస్ట్రేలియా ఒక్కసారి కూడా ఫైనల్‌లో ఓడిపోలేదు. స్టార్క్, హేజిల్‌వుడ్ ఇంతకు ముందు ఒక్కొక్కరు 7 ఫైనల్స్ గెలిచారు. అంటే వారి హయాంలో ఫైనల్ గెలవడం 100 శాతం ఖాయం. పాట్ కమ్మిన్స్, స్టార్క్, హేజిల్‌వుడ్ త్రయం ఐసీసీ ఈవెంట్ ఫైనల్‌లో ఉన్నప్పుడు ఆస్ట్రేలియా ఎప్పుడూ ఓడిపోలేదన్నమాట.

టెంబా బావుమా హయాంలో..

కానీ, ఒక కమ్మరి వంద మంది స్వర్ణకారులకు సమానం అనే సామెతలా టెంబా బావుమా ఒక్కడు ఎప్పుడూ బద్దలు కొట్టని రికార్డులను బ్రేక్ కొట్టడమే కాకుండా ఆస్ట్రేలియా గర్వాన్ని కూడా బద్దలు కొట్టాడు. అలా చేస్తూనే, టెంబా బావుమా టెస్ట్ కెప్టెన్సీలో ఒక్క మ్యాచ్ కూడా ఓడిపోకుండా తన రికార్డును నిలబెట్టుకున్నాడు. WTC 2025 ఫైనల్ టెంబా బావుమా కెప్టెన్‌గా కెరీర్‌లో 10వ టెస్ట్. ఈ 10 టెస్ట్‌లలో, అతను ఎప్పుడూ ఓటమిని ఎదుర్కోలేదు. అతను 9 టెస్ట్‌లను గెలిచి, 1 డ్రా చేసుకున్నాడు.

పాట్ కమ్మిన్స్ హ్యాట్రిక్ మిస్..

దక్షిణాఫ్రికా కెప్టెన్ టెంబా బావుమా టెస్ట్ క్రికెట్‌లో విజయాల పరంపర ఆస్ట్రేలియా అదృష్టవంతులైన ఆటగాళ్లకు బాధను మిగల్చడే కాకుండా, పాట్ కమ్మిన్స్ హ్యాట్రిక్ సాధించకుండా నిరోధించింది. పాట్ కమిన్స్ కెప్టెన్సీలో 3వ ఐసీసీ టైటిల్‌ను గెలుచుకోవడానికి చాలా దగ్గరగా ఉన్నాడు. WTC 2021-23, ప్రపంచ కప్ 2023 టైటిళ్లను గెలుచుకున్న తర్వాత WTC 2025 ఫైనల్‌ను గెలుచుకునే అవకాశం పొందాడు. కానీ టెంబా బావుమా అతని లక్ష్యానికి అడ్డుగా నిలిచాడు. ఫలితంగా ఆస్ట్రేలియా WTC టైటిల్‌ను కాపాడుకోలేకపోయింది. దీంతో పాట్ కమ్మిన్స్ ICC ట్రోఫీలలో హ్యాట్రిక్ సాధించలేకపోయాడు.

ఐసీసీ నాకౌట్ మ్యాచ్‌లో ఆస్ట్రేలియా తొలిసారి ఓటమి..

2025 ప్రపంచ టెస్ట్ ఛాంపియన్‌షిప్‌లో ఆస్ట్రేలియాపై దక్షిణాఫ్రికా విజయం కూడా దాని చోకర్ల మరకను తుడిచిపెట్టినట్లు అనిపిస్తుంది. ఐసిసి నాకౌట్ మ్యాచ్‌లలో దక్షిణాఫ్రికా ఎప్పుడూ ఆస్ట్రేలియాను ఓడించలేదు. 1999 ప్రపంచ కప్‌లో ఈ రెండింటి మధ్య జరిగిన మ్యాచ్ టై అయింది. 2007 ప్రపంచ కప్ ఘర్షణలో, ఆస్ట్రేలియా దక్షిణాఫ్రికాను 7 వికెట్ల తేడాతో ఓడించింది. 2023 ప్రపంచ కప్‌లో, ఆస్ట్రేలియా దక్షిణాఫ్రికాను 3 వికెట్ల తేడాతో ఓడించింది. కానీ, WTC 2025 ఫైనల్‌లో ఇది జరగలేదు. ఇక్కడ దక్షిణాఫ్రికా జట్టు ఆస్ట్రేలియాను ఓడించడంలో విజయం సాధించింది.