T20I Cricket: విజయానికి 3 ఓవర్లలో 20 పరుగులు.. చేతిలో 3 వికెట్లు.. కట్‌చేస్తే.. ఊహించని ట్వీస్ట్
వెస్టిండీస్‌తో వన్డే సిరీస్‌ను కోల్పోయిన తర్వాత, బంగ్లాదేశ్ టీ20 సిరీస్‌లో బలమైన ఆరంభం చేసింది. విండీస్‌తో జరిగిన మొదటి టీ20 ఇంటర్నేషనల్‌ను 7 వికెట్ల తేడాతో గెలుచుకుంది. టీ20 చరిత్రలో తొలిసారి వెస్టిండీస్‌పై బంగ్లాదేశ్ విజయం సాధించింది. మెహదీ హసన్ కేవలం 13 పరుగులిచ్చి నాలుగు వికెట్లు తీశాడు.
Updated on: Dec 16, 2024 | 11:57 AM
Wi vs Ban: వెస్టిండీస్, బంగ్లాదేశ్ మధ్య మూడు వన్డేల సిరీస్ తర్వాత ఇప్పుడు మూడు మ్యాచ్‌ల టీ20 సిరీస్ జరుగుతోంది. వెస్టిండీస్‌తో వన్డే సిరీస్‌ను కోల్పోయిన బంగ్లాదేశ్ టీ20 సిరీస్‌లో శుభారంభం చేసింది. తొలి టీ20 మ్యాచ్‌లో వెస్టిండీస్‌ను ఓడించి చరిత్ర సృష్టించాడు. టి-20లో బంగ్లాదేశ్ తొలిసారి వెస్టిండీస్‌ను ఓడించడం గమనార్హం. ఈ మ్యాచ్‌కు ముందు వెస్టిండీస్ జట్టు ప్రతిసారీ బంగ్లాదేశ్‌పై విజయం సాధించింది. అయితే ప్రస్తుత సిరీస్‌లో తొలి మ్యాచ్‌లో బంగ్లాదేశ్ 7 వికెట్ల తేడాతో విజయం సాధించింది.
ఫలించని పావెల్ ఇన్నింగ్స్..
వెస్టిండీస్, బంగ్లాదేశ్ మధ్య మొదటి టీ20 మ్యాచ్ డిసెంబర్ 16 న అర్నోస్ వెల్ స్టేడియంలో జరిగింది. ఈ మ్యాచ్‌లో తక్కువ స్కోరు నమోదైంది. తొలుత బ్యాటింగ్ చేసిన బంగ్లాదేశ్ 20 ఓవర్లలో 6 వికెట్ల నష్టానికి 147 పరుగులు చేసింది. దీంతో వెస్టిండీస్ 1 బంతి మిగిలి ఉండగానే 140 పరుగులకు ఆలౌటైంది. కెప్టెన్ రోవ్‌మన్ పావెల్ ఒక ఎండ్ నుంచి ఒంటరి పోరాటం చేస్తూనే ఉన్నాడు. కానీ, అతనికి మరో ఎండ్ నుంచి మద్దతు లభించలేదు. అతను కేవలం 35 బంతుల్లో 60 పరుగుల వేగవంతమైన ఇన్నింగ్స్ ఆడాడు. అయినప్పటికీ ఓటమిని చవిచూడాల్సి వచ్చింది.
చివరి మూడు ఓవర్లలో మలుపు తిరిగిన మ్యాచ్..
వెస్టిండీస్ విజయంలో మెహదీ హసన్ కీలక పాత్ర పోషించాడు. 17 ఓవర్ల వరకు మ్యాచ్ వెస్టిండీస్ చేతిలో ఉంది. చివరి మూడు ఓవర్లలో విజయానికి 20 పరుగులు చేయాల్సి ఉండగా చేతిలో మూడు వికెట్లు ఉన్నాయి. కానీ, బంగ్లాదేశ్ బౌలర్లు అద్భుతంగా బౌలింగ్ చేసి టీ20 చరిత్రలో తొలిసారి వెస్టిండీస్‌ను ఓడించారు. 18వ ఓవర్లో వెస్టిండీస్ ఎనిమిదో వికెట్ పడగా, కేవలం రెండు పరుగులు మాత్రమే వచ్చాయి. ఇప్పుడు రెండు ఓవర్లలో విజయానికి 18 పరుగులు చేయాల్సి ఉంది. 19వ ఓవర్లో వెస్టిండీస్ 8 పరుగులు చేసింది.
నాలుగు వికెట్లు తీసిన మెహదీ హసన్..
ఇప్పుడు చివరి ఓవర్లో విజయానికి 10 పరుగులు కావాల్సి ఉంది. కానీ హసన్ మహమూద్ చివరి ఓవర్ మూడో బంతికి కెప్టెన్ రోవ్‌మన్ పావెల్, ఐదో బంతికి అల్జారీ జోసెఫ్ వికెట్లు తీసి వెస్టిండీస్‌కు విజయాన్ని అందించాడు. తస్కిన్ అహ్మద్ రెండు వికెట్లు తీశాడు. రిషాద్‌ హుస్సేన్‌, తంజీమ్‌ హసన్ సాకిబ్‌లకు చెరో వికెట్ దక్కింది. అయితే, బంగ్లాదేశ్ తరపున మెహదీ హసన్ అద్భుత ప్రదర్శన చేశాడు. 4 ఓవర్లలో 13 పరుగులిచ్చి 4 వికెట్లు తీశాడు.
మరిన్ని క్రీడా వార్తల కోసం ఇక్కడ క్లిక్ చేయండి..
