Video: ఇదేంటి బ్రో.. ఇలా ఔటయ్యావ్.. పరుగు కోసం పోతే.. వీడియో చూస్తే పాపం అనాల్సిందే..
Kemar Roach Run Out Video: మ్యాచ్ గురించి మాట్లాడితే, వెస్టిండీస్ జట్టు ఆలౌట్ అయ్యే ముందు బోర్డులో 311 పరుగులు చేసింది. వెస్టిండీస్ తరపున అత్యధిక పరుగులు చేసిన వికెట్ కీపర్ బ్యాట్స్మెన్ జాషువా డి సిల్వా. తొలి ఇన్నింగ్స్లో సిల్వా బ్యాటింగ్లో 79 పరుగులు వచ్చాయి. కెవిన్ హాడ్జ్ కూడా 71 పరుగులు చేశాడు. కెవిన్ సింక్లెయిర్ కూడా 50 పరుగుల ఇన్నింగ్స్ ఆడాడు. దీంతో పాటు కిర్క్ మెకెంజీ, టెగ్నారాయణ్ చందర్పాల్ కూడా తలో 21 పరుగులు చేశారు.
Updated on: Jan 26, 2024 | 1:22 PM
Australia vs West Indies, 2nd Test: ప్రస్తుతం ఆస్ట్రేలియా, వెస్టిండీస్ మధ్య 2 మ్యాచ్ల టెస్టు సిరీస్లో భాగంగా బ్రిస్బేన్ వేదికగా రెండో మ్యాచ్ జరుగుతుండగా.. ఈ మ్యాచ్లో టాస్ గెలిచిన వెస్టిండీస్ జట్టు ముందుగా బ్యాటింగ్కు చేసింది. ఆస్ట్రేలియా ప్రాణాంతక బౌలింగ్ను ఎదుర్కొన్నప్పటికీ, వెస్టిండీస్ జట్టు తొలి ఇన్నింగ్స్లో 311 పరుగులు చేయగలిగింది. అయితే, మొదటి ఇన్నింగ్స్లో వెస్టిండీస్ స్టార్ బౌలర్ కెమర్ రోచ్తో జరిగిన సంఘటన అందరినీ ఆశ్చర్యపరిచింది. ఈ మ్యాచ్లో, రోచ్ 40 బంతుల్లో 8 పరుగులు చేయడం ద్వారా తన భాగస్వామి కెవిన్ సింక్లెయిర్ (58)కి మద్దతుగా నిలిచాడు. అయితే, పిచ్పై చిన్న పొరపాటు జరగడం, దాని కారణంగా రోచ్ తన వికెట్ను కోల్పోవలసి వచ్చింది. అసలు అక్కడేం జరిగిందో ఇప్పుడు తెలుసుకుందాం..
పిచ్పై పడిపోయిన రోచ్..
వెస్టిండీస్ ఇన్నింగ్స్ 105వ ఓవర్ను ఆస్ట్రేలియా కెప్టెన్ పాట్ కమిన్స్ బౌలింగ్ చేస్తున్నాడు. ఈ ఓవర్ ఐదో బంతికి రోచ్ తేలిగ్గా డిఫెండ్ చేసి సింగిల్ తీసేందుకు ప్రయత్నించాడు. కానీ, నాన్స్ట్రైకింగ్ ఎండ్లో నిలిచిన సింక్లెయిర్ పెద్దగా ఆసక్తి చూపలేదు. కానీ, సింక్లెయిర్ పరుగెత్తడానికి నిరాకరించే సమయానికి, రోచ్ అప్పటికే పరుగెత్తాడు. సగం పిచ్ను దాటాడు. సింక్లెయిర్ నో కాల్ విన్న తర్వాత, రోచ్ తన క్రీజ్కి తిరిగి రావడానికి చాలా కష్టపడ్డాడు. కానీ. రివర్స్ అయ్యే క్రమంలో కాలు జారిపోయింది. ఇక్కడ బ్యాలెన్స్ కోల్పోయిన రోచ్ పిచ్ మధ్యలో పడిపోయాడు.
రనౌట్ చేసిన ఆస్ట్రేలియా..
ఆ తర్వాత ఏం జరిగిందంటే, షార్ట్ కవర్ వద్ద నిలబడిన మార్నస్ లాబుస్చాగ్నే, బంతిని క్యాచ్ చేసి, వికెట్ దగ్గర నిలబడి ఉన్న ట్రావిస్ హెడ్కి అందించాడు. దీంతో అతను వికెట్లను పడగొట్టాడు. రోచ్ను రనౌట్ చేశాడు. ఈ మొత్తం ఘటనకు సంబంధించిన వీడియోను క్రికెట్ ఆస్ట్రేలియా కూడా సోషల్ మీడియాలో పోస్ట్ చేసింది. దీనిపై ప్రజలు రకరకాలుగా స్పందిస్తున్నారు. తొలి ఇన్నింగ్స్లో రోచ్కి జరిగింది ఏ శత్రువుకు జరగకూడదంటూ ఫ్యాన్స్ కామెంట్స్చేస్తున్నారు.
సిరీస్లో ఆస్ట్రేలియా 1-0 ఆధిక్యం..
Oh dear! Kemar Roach ended up on his backside in the middle of the pitch and is run out! #CleanHands | #AUSvWI pic.twitter.com/RY5HolA7Fg
— cricket.com.au (@cricketcomau) January 26, 2024
మ్యాచ్ గురించి మాట్లాడితే, వెస్టిండీస్ జట్టు ఆలౌట్ అయ్యే ముందు బోర్డులో 311 పరుగులు చేసింది. వెస్టిండీస్ తరపున అత్యధిక పరుగులు చేసిన వికెట్ కీపర్ బ్యాట్స్మెన్ జాషువా డి సిల్వా. తొలి ఇన్నింగ్స్లో సిల్వా బ్యాటింగ్లో 79 పరుగులు వచ్చాయి. కెవిన్ హాడ్జ్ కూడా 71 పరుగులు చేశాడు. కెవిన్ సింక్లెయిర్ కూడా 50 పరుగుల ఇన్నింగ్స్ ఆడాడు. దీంతో పాటు కిర్క్ మెకెంజీ, టెగ్నారాయణ్ చందర్పాల్ కూడా తలో 21 పరుగులు చేశారు. ఆస్ట్రేలియా తరపున మిచెల్ స్టార్క్ అత్యధికంగా 4 వికెట్లు పడగొట్టాడు. జోష్ హేజిల్వుడ్, నాథన్ లియాన్ ఖాతాలోకి తలో 2 వికెట్లు వెళ్లాయి. ఈ సిరీస్లో తొలి మ్యాచ్లో 164 పరుగుల తేడాతో విజయం సాధించిన ఆస్ట్రేలియా జట్టు 1-0తో ముందంజలో ఉంది.
ఆస్ట్రేలియాకు బిగ్ షాకిచ్చిన రోచ్..
అనంతరం తొలి ఇన్నింగ్స్ మొదలు పెట్టిన ఆస్ట్రేలియాకు భారీ షాక్ తగిలింది. వార్త రాసే సమయానికి ఆస్ట్రేలియా జట్టు 5 వికెట్లు కోల్పోయి 92 పరుగులు చేసింది. తనను రనౌట్ చేసిన ఆస్ట్రేలియాకు కేమర్ రోచ్ 3 వికెట్లతో బిగ్ షాక్ అందించాడు. మరో బౌలర్ అల్జారీ జోషఫ్ 2 వికెట్లు పడగొట్టాడు. ప్రస్తుతం కారీ 21, ఖవాజా 23 పరుగులతో బ్యాటింగ్ చేస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
