Virat Kohli : బీసీసీఐకి కొత్త తలనొప్పి..దేశీయ క్రికెట్పై విరాట్ కోహ్లీ సంచలన నిర్ణయం
టీమిండియా స్టార్ బ్యాట్స్మెన్ విరాట్ కోహ్లీ సౌతాఫ్రికా పై తొలి వన్డేలో సెంచరీతో అదరగొట్టి ఫామ్లోకి వచ్చాడు. రెండో వన్డే కోసం అభిమానులు ఆసక్తిగా ఎదురుచూస్తుండగా, కోహ్లీ తీసుకున్న ఒక ముఖ్యమైన నిర్ణయం ఇప్పుడు క్రికెట్ వర్గాల్లో చర్చనీయాంశమైంది. డిసెంబర్ 24, 2025 నుంచి ప్రారంభం కానున్న దేశీయ క్రికెట్ టోర్నమెంట్ విజయ్ హజారే ట్రోఫీలో తాను పాల్గొనకూడదని విరాట్ కోహ్లీ నిర్ణయించుకున్నట్లు ఒక నివేదిక వెల్లడించింది.
Updated on: Dec 02, 2025 | 8:40 PM
Virat Kohli : టీమిండియా స్టార్ బ్యాట్స్మెన్ విరాట్ కోహ్లీ సౌతాఫ్రికా పై తొలి వన్డేలో సెంచరీతో అదరగొట్టి ఫామ్లోకి వచ్చాడు. రెండో వన్డే కోసం అభిమానులు ఆసక్తిగా ఎదురుచూస్తుండగా, కోహ్లీ తీసుకున్న ఒక ముఖ్యమైన నిర్ణయం ఇప్పుడు క్రికెట్ వర్గాల్లో చర్చనీయాంశమైంది. డిసెంబర్ 24, 2025 నుంచి ప్రారంభం కానున్న దేశీయ క్రికెట్ టోర్నమెంట్ విజయ్ హజారే ట్రోఫీలో తాను పాల్గొనకూడదని విరాట్ కోహ్లీ నిర్ణయించుకున్నట్లు ఒక నివేదిక వెల్లడించింది. వాస్తవానికి 16 ఏళ్ల తర్వాత కోహ్లీ ఈ టోర్నీలో ఆడుతాడని అంతకుముందు వార్తలు వచ్చాయి.
విరాట్ కోహ్లీ దేశీయ క్రికెట్కు సంబంధించి తీసుకున్న వైఖరి ఇప్పుడు బీసీసీఐకి కొత్త సవాల్గా మారింది. ఒక ప్రముఖ నివేదిక ప్రకారం.. విరాట్ కోహ్లీ విజయ్ హజారే ట్రోఫీలో పాల్గొనే మూడ్లో లేడు. సాధారణంగా అన్ని ఫార్మాట్ల జాతీయ ఆటగాళ్లు దేశీయ క్రికెట్లో ఆడటం తప్పనిసరి. రోహిత్ శర్మతో పాటు విరాట్ కోహ్లీ వంటి స్టార్ ఆటగాళ్లు దేశీయ క్రికెట్లో పాల్గొనాలని బీసీసీఐ కోరుకుంటోంది. వారి భాగస్వామ్యం యువ ఆటగాళ్లకు ప్రేరణగా నిలుస్తుందని బోర్డు భావిస్తోంది.
అయితే, విరాట్ కోహ్లీ నిరాకరించడంతో ఈ టోర్నీలో పాల్గొనడం తప్పనిసరి అనే నిబంధనను బీసీసీఐ ఎలా అమలు చేస్తుందనేది ప్రశ్నార్థకంగా మారింది. విరాట్ కోహ్లీకి ప్రత్యేక మినహాయింపు ఇవ్వడానికి బీసీసీఐ ఇష్టపడటం లేదని ఎన్డిటివి నివేదిక ద్వారా తెలిసింది. జట్టు కెప్టెన్ రోహిత్ శర్మ ఇప్పటికే ఈ టోర్నమెంట్లో తన భాగస్వామ్యాన్ని ఖరారు చేసుకున్నట్లు నివేదిక పేర్కొంది. రోహిత్ ఆడుతున్నప్పుడు, కేవలం విరాట్ కోహ్లీ ఒక్కరికీ మాత్రమే ప్రత్యేక మినహాయింపు ఇవ్వడం ఇతర ఆటగాళ్లకు, బోర్డు నిబంధనలకు విరుద్ధమని బీసీసీఐ వర్గాలు భావిస్తున్నాయి.
“విషయం విజయ్ హజారే ట్రోఫీ గురించే. కోహ్లీ అస్సలు ఆడాలనుకోవడం లేదు. రోహిత్ కూడా ఆడుతున్నప్పుడు, ఒకే ఆటగాడికి మినహాయింపు ఎలా ఇవ్వగలం? అప్పుడు ఇతర ఆటగాళ్లకు మనం ఏమి చెప్పాలి? ఆ ఆటగాడు మీ అందరి కంటే భిన్నమైనవా?” అని ఒక అధికారి ప్రశ్నించినట్లు ఆ నివేదికలో ఉంది. విరాట్ కోహ్లీ చాలా సంవత్సరాలుగా దేశీయ వన్డే టోర్నమెంట్లకు దూరంగా ఉన్నాడు. విరాట్ కోహ్లీ చివరగా విజయ్ హజారే ట్రోఫీలో ఆడింది 16 సంవత్సరాల క్రితం 2010లో. 2008 నుంచి 2010 వరకు ఢిల్లీ తరఫున విజయ్ హజారే ట్రోఫీలో 13 మ్యాచ్లు ఆడిన కోహ్లీ, 4 సెంచరీలతో సహా మొత్తం 819 పరుగులు చేశాడు. అయితే, గత సంవత్సరం మాత్రం కోహ్లీ రంజీ ట్రోఫీలో ఢిల్లీ తరఫున ఒక మ్యాచ్ ఆడి, టెస్ట్ క్రికెట్కు తన మద్దతును చూపించాడు. కానీ వన్డే ఫార్మాట్కు మాత్రం ఆయన దూరంగానే ఉండాలని నిర్ణయించుకున్నట్లు తెలుస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..
