Team India: ఒరేయ్ ఆజామూ.! నీ రికార్డు తృటిలో మిస్.. ఎవరా టీమిండియా ప్లేయర్ అంటే.?

అండర్-19 వరల్డ్ కప్‌లో యువ భారత్ అద్భుత ప్రదర్శనతో దూసుకెళ్తోంది. ఈ క్రమంలో, ఐపీఎల్ సంచలనం వైభవ్ సూర్యవంశీ ఆఫ్ఘనిస్తాన్‌తో జరిగిన సెమీఫైనల్‌లో అరుదైన రికార్డును తృటిలో మిస్ అయ్యాడు. ఈ టోర్నమెంట్‌లో వైభవ్ సూర్యవంశీ సెమీఫైనల్ ముందు వరకు 39.20 సగటుతో కేవలం 196 పరుగులు మాత్రమే చేశాడు. అయితే, ఆఫ్ఘనిస్తాన్‌తో జరిగిన మ్యాచ్‌లో భారీ ఇన్నింగ్స్ ఆడితే, అతను అండర్-19 వన్డే క్రికెట్ చరిత్రను తిరగరాసేవాడు. ఈ సెమీఫైనల్‌లో వైభవ్ భారీ పరుగులు సాధిస్తే, అండర్-19 వన్డేల్లో యాక్టివ్ ప్లేయర్‌లలో నంబర్ వన్ ఆల్ టైమ్ లీడింగ్ రన్ స్కోరర్‌గా నిలిచేవాడు. ప్రస్తుతం అండర్-19 వన్డేల్లో యాక్టివ్ ఆటగాళ్లలో బంగ్లాదేశ్‌కు చెందిన అజీజుల్ హకీం అగ్రస్థానంలో ఉన్నాడు. అతను 37 మ్యాచ్‌లలో, 35 ఇన్నింగ్స్‌లలో 1261 పరుగులు సాధించాడు. అజీజుల్ హకీం సగటు 42.03 కాగా, స్ట్రైక్ రేట్ 74.89 గా ఉంది. ఈ టోర్నమెంట్ నుంచి బంగ్లాదేశ్ నిష్క్రమించడంతో, అజీజుల్ హకీం రికార్డు పదిలం కాదు. .

వైభవ్ సూర్యవంశీ ప్రస్తుతం 23 మ్యాచ్‌లలో 23 ఇన్నింగ్స్‌లలో 1169 పరుగులు చేసి, యాక్టివ్ ఆటగాళ్లలో రెండో స్థానంలో ఉన్నాడు. అతని సగటు 50.82 కాగా, స్ట్రైక్ రేట్ 158.18 గా ఉంది. అండర్-19 వన్డే చరిత్రలో ఏ బ్యాట్స్‌మన్ కైనా ఇది అత్యధిక స్ట్రైక్ రేట్ కావడం గమనార్హం. అజీజుల్ హకీం రికార్డును అధిగమించి అగ్రస్థానానికి చేరుకోవాలంటే వైభవ్‌కు సెమీఫైనల్‌లో 93 పరుగులు అవసరం. యాక్టివ్ ప్లేయర్‌లలో నంబర్ వన్ స్థానాన్ని దక్కించుకోవడమే కాకుండా, వైభవ్ సూర్యవంశీ పాకిస్తాన్ స్టార్ బ్యాట్స్‌మన్ బాబర్ అజమ్ అండర్-19 వన్డే రికార్డును కూడా బద్దలు కొట్టేవాడు. బాబర్ అజమ్ 36 అండర్-19 వన్డేల్లో 35 ఇన్నింగ్స్‌లలో 1271 పరుగులు చేశాడు. ఇందులో మూడు సెంచరీలు, ఎనిమిది హాఫ్ సెంచరీలు ఉన్నాయి. బాబర్ అజమ్ సగటు 38.51 కాగా, స్ట్రైక్ రేట్ 73.85 గా ఉంది. పరుగుల పరంగా బాబర్ అజమ్ రికార్డును అధిగమించడానికి వైభవ్ సూర్యవంశీకి 103 పరుగులు అవసరం.

అంటే, ఆఫ్ఘనిస్తాన్‌తో జరిగిన సెమీఫైనల్‌లో వైభవ్ సూర్యవంశీ ఒక సెంచరీ సాధిస్తే, అతను అండర్-19 వన్డేల్లో యాక్టివ్ ప్లేయర్‌లలో అత్యధిక పరుగులు చేసిన ఆటగాడిగా నిలవడమే కాకుండా, బాబర్ అజమ్ పేరిట ఉన్న ఆల్ టైమ్ రికార్డును కూడా బద్దలు కొట్టగలడు. ఈ అరుదైన అవకాశాన్ని తృటిలో మిస్ చేసుకున్నాడు వైభవ్.. ఆఫ్ఘనిస్తాన్ జట్టుతో జరిగిన సెమీఫైనల్ మ్యాచ్‌లో కేవలం 68 పరుగులు చేసి.. అవుట్ అవడంతో.. ఈ రెండు రికార్డుల కోసం మనం ఫైనల్ వరకు వేచి చూడాల్సిందే.

ఇవి కూడా చదవండి

ఆ స్టార్ హీరో నేను రాగానే లేచి నిలబడతాడు.. తను ఎంత గొప్పవాడంటే.!

చిరుతిళ్లు ఇష్టంగా లాగించేస్తున్నారా.? లోనికి వచ్చి చూడగా

ఆ చిన్న తప్పు వల్లే ఆగడు పోయింది.. శ్రీను వైట్ల నాకు ఫోన్ చేసి..

ఆ కిక్కులో చెత్తకుప్ప దగ్గర సోయి లేకుండా..

ఇది చదవండి: నవ్వకండి ఇది సీరియస్ మ్యాటర్.! గుర్తుపెట్టుకోండి.. ఈసారి టీ20 వరల్డ్‌కప్ ఆస్ట్రేలియాదే

మరిన్ని క్రికెట్ వార్తల కోసం ఇక్కడ చూడండి