Video: భారత్-నెదర్లాండ్స్ మ్యాచ్‌లో లవ్ ప్రపోజల్.. డెసిషన్ పెండింగ్ అంటూ వీడియో పంచుకున్న ఐసీసీ..
India vs Netherlands: ఇండియా-నెదర్లాండ్స్ మ్యాచ్ సందర్భంగా ఒక భారత అభిమాని తన స్నేహితురాలికి ప్రపోజ్ చేశాడు. ఈ వీడియోను ఐసీసీ సోషల్ మీడియాలో షేర్ చేసింది.
Updated on: Oct 27, 2022 | 6:37 PM
టీ20 వరల్డ్ కప్ 2022 (T20 WC 2022)లో గురువారం జరిగిన ఇండియా-నెదర్లాండ్స్ (IND vs NED) మ్యాచ్‌లో ఆసక్తికరమైన దృశ్యం కనిపించింది. సిడ్నీ క్రికెట్ గ్రౌండ్ (SCG)లో జరిగిన ఈ మ్యాచ్‌లో ఒక భారత అభిమాని తన స్నేహితురాలికి ప్రపోజ్ చేశాడు. ఈ షడన్ ప్రపోజల్‌కు అమ్మాయి మొదట ఆశ్చర్యపోయింది. కానీ, ఆలస్యం చేయకుండా ఉంగరం కోసం తన వేలిని అతనికి అందించింది.
ఈ ఘటన మ్యాచ్ రెండో ఇన్నింగ్స్‌లో చోటుచేసుకుంది. 180 పరుగుల లక్ష్యాన్ని ఛేదించేందుకు బరిలోకి దిగిన నెదర్లాండ్స్ జట్టు పవర్‌ప్లేలో 27 పరుగులకే రెండు వికెట్లు కోల్పోయింది. పవర్‌ప్లే ముగిసిన వెంటనే హార్దిక్ పాండ్యా బౌలింగ్ చేశాడు. ఈ ఓవర్ మొదటి బంతి తర్వాత, కెమెరా ప్రేక్షకుల వైపు తిరిగింది. వెంటనే ఈ భారత అభిమాని ఆలస్యం చేయకుండా తన జేబులో నుంచి ఉంగరాన్ని తీసి ప్రియురాలికి ప్రపోజ్ చేశాడు. ఈ వీడియోను ఐసీసీ సోషల్ మీడియాలో షేర్ చేసింది.
View this post on Instagram
ఈ మ్యాచ్‌లో తొలుత బ్యాటింగ్ చేసిన టీమిండియా రోహిత్ శర్మ, విరాట్ కోహ్లీ, సూర్యకుమార్ యాదవ్‌ల హాఫ్ సెంచరీలతో రెండు వికెట్ల నష్టానికి 179 పరుగులు చేసింది. అనంతరం నెదర్లాండ్స్ జట్టు నిర్ణీత ఓవర్లలో 9 వికెట్ల నష్టానికి 123 పరుగులు మాత్రమే చేయగలిగింది. ఈ మ్యాచ్‌లో భారత్ 56 పరుగుల తేడాతో విజయం సాధించింది.
