Champions Trophy: ఒకే ఒక మ్యాచ్ ఆడాడు.. కట్చేస్తే.. అకస్మాత్తుగా ఛాంపియన్స్ ట్రోఫీలో లక్కీ ఛాన్స్.. ఎవరంటే?
Corbin Bosch Replace Anrich Nortje: ఛాంపియన్స్ ట్రోఫీ ప్రారంభానికి ముందు దక్షిణాఫ్రికాకు డబుల్ షాక్ తగిలింది. సౌతాఫ్రికా ఇద్దరు బౌలర్లు అన్రిక్ నోర్కియా, జెరాల్డ్ కోట్జీ గాయం కారణంగా టోర్నమెంట్ నుంచి వైదొలిగారు. అయితే, ఇప్పుడు దక్షిణాఫ్రికా నోర్కియా స్థానంలో కొత్త ఆటగాడిని ప్రకటించింది. నార్కియా స్థానంలో కార్బిన్ బాష్ జట్టులోకి వచ్చాడు.
Corbin Bosch Replace Anrich Nortje in Champions Trophy: ఛాంపియన్స్ ట్రోఫీ ప్రారంభానికి ముందు, చాలా జట్ల ఆటగాళ్లు గాయపడ్డారు. గాయపడిన తరువాత చాలా మంది స్టార్ ఆటగాళ్ళు ఈ టోర్నమెంట్ నుంచి తప్పుకున్నారు. దక్షిణాఫ్రికా బౌలర్లు అన్రిక్ నోర్కియా, జెరాల్డ్ కోట్జీ కూడా గాయాల కారణంగా ఛాంపియన్స్ ట్రోఫీకి దూరమయ్యారు. అయితే, ఈ ఆటగాళ్ళలో ఒకరి స్థానంలో మరొకరిని ఎంపిక చేసినట్లు ప్రకటించింది. ఇప్పుడు ఒకే ఒక్క వన్డే మ్యాచ్ ఆడిన దక్షిణాఫ్రికా జట్టులోకి ఒక ఆటగాడు ప్రవేశించాడు. దక్షిణాఫ్రికా జట్టు అన్రిక్ నోర్కియా స్థానంలో కార్బిన్ బాష్ను తమ జట్టులోకి తీసుకుంది.
నార్కియా స్థానంలో కార్బిన్ బాష్కు అవకాశం..
కార్బిన్ బాష్ తన కెరీర్లో తొలిసారి ఛాంపియన్స్ ట్రోఫీ ఆడబోతున్నాడు. ఇది మాత్రమే కాదు, ఇది అతని తొలి ఐసీసీ టోర్నమెంట్ కూడా అవుతుంది. అన్రిచ్ నోర్కియా గతంలో ఛాంపియన్స్ ట్రోఫీ కోసం దక్షిణాఫ్రికా జట్టులో చేరాడు. అయితే, వెన్ను గాయం కారణంగా నార్కియా ఛాంపియన్స్ ట్రోఫీకి దూరమయ్యాడు. ఇప్పుడు అతని స్థానంలో దక్షిణాఫ్రికా క్రికెట్ బోర్డు 30 ఏళ్ల కార్బిన్కు తన జట్టులో స్థానం కల్పించింది.
ఒకే ఒక వన్డే ఆడిన కార్బిన్ బాష్..
కార్బిన్ బాష్కు అంతర్జాతీయ క్రికెట్లో అనుభవం లేదు. ఈ ఫాస్ట్ బౌలర్ ఇప్పటివరకు రెండు అంతర్జాతీయ మ్యాచ్లు మాత్రమే ఆడాడు. ఇందులో ఒక టెస్ట్, ఒక వన్డే ఉన్నాయి. రెండు ఫార్మాట్లలో అతని అరంగేట్రం 2024 సంవత్సరంలో జరిగింది. ఆ టెస్టులో బాష్ 81 పరుగులు చేసి 5 వికెట్లు పడగొట్టాడు. ఒక వన్డేలో, అతను 40 పరుగులు చేసి ఒక వికెట్ తీసుకున్నాడు. అయితే, ఐసీసీ ఛాంపియన్స్ ట్రోఫీ వంటి పెద్ద టోర్నమెంట్లో అతను తన ఆటతో ఎలాంటి ప్రభావం చూపుతాడో, నార్కియా లేకపోవడాన్ని ఎలా భర్తీ చేస్తుందో ఇప్పుడు చూడాలి.
కార్బిన్ లిస్ట్ ఏ, ఫస్ట్-క్లాస్ కెరీర్..
కార్బిన్కు అంతర్జాతీయ క్రికెట్ అనుభవం లేకపోయినా, అతను చాలా ఫస్ట్ క్లాస్, లిస్ట్ ఏ క్రికెట్ ఆడాడు. దక్షిణాఫ్రికాలోని డర్బన్లో 1994 సెప్టెంబర్ 10న జన్మించిన కార్బిన్, 35 ఫస్ట్ క్లాస్ మ్యాచ్ల్లో 52 ఇన్నింగ్స్ల్లో 11 హాఫ్ సెంచరీల సహాయంతో 1376 పరుగులు చేశాడు. మొత్తంగా 77 వికెట్లు పడగొట్టాడు. 32 లిస్ట్ ఏ మ్యాచ్ల్లో, అతను 3 అర్ధ సెంచరీల సహాయంతో 547 పరుగులు చేశాడు. ఇది కాకుండా, అతను లిస్ట్ ఏలో 38 వికెట్లు పడగొట్టాడు.
మరిన్ని క్రీడా వార్తల కోసం ఇక్కడ క్లిక్ చేయండి..