Team India: భారత జట్టులోకి 52 ఏళ్ల వెటరన్ ప్లేయర్..! ఛాంపియన్స్ ట్రోపీకి ముందే మార్పులకు శ్రీకారం?
Indian Cricket: టీమిండియా బ్యాటింగ్ కోచ్గా 52 ఏళ్ల వెటరన్ను నియమించాలని భారత క్రికెట్ నియంత్రణ మండలి (బీసీసీఐ) పరిశీలిస్తోంది. టీమిండియా సీనియర్ బ్యాట్స్మెన్స్ల నిరంతర పేలవ ప్రదర్శన తర్వాత బీసీసీఐ పలు మార్పులకు శ్రీకారం చుడుతోంది. ఈ క్రమంలో బ్యాటింగ్ కోచ్ని నియమించేందుకు రంగం సిద్ధమవుతున్నట్లు తెలుస్తోంది.
Updated on: Jan 16, 2025 | 6:05 PM
Team India: స్వదేశంలో న్యూజిలాండ్తో జరిగిన టెస్ట్ సిరీస్లో మొదట క్లిప్ స్వీప్ అయ్యి, ఆపై బోర్డర్ గవాస్కర్ ట్రోఫీలో టీమిండియా ఫ్లాప్ ప్రదర్శన తర్వాత బీసీసీఐ పలు మార్పులకు శ్రీకారం చుడుతోంది. ఇటీవల బీసీసీఐ సమీక్షా సమావేశం జరిగింది. దీనిలో దేశీయ క్రికెట్ ఆడే సీనియర్ బ్యాట్స్మెన్స్తో సహా అనేక అంశాలు చర్చించారు. ఇప్పుడు గౌతమ్ గంభీర్ కోచింగ్ స్టాఫ్లో కొత్త పేరు చేరబోతున్నట్లు వార్తలు వస్తున్నాయి. నివేదికలను విశ్వసిస్తే బీసీసీఐ బ్యాటింగ్ కోచ్గా భారత లెజెండ్ను నియమించాలని ఆలోచిస్తోందని తెలుస్తోంది.
ఈ అనుభవజ్ఞుడు జట్టులో చేరే ఛాన్స్..!
టైమ్స్ ఆఫ్ ఇండియా నివేదిక ప్రకారం, భారత క్రికెట్ నియంత్రణ మండలి (BCCI) మాజీ దేశీయ దిగ్గజం సితాన్షు కోటక్ను టీమిండియా బ్యాటింగ్ కోచ్గా నియమించే అవకాశాన్ని తీవ్రంగా పరిశీలిస్తోంది. సితాన్షు ప్రస్తుతం భారత ఏ జట్టుకు ప్రధాన కోచ్గా ఉన్నారు. గతేడాది నవంబర్లో ఆస్ట్రేలియా టూర్లో ఇండియా ఏ జట్టుకు కోటక్ ప్రధాన కోచ్గా వ్యవహరించాడు. అతను ఆగస్ట్ 2023 లో టీ20 సిరీస్ కోసం ఐర్లాండ్లో పర్యటించడానికి జస్ప్రీత్ బుమ్రా నేతృత్వంలోని భారత జట్టుకు ప్రధాన కోచ్గా కూడా ఉన్నాడు.
కోచింగ్లో మంచి అనుభవం..
సౌరాష్ట్రకు కెప్టెన్గా వ్యవహరించిన ఈ 52 ఏళ్ల మాజీ ఎడమచేతి వాటం బ్యాట్స్మన్, దేశవాళీ క్రికెట్లో ఒక లెజెండ్. అతను 1992-93 సీజన్ నుంచి 2013 వరకు ఆడాడు. 130 ఫస్ట్-క్లాస్ మ్యాచ్లలో 41.76 సగటుతో 15 సెంచరీలు, 55 అర్ధ సెంచరీలతో 8061 పరుగులు చేశాడు. రిటైర్మెంట్ తర్వాత, సితాన్షు పూర్తి స్థాయి కోచింగ్ పాత్రను పోషించడం ప్రారంభించాడు. సౌరాష్ట్రకు కోచింగ్ ఇచ్చిన తర్వాత, అతను బెంగళూరులోని నేషనల్ క్రికెట్ అకాడమీ (NCA)లో బ్యాటింగ్ కోచ్ అయ్యాడు. గత 4 సంవత్సరాలుగా బీసీసీఐ అతనిని రెగ్యులర్ ప్రాతిపదికన భారతదేశం ఏ కి ప్రధాన కోచ్గా నియమించింది.
ఛాంపియన్స్ ట్రోఫీకి ముందే నిర్ణయం..
‘అవును, భారత బ్యాటింగ్ కోచ్ పాత్ర కోసం కోటక్ పేరు చర్చించబడుతోంది. ఫిబ్రవరిలో జరిగే ఛాంపియన్స్ ట్రోఫీతో ఇది ప్రారంభమవుతుంది. దీనికి సంబంధించి బీసీసీఐ అధికారికంగా ప్రకటించే అవకాశం ఉంది. గత రెండు సిరీస్లలో మన బ్యాట్స్మెన్స్ (సీనియర్లతో సహా) చాలా మంది కష్టపడ్డారు. బ్యాటింగ్ కోణంలో భారత పురుషుల క్రికెట్ జట్టు సహాయక సిబ్బందిని బలోపేతం చేయాల్సిన అవసరం ఉంది’ అని ఓ అధికారి తెలిపారు.
ప్రస్తుతం, భారత కోచింగ్ సిబ్బందిలో ప్రధాన కోచ్ గౌతమ్ గంభీర్ కాకుండా మోర్నే మోర్కెల్ (బౌలింగ్ కోచ్), అభిషేక్ నాయర్ (అసిస్టెంట్ కోచ్), ర్యాన్ టెన్ డోస్చాట్ (అసిస్టెంట్ కోచ్), టి దిలీప్ (ఫీల్డింగ్ కోచ్) ఉన్నారు. జట్టుకు బ్యాటింగ్ కోచ్ లేరు. అయితే, నాయర్ పాత్ర బ్యాట్స్మెన్తో కలిసి పనిచేయడంపై దృష్టి పెడుతుంది. బ్యాటింగ్ విభాగంలో స్పెషలిస్ట్ అవసరం ఉందని బీసీసీఐ భావిస్తోంది.
మరిన్ని క్రీడా వార్తల కోసం ఇక్కడ క్లిక్ చేయండి..
