ఓ తండ్రిగా నా బాధ్యతను నెరవేర్చా.. నా బిడ్డకు మంచి భర్తను ఇచ్చా.. కూతురిని అత్తారింటికి పంపే క్షణాన అఫ్రిది ఎమోషనల్‌
తన కుమార్తెను అత్తారింటికి పంపే క్షణంలో షాహిద్ ఆఫ్రిది భావోద్వేగానికి లోనయ్యాడు. నిఖా తర్వాత సోషల్‌ మీడియా వేదికగా ఓ ఎమోషనల్‌ ట్వీట్‌ చేశాడు. తన కూతరు పెళ్లి ఫొటోలను షేర్‌ చేస్తూ..
పాకిస్తాన్ స్పీడ్‌స్టర్ షాహీన్ షా ఆఫ్రిది ఓ ఇంటివాడైన సంగతి తెలిసిందే. పాకిస్తాన్ దిగ్గజ క్రికెటర్‌ షాహిద్ ఆఫ్రిది కుమార్తె అన్షాతో కలిసి అతను వైవాహిక బంధంలోకి అడుగుపెట్టాడు. కరాచీ నగరంలోని ఓ మసీదులో వీరి వివాహం అంగరంగ వైభవంగా జరిగింది. షాహీన్ షా పెళ్లికి కెప్టెన్‌ బాబర్‌ ఆజం, సర్ఫరాజ్‌, మాజీ కోచ్‌ సక్లైన్‌ ముస్తాక్‌తో సహా పలువురు క్రికెటర్లు హాజరయ్యారు. నూతన దంపతులను ఆశీర్వదించి అభినందనలు తెలిపారు. ప్రస్తుతం షాహీన్‌షా- అన్షాల పెళ్లి ఫొటోలు సోషల్‌ మీడియాలో వైరలవుతున్నాయి. పాక్‌ క్రికెటర్లతో పాటు విదేశీ ఆటగాళ్లు కూడా కొత్త జంటకు కంగ్రాట్స్‌ చెబుతున్నారు. కాగా తన కుమార్తెను అత్తారింటికి పంపే క్షణంలో షాహిద్ ఆఫ్రిది భావోద్వేగానికి లోనయ్యాడు. నిఖా తర్వాత సోషల్‌ మీడియా వేదికగా ఓ ఎమోషనల్‌ ట్వీట్‌ చేశాడు. తన కూతరు పెళ్లి ఫొటోలను షేర్‌ చేస్తూ.. ‘ కూతురంటే ఓ ఇంటి పూదోటలో వికసించే అందమైన పుష్పం. తనతో కలిసి మనస్ఫూర్తిగా నవ్వగలం, తన కలలను ప్రేమించగలం. తను ఉంటే చాలనిపిస్తుంది. ఇక ఓ తండ్రిగా నా బిడ్డ పట్ల నా బాధ్యతను నెరవేర్చా. షాహిన్‌ ఆఫ్రిదిని తనకు భర్తగా ఇచ్చాను. నూతన దంపతులకు శుభాభినందనలు’ అని ట్వి్ట్టర్‌లో పేర్నొన్నాడు అఫ్రిది.
కా గా 22 ఏళ్ల షాహీన్ అఫ్రిది ఇప్పటివరకు పాక్‌ తరఫున 25 టెస్ట్‌ల్లో 99 వికెట్లు పడగొట్టాడు. 32 వన్డేల్లో 62 వికెట్లు నేలకూల్చాడు. అలాగే 47 టీ20 మ్యాచుల్లో 58 వికెట్ల పడగొట్టి పాక్‌ విజయాల్లో కీలక పాత్ర పోషిస్తున్నాడు. కాగా పెళ్లి తర్వాత మళ్లీ క్రికెట్‌లో బిజీ కానున్నాడు షాహీన్. ఫిబ్రవరి 13 నుంచి జరగనున్న పాకిస్తాన్ సూపర్‌ లీగ్‌లో లాహోర్ ఖలందర్స్‌కు అతను సారథ్యం వహించనున్నాడు. కాగా పాకిస్తాన్ తదుపరి సిరీస్‌లో న్యూజీలాండ్‌తో తలపడనుంది. స్వదేశంలో జరిగే ఈ సిరీస్‌లో ఇరుజట్ల మధ్య 5 టీ20లు, 5 వన్డేలు జరగనున్నాయి.
Daughter is the most beautiful flower of your garden because they blossom with great blessing. A daughter is someone you laugh with, dream with, and love with all your heart. As parent, I gave my daughter in Nikkah to @iShaheenAfridi, congratulations to the two of them? pic.twitter.com/ppjcLllk8r
— Shahid Afridi (@SAfridiOfficial) February 4, 2023
Pakistan cricketer Shaheen Afridi got married to former captain Shahid Afridi’s daughter, Ansha, in Karachi. We Wish both a Lifetime of Happiness ???! pic.twitter.com/TwDsVa35jo
— Sri Lanka Tweet ?? (@SriLankaTweet) February 4, 2023
మరిన్ని క్రికెట్ వార్తల కోసం క్లిక్ చేయండి..
