Video: 8వ తరగతి పిల్లాడి ఆట చూసేందుకే నిద్ర లేచా: సుందర్ పిచాయ్‌

Vaibhav Suryavanshi Cries: వైభవ్ సూర్యవంశీ కేవలం 14 సంవత్సరాల వయసులో, వైభవ్ ప్రపంచంలోనే అతిపెద్ద T20 లీగ్, IPL వంటి రెండవ అత్యంత ఖరీదైన స్పోర్ట్స్ లీగ్‌లో అరంగేట్రం చేయడం ద్వారా చరిత్ర సృష్టించాడు. అంతేకాకుండా ఐపీఎల్ చరిత్రలో అతి పిన్న వయస్కుడైన ఆటగాడిగా కూడా నిలిచాడు. ఇక తన కెరీర్‌లోని మొదటి బంతికే సిక్స్ కొట్టి అందరినీ ఆశ్చర్యపరిచాడు. అతని బ్యాటింగ్ వైఖరిని ప్రశంసిస్తూ సోషల్ మీడియాలో దిగ్గజాల నుంచి ఫ్యాన్ వరకు కామెంట్లు చేస్తున్నారు. ఈ క్రమంలో గూగుల్ సీఈఓ సుందర్ పిచాయ్ కూడా బుడ్డోడి ఇన్నింగ్స్ చూసి ఫిదా అయ్యాడు.

సుందర్ పిచాయ్ ప్రశంసలు..

ఏప్రిల్ 19వ తేదీ శనివారం జైపూర్‌లోని సవాయ్ మాన్సింగ్ స్టేడియంలో లక్నో సూపర్ జెయింట్స్‌తో జరిగే మ్యాచ్‌లో వైభవ్‌కు అరంగేట్రం చేసే అవకాశం లభించింది. కెప్టెన్ సంజు శాంసన్ గాయం కారణంగా అతనికి ఈ అవకాశం లభించింది. 14 సంవత్సరాల 23 రోజుల వయస్సులో, అతను ఐపీఎల్‌లో అతి పిన్న వయస్కుడైన ఆటగాడిగా నిలిచాడు. ఈ రికార్డు తర్వాత, వైభవ్ తన బ్యాటింగ్‌తో సంచలనం సృష్టించాడు. లక్నో ఇచ్చిన 181 పరుగుల లక్ష్యాన్ని సాధించడానికి, వైభవ్ ఓపెనర్‌గా వచ్చాడు. మొదటి ఓవర్లో స్ట్రైక్‌లోకి వచ్చి రాగానే లార్డ్ శార్దూల్ ఠాకూర్‌ను ఎదుర్కొన్నాడు. తన కెరీర్‌లో తొలి బంతికే వైభవ్ కవర్స్‌పై అద్భుతమైన సిక్స్ కొట్టి, అందిరినీ ఆశ్చర్యపరిచాడు. ఈక్రమంలో వైభవ్ సూర్యవంశీ గురించి సుందర్ పిచాయ్ చేసిన ట్వీట్ సోషల్ మీడియాలో వైరల్ అవుతుంది. “నేను ఉదయం నిద్రలేచి 8వ తరగతి చదువుతున్న ఒక చిన్న పిల్లవాడి ఆటను చూడాలనుకున్నా. తొలి మ్యాచ్ లో  అద్భుతంగా ఆడాడు” అని పోస్ట్ చేశారు. సుందర్ పిచాయ్ ఇలా అనడంతో నెటిజన్లు కూడా తమ వాదన వినిపించారు. ఫ్యూచర్ టీమిండియా అంటూ కామెంట్లు చేస్తున్నారు. సామ్ బిల్లింగ్స్‌ కూడా ట్వీట్ చేస్తూ.. కవర్స్‌ మీదుగా మొదటి బంతిని సిక్స్‌గా మలిచిన విధానం యూవీని తలపిస్తోందంటూ కామెంట్స్ చేశాడు.

Woke up to watch an 8th grader play in the IPL!!!! What a debut! https://t.co/KMR7TfnVmL

— Sundar Pichai (@sundarpichai) April 19, 2025

మైదానం నుంచి బయటకు రాగానే కన్నీళ్లు..

వైభవ్ ఇంతటి అద్భుతమైన ప్రారంభంతో అందరినీ ఆశ్చర్యపరిచాడు. ఆ తర్వాత తన మూడో బంతికి అవేశ్‌ఖాన్‌ బౌలింగ్‌లో సిక్సర్‌ బాదాడు. ఆ తర్వాత కూడా వైభవ్ తన ఆధిపత్యాన్ని కొనసాగించి మరికొన్ని బౌండరీలు బాదేశాడు. అద్భుతమైన ఇన్నింగ్స్ ఆడిన తర్వాత వైభవ్ భారీ స్కోరు దిశగా పయనిస్తున్నాడు. కానీ, 9వ ఓవర్లో, ఐడెన్ మార్క్రామ్ వేసిన నాల్గవ బంతికి రిషబ్ పంత్ అతనిని స్టంప్ ఔట్ చేశాడు. థర్డ్ అంపైర్ తన నిర్ణయాన్ని ప్రకటించగానే, వైభవ్ పెవిలియన్ వైపు అడుగులు ప్రారంభించాడు. అతను పెవిలియన్ వైపు నడుస్తూ.. ఏడవడం ప్రారంభించాడు. అతని కళ్ళ నుంచి కన్నీళ్ళు కారడం ప్రారంభించాయి. వైభవ్ తన చేతితో కన్నీళ్లు తుడుచుకుంటూ కనిపించాడు.

వైభవ్ సూర్యవంశీ ఎవరు?

जब भी इसका मज़ाक उड़ाने की भावना जोर से लगे, बस याद करना, “तुम क्या कर रहे थे जब चौदह के थे?”@RajsthanRoyals@LucknowIPL #VaibhavSuryavanshi pic.twitter.com/QoGJUeZvaO

— Gaurav Pratap (@gauravprat) April 19, 2025

ఐపీఎల్ 2025 వేలంలో అమ్ముడైనప్పటి నుంచి వైభవ్ సూర్యవంశీ వార్తల్లో నిలిచాడు. అతని అరంగేట్రం కోసం అందరూ ఎదురు చూశారు. కానీ, అతనికి అవకాశం దక్కలేదు. అయితే, సంజు శాంసన్ ఎంపిక కాకపోవడంతో ఈ బుడతడికి అవకాశం వచ్చింది. వచ్చిన అవకాశాన్ని పూర్తిగా ఉపయోగించుకున్నాడు. ఈ ఆటగాడి క్రికెట్ కెరీర్ గురించి మాట్లాడుకుంటే, అతను 12 సంవత్సరాల వయసులో ఫస్ట్-క్లాస్ క్రికెట్‌లోకి అరంగేట్రం చేశాడు.

వైభవ్ సూర్యవంశీ రంజీ ట్రోఫీ ఆడిన అతి పిన్న వయస్కులలో ఒకడిగా నిలిచాడు. 2024లో ఆస్ట్రేలియా అండర్-19తో జరిగిన మ్యాచ్‌కు వైభవ్ భారత జట్టులోకి ఎంపికయ్యాడు. ఇక్కడ అతను కేవలం 58 బంతుల్లోనే సెంచరీ సాధించి కొత్త రికార్డు సృష్టించాడు. అతను 13 సంవత్సరాల 269 రోజుల వయసులో లిస్ట్ ఎ అరంగేట్రం చేశాడు. ఈ ఘనత సాధించిన అతి పిన్న వయస్కుడైన భారతీయుడిగా నిలిచాడు.