IPL 2022: సింగిల్ హ్యాండ్‌తో కోహ్లీ స్టన్నింగ్‌ క్యాచ్‌… అవాక్కయిన అనుష్క

తాజాగా ఢిల్లీ జట్టుతో బెంగళూరు జట్టు తలపడిన విషయం తెలిసిందే. ఈ మ్యాచ్‌లో తక్కువ స్కోరుకే వెనుదిరిగినా.. ఫీల్డింగ్‌లో మాత్రం కేక పెట్టించాడు కోహ్లీ. అద్భుత క్యాచ్‌తో ఆకట్టుకున్నాడు.

Kohli Catch

Ram Naramaneni |
Updated on: Apr 17, 2022 | 12:23 PM

Kohli stunning catch: టీమిండియా మాజీ కెప్టెన్‌ విరాట్‌ కోహ్లీ, బాలీవుడ్‌ బ్యూటీ అనుష్క శర్మలు ఓ బేబీకి జన్మనిచ్చిన విషయం తెలిసిందే. అయితే చాలా రోజుల పాపను మీడియా కంట పడకుండా జాగ్రత్త పడిన ఈ జంట.. ఈ మధ్యే బేబీ ఫేస్‌ను రివిల్‌ చేశారు. ఇదిలా ఉంటే.. ఈ మధ్య కాలంలో క్రికెట్‌లో అంతగా రాణించలేకపోతున్న రన్నింగ్‌ మెషిన్‌ కోహ్లీ.. ఫిట్‌నెస్‌ విషయంలో ఇబ్బంది పడుతున్నాడు. ఇక తాజాగా జరుగుతున్న ఐపీఎల్‌ సీజన్‌లో బెంగళూరు జట్టు తరుపున ఆడుతున్న కోహ్లీ.. గ్రౌండ్‌లో ఓ స్టన్నింగ్‌ ఫీట్‌ చేశాడు. ఇక ఈ సీన్‌ చూసిన అనుష్క శర్మ ఒక్కసారిగా షాక్‌ గురి అయింది. దిమ్మతిరిగిపోయిన ఎక్స్‌ప్రెషన్స్‌తో స్టాండ్స్‌లో నిలబడి కోహ్లీని ఆశ్చర్యంగా అలా చూస్తూ ఉండిపోయింది.

తాజాగా ఢిల్లీ జట్టుతో బెంగళూరు జట్టు తలపడింది. ఈ మ్యాచ్‌లో తక్కువ స్కోరుకే వెనుదిరిగినా.. ఫీల్డింగ్‌లో మాత్రం కేక పెట్టించాడు కోహ్లీ. అద్భుత క్యాచ్ తో ఢిల్లీ క్యాపిటల్స్ సారథి రిషభ్ పంత్‌ను పెవిలియన్‌కు చేర్చాడు. సిరాజ్ వేసిన మూడో బంతిని పంత్ షాట్ ఆడే ప్రయత్నం చేయగా.. కవర్స్‌లో ఫీల్డింగ్ చేస్తున్న కోహ్లీ తల మీదుగా బంతి వెళ్లింది. అయితే కోహ్లీ క్షణకాలంలో గాల్లోకి ఎగిరి ఒంటి చేత్తో నమ్మశక్యం కాని రీతిలో క్యాచ్ అందుకున్నాడు. ఇక ఈ సీన్‌ చూసిన అనుష్క శర్మ ఒక్కసారిగా షాక్‌ అయి, తన భర్తకు ఫ్లైయింగ్‌ కిస్‌లు ఇచ్చింది. ప్రస్తుతం దీనికి సంబంధించిన వీడియో సోషల్ మీడియాలో తెగ వైరల్ అవుతోంది. ఒకరకంగా ఈ క్యాచే మ్యాచ్‌కు టర్నింగ్ పాయింట్ అయింది. ఫలితంగా ఢిల్లీపై ఆర్సీబీ 16 పరుగుల తేడాతో విజయం సాధించింది.