Ravi Shastri : రవిశాస్త్రీతో బ్రిటీష్ రాయల్ ఫ్యామిలీ మోడల్… ఇంతకీ ఆ మిస్టరీ గర్ల్ ఎవరో తెలుసా ?

Ravi Shastri : వింబుల్డన్ 2025 టోర్నమెంట్ ముగిసింది. ఫైనల్ మ్యాచ్‌ను చూడటానికి ప్రపంచవ్యాప్తంగా చాలామంది సెలబ్రిటీలు వచ్చారు. విరాట్ కోహ్లీ, అనుష్క శర్మ, సచిన్ టెండూల్కర్, ప్రియాంక చోప్రా వంటి వారు కూడా హాజరయ్యారు. అయితే, మాజీ క్రికెటర్, ప్రస్తుత కామెంటేటర్ రవిశాస్త్రి కూడా వింబుల్డన్ చూడటానికి వెళ్లారు. ఈ సమయంలో ఆయనతో ఒక మహిళ కనిపించారు. ఈ ఫోటో సోషల్ మీడియాలో వైరల్ కావడంతో, ఆమె ఎవరు అని అందరూ ఆసక్తిగా వెతకడం మొదలుపెట్టారు. ఆమె సాధారణ మహిళ కాదు, బ్రిటీష్ రాయల్ ఫ్యామిలీకి చెందిన మోడల్.

రవిశాస్త్రీతో ఉన్న ఆ మహిళ పేరు లేడీ ఇసాబెల్లా హర్వే. ఆమె తన ఇన్‌స్టాగ్రామ్ అకౌంట్‌లో రవిశాస్త్రితో కలిసి దిగిన ఫోటోను పోస్ట్ చేశారు. రవిశాస్త్రి కూడా ఆ ఫోటోను తన ఇన్‌స్టాగ్రామ్ అకౌంట్‌లో రీ-షేర్ చేశారు. దీనితో, నెటిజన్లు ఆ మహిళ ఎవరు అని తెలుసుకోవడానికి ఆసక్తి చూపారు.

రవిశాస్త్రితో ఉన్న ఆ మహిళ లేడీ ఇసాబెల్లా హర్వే, బ్రిటీష్ రాయల్ ఫ్యామిలీకి చెందిన వ్యక్తి. ఆమె హర్వే బ్రిస్టల్ ఆరవ మార్క్వేస్ చిన్న కుమార్తె. ఆమె సోదరి లేడీ విక్టోరియా హర్వే కూడా ఒక పాపులర్ మోడల్. విక్టోరియా ఒకప్పుడు తన వ్యక్తిగత జీవితం కారణంగా వార్తల్లో ఎక్కువగా ఉండేవారు. ఆమెను పార్టీ గర్ల్ అని పిలిచేవారు. ఆమెకు ఫుట్‌బాల్ ఆటగాడు జార్జ్ బెస్ట్ కొడుకు కాల్మ్ బెస్ట్, ఫార్ములా 1 రేసర్ డేవిడ్ కుల్తార్డ్తో సహా చాలామందితో ఎఫైర్లు ఉన్నట్లు సమాచారం. లేడీ ఇసాబెల్లా హర్వే వయసు 48 ఏళ్లు. ఒకప్పుడు విలాసవంతమైన జీవితం గడిపిన ఆమె ఇప్పుడు పోర్చుగల్‌లో చాలా సాధారణ జీవితం గడుపుతున్నారు.

View this post on Instagram

A post shared by Isabella Hervey (@roadbikergirlfitness)

రవిశాస్త్రి ప్రస్తుతం ఇంగ్లాండ్‌లో ఉన్నారు. అక్కడ భారత్, ఇంగ్లాండ్ మధ్య జరుగుతున్న ఐదు మ్యాచ్‌ల టెస్ట్ సిరీస్‌కు కామెంటరీ చేస్తున్నారు. గతంలో భారత జట్టుకు హెడ్ కోచ్‌గా కూడా పనిచేశారు. 63 ఏళ్ల రవిశాస్త్రి భారత జట్టుకు 80 టెస్టులు, 150 వన్డేలు ఆడారు. టెస్టుల్లో 3830 పరుగులు, వన్డేల్లో 3108 పరుగులు సాధించారు. బౌలింగ్‌లో టెస్టుల్లో 151 వికెట్లు, వన్డేల్లో 129 వికెట్లు తీశారు.

మరిన్ని క్రికెట్ వార్తల కోసం ఇక్కడ క్లిక్ చేయండి..