ఏషియన్ గేమ్స్ గోల్డ్ మెడల్స్.. టీమిండియా ప్లేయర్లతో ప్రధాని మోదీ భేటీ.. ఎప్పుడంటే?

Team India Gold Medal: 2026 ఏషియన్ గేమ్స్‌లో భారత క్రికెట్ జట్లు సాధించిన ఘనతకు మరో ప్రత్యేక గుర్తింపు లభించనుంది. పురుషుల, మహిళల జట్లు ఒకే వేదికపై స్వర్ణ పతకాలు సాధించడంతో భారత క్రికెట్‌కు గోల్డెన్ డబుల్ దక్కింది. ఈ విజయాలను పురస్కరించుకుని ప్రధాని నరేంద్ర మోదీ రెండు జట్ల ఆటగాళ్లతో సమావేశం కానున్నట్లు నివేదికలు వెల్లడించాయి.

ఇండియన్ ఎక్స్‌ప్రెస్‌కు చెందిన దేవేంద్ర పాండే కథనం ప్రకారం.. ప్రధాని మోదీ భారత పురుషుల, మహిళల స్వర్ణ పతక విజేతలతో భేటీ కావాలని నిర్ణయించుకున్నట్లు సమాచారం. ఈ సమావేశం అక్టోబర్ 15న జరగనున్నట్లు ఆ నివేదిక పేర్కొంది.

ఎక్కువమంది చదివినది: మన వాళ్లంతా దద్దమ్మలే.. టీమిండియా ప్లేయర్లపై అశ్విన్ సంచలన వ్యాఖ్యలు..!

ఏషియన్ గేమ్స్‌లో జపాన్‌లోని నిషిన్‌లో భారత క్రికెట్ జట్లు తమ సత్తా చాటాయి. మహిళల విభాగంలో హర్మన్‌ప్రీత్ కౌర్ నాయకత్వంలోని భారత జట్టు శ్రీలంకను ఏకపక్షంగా ఓడించి స్వర్ణ పతకం సాధించింది. మరోవైపు పురుషుల జట్టు అక్టోబర్ 3న జరిగిన ఉత్కంఠభరిత ఫైనల్లో చిరకాల ప్రత్యర్థి పాకిస్థాన్‌ను ఓడించి బంగారు పతకాన్ని సొంతం చేసుకుంది.

ఇప్పటికే అభినందించిన మోదీ..

పురుషుల జట్టు పాకిస్థాన్‌పై విజయం సాధించిన వెంటనే ప్రధాని మోదీ సోషల్ మీడియా వేదికగా టీమిండియాను అభినందించారు. ఏషియన్ గేమ్స్‌లో టైటిల్‌ను నిలబెట్టుకున్న భారత జట్టుకు శుభాకాంక్షలు తెలిపారు. దేశానికి ఇది సంతోషకరమైన సందర్భమని పేర్కొన్నారు.

మహిళల జట్టు స్వర్ణ పతకం సాధించినప్పుడు కూడా ప్రధాని మోదీ అభినందనలు తెలిపారు. ఫైనల్లో శ్రీలంకపై భారత మహిళల జట్టు 147 పరుగుల తేడాతో విజయం సాధించిన తర్వాత.. జట్టు ప్రదర్శనను ఆయన ప్రశంసించారు. ఆత్మవిశ్వాసం, నైపుణ్యం, సమష్టి కృషితో భారత్ అద్భుత ప్రదర్శన చేసిందని పేర్కొన్నారు.

గోల్డెన్ డబుల్‌కు ప్రత్యేక గుర్తింపు..

ఏషియన్ గేమ్స్ 2026లో భారత పురుషుల, మహిళల క్రికెట్ జట్లు స్వర్ణ పతకాలు సాధించడం భారత క్రికెట్‌కు ప్రత్యేక విజయంగా నిలిచింది. ఇప్పటికే రెండు జట్లను అభినందించిన ప్రధాని మోదీ.. అక్టోబర్ 15న జరిగే భేటీలో ఆటగాళ్లను నేరుగా కలవనున్నట్లు సమాచారం.

ఎక్కువమంది చదివినది: Team India: 3 మ్యాచ్‌ల్లో 3 పరుగులు.. మరోసారి విఫలం.. ఇక టీమిండియాలో నో ఛాన్స్..?

అయితే ఈ సమావేశంలో ఆటగాళ్లకు ఎలాంటి ప్రత్యేక గుర్తింపు లేదా ప్రకటన ఉంటుందనే విషయంపై ప్రస్తుత నివేదికలో వివరాలు వెల్లడించలేదు. ప్రధాని మోదీతో భేటీకి సంబంధించి మరిన్ని వివరాలు అధికారికంగా వెల్లడికావాల్సి ఉంది.